عشرات من الصبايا والشباب في وقفة احتجاجية على قيام مراقب من وزارة الزراعة بقتل 3 كلاب

» جولاني - 25/08/2018

IMG_4194

وقف العشرات من الصبايا  والشباب  عند دوار الجبل في مجدل شمس، عصر اليوم السبت، احتجاجاً على قيام مراقب من وزارة الزراعة، يرافقه شخص مسلح، بقتل ثلاثة  كلاب مطلقاً الرصاص عليهم. وقد حمل المحتجون لافتات كتبت عليها عبارات الاحتجاج والاستنكار والدعوة إلى الرفق بالحيوان.

https://www.youtube.com/watch?v=UY35Bcy0W_E

وقعت الحادثة بين البيوت السكنية، في حديقة أحد البيوت، ما أثار غضب الجيران والأهالي الذين خرجوا من بيوتهم على صوت إطلاق الرصاص، مستهجنين القيام بمثل هذا العمل بين البيوت السكنية.

Claudia

كلاوديا أبو صالح

السيدة كلاوديا أبو صاالح، من منظمي الاعتصام، قالت لمراسل موقع جولاني:

“نعتصم اليوم احتجاجاً على قيام مراقب من وزارة الزراعة، يرافقه شخص مسلح، بقتل ثلاثة كلاب داخل القرية. وقعت الحادثة يوم الأربعاء الماضي بجانب منزلي، والكلاب الثلاثة هم كلاب ضالة، كنت قد أخذتهم من الطريق وانتتظر قيام أشخاص معنيين بتبنيهم. الكلاب كانوا أصحاء وغير مؤذيين بتاتاً، وكنت خلال الأيام الأخيرة أخرجهم برفقة كلبي كل يوم، ولم يكن هناك أي داعٍ لقتلهم.

كنت في بيتي عندما سمعنا صوت إطلاق نار، فخرجنا لنجدهم قد أطلقوا النار وقتلوا الكلب الأب والكلبة الأم ويهمون بقتل الجرو، حاولنا منعهم لكنهم لم يتوقفوا وقاموا بقتله أيضاً، وتمكنا من إنقاذ جرو أخر. كانت حجتهم بأن الكلاب مصابة بداء الكلب، لكن هذا الكلام غير صحيح، فالكلاب أصحاء وأنا أعتني بهم وهم أليفون جداً.

الشاب جوزيف أمين قال أنه جاء ليحنج على قيام هؤلاء بإطلاق الناء على الكلاب داخل القرية وبين البيوت السكنية، وهذا أمر غير مقبول بتاتناً ويجب أن لا يتكرر في المستقبل.

IMG_4203

IMG_4193

IMG_4195

IMG_4196

IMG_4197

IMG_4198

IMG_4199

IMG_4200

IMG_4201

IMG_4202

IMG_4211

IMG_4212

  • المرسل:  من البلد

    علكلاب بتحتجو بس عاهل السويداء محدا هون .وين صرتو.

  • المرسل:  امجد

    كل مين عندو كلب يربطو. صرنا سامعين اكثر من مره انو الكلاب هجمت علناس. اني مع كمان يحطو بعد مخالفه 20000 شيكل لكل انسان بيفلت كلبو لانو وصلنا بلبلد لوضع غير مقبول وولادنا بعد اسبوع بتبلش تروح علمدارس وكميت هلكلاب فلتاني علطريق .منستنا ليهجم على شي ولد ويقتلو وبعدين منقول انو الكلاب ابتاذيش. من الاخير كل مين يربط كلبو ما حدا بيقرب عليه

  • المرسل:  مغترب

    مبادره راءعه. اوافقكم الراي واشجع موقفكم. سؤالي: لماذا لم تدعى الشرطه وقت الحادث؟ تصوير الحادث والاشخاص ورفع شكوه للمجلس المحلي والشرطه قد يساعد على عدم تكرار هذا العمل الاجرامي.

  • المرسل:  ام سمير

    نحنا ضد قتل هل حيوانات المسكينة ، بنفس الوقت يا خالتي بطلنا فينا نمشي عل طريق نحنا وولادنا ، الكلب متل الطفل الصغير يلي بدوا يربي كلب مجبور يهتم فيه ويامنلوا ٣ وجبات اكل وتطعيم ويربطوا بساحة بيتوا مش يفلتوا عل عالم ، ليش ما نتعلم العادات الحلوة من اليهود ليش لما تنزلوا عل كريات شمونة بتربطوا الكلب وبتجروه معكن ، راييي كل واحد مربي كلب ومفلتوا لازم ياكل مخالفة بلكي يخافو عل جيبتهون شوي ،،،

  • المرسل:  لوين وصلنا

    250 شهيد بالسويدا راحو محدا عمل شي اما يفطسو تلاث كلاب بتعملولن وقفي اما الله بهونها جايينا ايام لنبكي دم اخس على هالزمن

    • المرسل:  كمان من البلد يا عزيزي

      اولا كل شخص بيحتج على شو هو بدو
      متل مانت مرحتش عتصمت عنشان الكلاب ومحدا قلك اخس عليك بتوقع مش من المفروض تاخذ موقف منهن لان اعتصامهن اختلف عن اعتصامك
      بالاول وبالاخر اني معتصمتش لا على اهل السويداء ولا على الكلاب ومع ها وكلو الاثنان بيهموني ومحدا حكالي شي
      ف للمستقبل يا عزيزي لما رأي شخص بيتخلف عن رأيك فش داعي تهشم فيه
      على اساس نحنا بلد متطور كيف بتتدعوا ومنتقبل اراء الاخرين ;)

    • المرسل:  من البلد

      معك حق للاسف بلد خرباني، واني مع انو كل كلب شارد ومش مربوط ينطخ علقليلي

  • المرسل:  حمدي

    اني مع انو الصيادين ما يخلوا ولا كلب داشر وكل كلب بلا طوق ومش مرخص يطخوا لان هلي بدوا يربي كلب يخلي ببيتو ويربطو

  • المرسل:  محمود

    اني عند جيراني في اربع كلاب

    ولا واحد منهم مربوط بيضلو دائما فلتانين وجاويين المطارح بفضلاتهن —اذا بتعملو معروف بدل المضاهرات عملو دورات عن كيفية تربية الحيوانات وكيفية الاعتناء بها يمكن تعطي نتيجه اكتر لان هلي بيقنا كلب وبيتركو داشر هذا شخص غير واعي وبحاجه لشوية توعيه وبيشكل خطر على المجتمع اكثر من كلبو ***

  • المرسل:  MAJDAL SAHMS

    RESPECT RESPECT RESPECT AND HI TO EVERYONE … SHAMAA CLAUDIA AND ALL THE OTHERS

  • المرسل:  جولان

    لازم كل انسان بدو يربي كلب يربي بيبتو من شان لما ينبح بلليل يقعود قبلو وبس يهجوم عاحدى يكون حدو من شان يتحمل لمسءوليه مش يكون ساكن براة لحاره ولكلاب تابعو طول لليل نبيح وتعوي ولا بتخلي حدى ينام ويهجمو عا لولاد

  • المرسل:  موجوع أبن البلد

    تنسوش تضوو شموع عأرواح الكلاب بعد كوم يوم 250 شهيد راحو بلسويدا ما حدا عمل وقفي يلي ها لازم نظهر أنسانيتنا في بس للأسف شعب ميت

    • المرسل:  Firas

      كان في وقفي عنشان شهداء السويدا يمكن انت مكنتش
      وهذا الموضوع هلي صار شي بشع نحنا مش عايشين بغابه ليجي انسان (من برات البلد كمان ) يقوس ويتصرف عكيفو عنا
      وعيب تنتقدو هل شباب والصبايا هلي وقفو هل وقفي عمنا خطوي منيحه وبتدل انو صار عنا ناس تفهمم

    • المرسل:  من هلبلد

      اول شي كل الاحترام لاهل بلدنا المثقفين والواعين يلي هن بيثبتو انهن قد كل حدث بيصير وزيادي ويا ابن البلد عيب المقارني يلي عبتعملها ولو انك ابن البلد عنجد كنت عرفت انو جتمعنا بساحة سلطان باشا قبل العيد بيوم احتراما لشهداء السويدا الله يرحمهن

  • المرسل:  من المجدل

    قديش الكلاب اذيت ناس وهجمت عولاد ولا مره حدا وقف وقفي مع هالبشر عطول بيحلوها انو محنا اهل واخوي ولازم نسامح بعض بس سبجان ربي نقتل كوم كلب قامت البشر ووقفت وتضامنت

  • المرسل:  سميح لشوفي

    حتى على تعليقات على لكلاب ستحيتو تكتبو اساميكون الانو مشكلت كلب مش قادرين تحلو

  • المرسل:  زهره

    قبل ما تعطصمو من شان لكلاب يلي عندو كلب يربطو حد بيتو مش تكون ساكنه بحاره ولكلاب بحاره ثانيه تاخذ لكلب لحارتها وتشوف لازعاج اهل لحاره لغربيه معون حق بكل يلي عملو. وبعدين في امور كثيره بهلبد بدها وقفت اعتصام قبل هلقصص لفاضيه هن ولكلاب

  • المرسل:  ام محمود

    موقف رائع للدفاع عن الحيوان الباكي بدموع صامتة ولكن…. ماذا نقول للعجول والخراف المذبوحة على مدار العام…يحتاج العرس الى مجزرة للقيام بالواجب…لو كانت الحيوانات تملك محكمة لبات معظم الناس سجناء…وانقسم المجتمع الى موالاة ومعارضة بين المناسف من جهة والخبيزة من جهة لو اكل الحام العكوب والتبولة…لكانت راقت النفوسواضمحلت الحروب وبحت اصوات الكلاب…ولم يجد البعض مبررا لاعدامهم…وكل كلب مناكف فليبعد…وهكذا يصبح لاجيء سياسي وبراتب من اليوروهات…عاشت الكلاب الهادئة الهانئة…وتبا للكلاب المصوتة

  • المرسل:  ابن البلد

    اولا بالنسبه لامر السويدا وللشهداء صحيح انو كان لازم نعمل هيك تضامن ووقفي لانو كل انسان ستشهد يمكن كان راح يفيدني بيوم من الايام او نخلق عند بعضنا . اما بالنسبي لوقفة ولاتضامن مع الكلاب وضد قتلهن كمان صحيح بتضل روح وبحقلها تعيش بس تذكرو انو اسمو حيوان مش انسان بصرش الحيوان يعيش كيف هو بدو او على فيالو ليوم وبهلزمن الانسان عبيفقد السيطره وعبيعمل اكثر من الحيوان كيف اذا بتجو وبتحكو عن كلب فلتان ما الو اصحاب او مجموعة كلاب فلتلني وما الها اصحاب ؟؟؟ هاذا منطق هاذا عدل هاذا شي طبيعي برأيكن ؟ اصدقائي واهل بلدي كل انسان بدو يربي حيوان ومش بضروره شو بكون الاهم انو يعتني فيه كيف بيعتني بنفسو .
    شكرا

  • المرسل:  من مسعده

    مش عارفة لوين الحرية بدها توصلكن لانو ولا حدا بفكر بالطريقة الصح الا كل واحد بغني على ليلاه .. كلاب فلتانة على الطريق وبين البيوت كل حدا بدو يربي حيوان يربي كاف لازم مش كلب ظل ١٠ فلتان حد البيت وبس فطس فطنو في صحابو .. يعق

  • المرسل:  R.A.S

    أتفه من هيك وقفه بعد ما صار
    أولا الكلاب الداشره خطر علينا كلنا
    ثانيا هذا الحل مطلب غالبية أهل البلد
    ثالثا بدل ما تلمو كلابكم الداشره وتحلو المشكلي بدكن تمشو البلد على كيفكن
    جيل قليل الوعي ولاحق التفاهات وتارك الأساسيات

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول