عباس أبو عواد رئيساً لمجلس محلي بقعاثا بالتزكية

» جولاني - 28/10/2018

بقعاثا

بعد انسحاب المرشح المنافس للرئاسة (نافع عماشة)، الداخلية الإسرائيلية تعلن عباس أبو عواد رئيساً لمجلس محلي بقعاثا بالتزكية، وأعضاء قائمته (بقعاثا بتجمعنا) أعضاء للمجلس، وتلغي الانتخابات.

جاء ذلك في القرار الذي أصدره مكتب الداخلية اليوم، ووجهه إلى مدير الانتخابات في بقعاثا (يسرائيل لانكري)، وأعلن فيه إلغاء الاتخابات المزمع إجراؤها يوم الثلاثاء القادم (30/10/2018).

وجاء في القرار:

“بما أنه بقي مرشح وحيد لرئاسة المجلس المحلي، وقائمة واحدة للعضوية، فإنه وحسب ما يمليه قانون الانتخابات، تلغى الانتخابات في بقعاثا ويعلن عن المرشح الوحيد رئيساً للمجلس، وعن أعضاء قائمته أعضاء للمجلس المحلي.

هذا يعني أنه في يوم الانتخابات يعلن ما يلي:

1. رئيس المجلس – عباس أبو عواد.

2. أ‘ضاء المجلس – قائمة بقعاثا بتجمعنا.

وكما ذكرنا أعلاه لا تجرى الانتخابات في قرية بقعاثا.

باحترام

بوعاز يوسف

متصرف لواء الشمال”

Boqata

  • المرسل:  مواطن جولاني

    السؤال هل اشتغل اهل بقعاثا بما فيه الكفايه كما فعل اهل مسعدة لمنع الانتخابات او لمنع هذه النتيجه التى هي تتمثل بتحدى شخص لبلد ..؟؟!!!

    • المرسل:  مهتم

      ايها المواطن الجولاني ابناء القرى الاربعة يعملوا ما في وسعهم دائما لما هو افضل ولكن عليك ان تسأل لماذا لم تعمل القيادات الدينية والسياسية والشباب الواعي والمثقف ما بوسعهم عندما بدا قرار الانتخابات ولم يعملوا جاهدين الى عدم الوصول اليه، وكان يجب اتخاذ قرارات حاسمة وصارمة انذاك وليس اليوم عوضا من نسال اسئلة لا تنفعنا الآن.
      ( ما اريد ان اقوله من يريد ان يوجه اصابع اتهام فجميعنا في خانة واحدة)

  • المرسل:  من الجولان

    اهل بقعاثا تمكنو من لغي النتخبات وان يديرو هم اومرهم ومبروك لهلبلد بيستاهلو كل خير ونشالله بكل الجولان هيك بيصير احسن شي

    • المرسل:  مواطن

      كيف اهل بقعاثا الغوا الانتخابات وبالاخر شخص واحد اخذها بالتزكية يعني ها الشخص لازم يكون ممنون لاهل بلدوا يلي سلموا السلطة من دون مجهود القرارات لازم كانت تتنفذ على كل الاشخاص او تكمل الانتخابات كيف هي يعني يلي نسحب اوك احترم قرارات المشايخ واهل بلدوا وتنازل عن ترشحوا والناس شكرت في وباخلاقوا الحميدة واسا اخذ السلطة شخص بالتزكية يلي محترمش قرارات البلد اول اشخاص طالعوا القرار الحرم الديني على المرشحين هن اول ناس راح يكون عبباركوا يعني باختصار القرارات الصح بتمشي كيف صارت بقرية مسعدة انو كل المرشحين بينسحبوا او تكمل الانتخابات كيف هي وميطلعش واحد على حساب واحد

    • المرسل:  امير

      تعليقك بدل على قدي نحنا شعب مغمضين عيونا وماشين ورا بعض الاشخاص.
      بقعاثا تعتبر اول قريه جولانيي هلي نجحت الانتخابات فيها بفوز الرئيس الحالي بل تزكيي
      لعلدلك بكل بساطة انتو بهل حركي تبعكن شو عملتو
      1- في احتمال ( مع كامل الاحترام لهلي اخذها ) انو يكون هو مش الشخص المناسب وهيك انتو حطتو بل محل الغلط .
      2- لغيتو اراء كثير اشخاص بطريقة الترهيب ( حرم ديني واجتماعي عهلي بصوت) وهيك بطريقة او باخرا مشيتو الباقي وراكن كيف انتو شايفين.
      3- حرمتو البلد من انو يكون فيها تنافس لنقدر نستفيد نحنا ممواطنين من الافضل.

      بحب بأسمي وبأسم الشعب الفقير نتشكركن عل هل اخطاء هلي رح نتذكرها لقدام
      نلتقي بعد 5 سنين بوقت الانتخابات القادمي بحال وصلت المنطقه عل كل حال.

  • المرسل:  طليع عبدو بطحيش

    الف مبروك بتستاهل اخ عباس وبيحقلك منصب اعلى

  • المرسل:  مغاري

    على شو مبروك لاهل بقعاتا!!
    هذه تزكيه وليست تعيين،هذا ما يحصل عندنا بوجود مرشح واحد ينجح بالتزكيه،يعني كانه انتخب من قبل جميع اهل القريه.

  • المرسل:  جولان

    الخاسر الوحيد هم اهل بقعاثا وصل الى الكرسي اكبر رجل حكومه وفهمكم كفاي

    • المرسل:  بقعاثا

      يلي مسمي حالك جولان انت ولي خلفك اكبر رجل حكومي اشرف منك ومن كل واحد بيشد على ايدك

    • المرسل:  مؤيد للانتخابات

      الخاسر يا عزيزي هو الي وقف ضد الانتخابات،
      لانو مش منطق ترفض تنتخب وبلاخير يجي يقعد على كرسي رئيس المجلس واحد مناضل كل عمرو ضد الدولي، واذا زعلان انو زلمة الدوله ياخذها او زلمة الحكومه،
      ما تروحو توقفو كل اخر شهر علا ابواب بنوك الدولي وتأمين الوطني ، وبس بدكن شغلي من المجلس المحلي بتجي تركضو دخل ودخلك يا ابن بلدي .
      وبلاخير يا عزيزي جولان رجل المخابرات الي عبتحكي عنو ياما فاكك ناس من مصايب واولهن عارف مين وفهمك كفاي .

  • المرسل:  بقعاثا

    رد علا جولان يا اخي ذبحتك الوطني

  • المرسل:  عماد

    الف مبروك بتستاهل

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول