الزمان متغييرش اما النفوس هي هلي تغيرت

» منقول عن الفيسبوك - 15/02/2016

لا توجد معلومات ولا الوقت دقيق

من زمان كان في بالبيت تلفزيون واحد وقناة وحدة او ثنتين والناس تعرف كل الاخبار
اليوم بكل غرفة في تلفزيون والف قناة ومحدا بيعرف عن حدا شي وكل الاعلام كذب بكذب وبتعرفش مين بتسدق

من زمان كان بكل بيت تقعد كل العيلي عالاكل سوا وياكلوا من الموجود
اليوم كل واحد بياكل لحالو واذا حدا معجبوش الاكل بيروح بياكل بمطعم وبيضل الاكل اسبوع متل مهو وبيخرب ومنزتوا

من زمان كان بس الناس تلتقي مع بعضها بيسهروا وبيحكوا وبيضحكوا وبينبسطوا
اليوم بس الناس تلتقي محدا بيحكي مع الثاني كل واحد حاطط راسو بالبيلفون ومش منتبه لشو بيصير حدو

من زمان كان في بكل بيت 10 ولاد ومتربيين احسن تربية وبيساعدوا اهلن
اسا بكل بيت في ولد وبنت بس ومدلعين كثير ومش جايبين لاهلن غير وجع الراس

من زمان كانت الناس تنام عالارض وتنام وهي مرتاحة
اليوم بطل يعجبن غير يناموا عالتخت ويشتروا احسن واغلى انواع غرف النوم والفرشي

من زمان كان في بالبيت صالون ومطبخ وغرفة وكان البيت مفتوح للكل والناس كلها تجتمع مع بعضها وتسهر
اليوم بكل بيت اكثر من غرفة وصالون كبير واحلا الاثاث والديكورات ومحدا عبيزور حدا , واذا حدا فكر يزور حدا بدو ياخذ موعد من قبل وبيكون كل الحديث سياسي ومصاري ومين شترا ومين باع ومين طلق ومين تجوز

الزمان متغييرش اما النفوس هي هلي تغيرت……

كلمات مفتاحية:
  • المرسل:  ريم

    كلام مزبوط ميه بلميه. النفوس خربت مش تغيرت. حاله لوين رح توصل العالم هاي الله وحده اللي بيعرف. للاسف البساطه اليوم صارت عيب وبيستحي الواحد فيها. ما في منها نبقى عطبيعتنا ما نتاثرر باشخاص هن نفسهون عله علمجتمع. شكرا جزيلا علي كتب هلمقال. بلتوفيق

  • المرسل:  وائل

    كلام موزون
    الله يغير الحال بائحسن حال للجميع

  • المرسل:  جولانيه...

    حكي لا تعليق عليه 100% ليوم ناس هما لسيارة ولمصاري ولفخفخه .بطل في إجتماعيات ناس كلا تغيرت ، قبل فش مصاري وكانت كل ناس نفس شي ومكنش في أستغلال وشوفت حال ، كانت لقلوب على بعضها ليوم ليموت لواحد ليروحو يشوفو ويمكن بيرحوش على لفيس بأجرو في .للأسف وصلنا لوقت الله يساعد ناس صارت تمشي على مبدأ المصاري هي بتجيب الإنسان مش الإنسان هو بجيب مصاري.

  • المرسل:  زينه

    حكي واقعي للاسف هيك صارت عيشتنا البليفونات صارت اغلا من اهلنا وصحابنا والمنفخا عمنتسابق عليها بس بحب قلك شغلي انو بعد في ناس بتنام عالارض واني منهن

  • المرسل:  سيما

    مزبوط ومئة بالمئة

  • المرسل:  حسان زايد ابو صالح

    كلام جميل جدا نفوسنا تغيرت الزمان والمكان ما بيتغير
    صقلى على ايام الماضيه كانت حلوي على الأقل الطفولة حلوي مش متل اليوم عايشين الطفولة على الانترنت

  • المرسل:  رشا

    عنجد حكي مزبوط وميه بلميه ليوم ما حدا لحدا واذا اجاك ناس بتقول ايمتا بدن يفلو بتنزعج وصارت رسميان اكثر ولكن الله يلعن الزمن الي وصلنا لهون (قديش مصرياتك ) ليوم افش كيف صحتك انت وعيالك اتواخذونيش عنجد هيك صار لمجتمع

  • المرسل:  Aml Safadi

    ما ورد في هذا المقال صحيح جداً رغم ملاحظتي على عدم ذكر المصدر ،،،
    ولكن طبيعة الحياة أنها متحركة ولا يمكن أن تكون في حالة الجمود، ومع مرور الأيام تتغير المفاهيم والقناعات والحاجات الضرورية للأفراد، وبالطبع لا يمكن لأي مجتمع أن يبقى محمياً من التأثيرات الخارجية والتي أصبحت تصلنا بشكل اسرع عبر وسائل التواصل والمتوفرة أكثر من اللزوم،،،
    بالنسبه للتلفزيون الواحد والمحطة الواحدة ومنعرف كل الأخبار، لا أتفق مع الكاتب في هذه النقطه، فالأعلام كان وما زال كاذب وينقل الصورة التي يريد أن يوصلها الينا، ولكن زمان كنا أكثر سذاجه وكنا نصدق ما يقولون ، واليوم ازددنا وعياً واكتشفنا كم هم كاذبون،،،

  • المرسل:  Sam Kays

    كل وقت زمن وعصر له عداته وتقاليده مش شرط يكون ما منيح نحنا الخيار لنا.

  • المرسل:  111

    كلام صحيح وفش شي يضل متل مهو بس الضروف تغيرت والناس تغيرت وبللفعل النفوس تغيرت قوي الحقد وزاد الكره بين الناس …ماحلاها حياه قبل واهدا بل بس صعب كوم شخص من بين مجتمع فيه الوف يرجع لحالو لورا ..يا عمي بدناش ننام عالارض وبدنا نمسك بلفونات وسيارات ومصري واحلا بيوت وديكورات بس ترجع المحبه القديمه بينا والألفه

  • المرسل:  ساريه

    كلام سليم ،ويا ريت زمان يعود…

  • المرسل:  ظلام الليل

    كل انسان يبدا من نفسه هو شايف الناس تغيرت وهم شايفينو تغير يعني اصابع الاتهام للاخرين ونحنا التهمة راكبه علينا اشعل شمعه بدل ان تلعن الظلام الشي اللي شايف الناس مش عبتعملو عملو انت وكون صاحب التغييز

  • المرسل:  ظلام الليل

    اليوم لما انت تعمل لحدا زيارة مثلا بتستنى ليجي يسدك اياها واذا ماجاش سدك اياها بتصير بدك تبطل تروح لعنده هلشي غلط تستنيش مبادره من حدا بتحب حدا عزمو لعندك او روح لعنده المهم تستنيش ردة الفعل انت اعمل الصح وتستنيش ردة الفعل من غيرك اذا بدنا نراقب الاخرين مش راح نتغير نحنا نتغير للمنيح والاخرين بيتغيرو بيتغيروش المهم نحنا نسعى منكنش متل هلزمن

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول