“لحد هون وبس”

» بهجت عامر - - 21/07/2016

الأهل الاعزاء

تحمل اهلنا وقرانا الكثير الكثير نتيجة نقل ملكية البنيه التحتية للمياه والصرف الصحي من سلطاتنا المحلية الى شركات المياه “תאגידי המים“، “ شركات لا بترحم ولا بتخلي رحمة ربنا تنزل على عباده “ .

في الماضي القريب كانت الازواج الشابه تدفع مئات الشواقل وقد يصل المبلغ في بعض القرى والمدن الى خمسة الاف شاقل فقط وذلك ثمن ساعة المياه وربط البيت او القسيمة بشبكة الصرف الصحي “עלות שעון מים וחיבור לרשת הביוב“ بالإضافة كان ثمن كوب المياه للشرب فقط 5.5 ₪  .

اليوم وبعد التحاق مجالسنا المحلية بشركات المياه “תאגידי המים“ بات اهلنا وشبابنا يدفع اضعاف هذه المبالغ لشركات المياه على ان تستغل هذه الاموال لتطوير البنية التحتية، لترميم شبكات المياه والصرف الصحي ولتطوير الخدمات للمواطن، لكن وعلى ارض الواقع بقينا “مكانك عد“ .

تم  تحويل البنية التحتية من شبكة المياه والصرف الصحي الى “תאגידי המים“ بموجب اتفاقيات تنص على ان يبيع المجلس المحلي هذه الشبكه للشركة مقابل مبالغ زهيدة وبشرط ان تدفع الشركة ما قيمته 40% من ثمن الصفقة على مدار 15 عام وباقي ال- 60% تلزم المجالس المحلية بان تستثمر باسهم الشركة  .

يجب التنويه هنا بان الغالبية الساحقة من المجالس المحلية لم ترى شاقل واحد من ال- 40% اعلاه وذلك بإيعاز وبالتعاون مع سلطة المياه وبما ان غالبية هذه الشركات تخضع لعجز مالي دائم، كذلك لم ترى مجالسنا المحلية شاقل واحد من ارباح اسهمها من ال- 60% ثمن البنية التحتية وبمعنى اصح “وكأنك يا بو زيد ما غزيت“ .

في الماضي القريب كان المواطن يدفع على المتر المربع بموجب القانون المساعد “חוקי עזר“ لنفس البلد، فعلى سبيل المثال في قرية البقيعة وصلت الرسوم الى 60 ₪ للمتر المربع ولكن ابتدا من يوم 01 ايار 2015 ارتفعت رسوم الاشتراك ورسوم ربط المباني بشبكة المياه والمجاري الى اضعاف ما كانت عليه سابقا حيث وصلت رسوم الاشتراك بشبكة المياه والمجاري الى 161 شاقل للمتر المربع اي بما معناه ان المواطن يدفع مبلغ 24000 ₪ عن دار بمساحة 150 متر مربع واذا كانت الدار على عمدان فان المواطن سيجبر بدفع اضعاف المبلغ مع العلم بان تكلفة ساعة المياه لا تتعدى ال- 300 ₪ .

الوضع اصبح لا يطاق

المعطيات اعلاه هي “ غيض من فيض“، الاجحاف وصل ذروته، سلطة المياه تعمل من اجل شركات المياه على حساب المواطن البسيط، المواطن العربي  الذي يسكن في  قرى الشمال يدفع ضعف ما يدفعه مواطن من  “נתניה“ או “השרון“ مع العلم بان مستوى المعيشة في هذه البلدات يصل الى ضعف مستوى المعيشة في قرانا .

كان لجمعية “رمانتي“ دور فعال في الماضي القريب في العمل على رفع الضرر عن شبابنا واهلنا والتصدي لمخططات سلطة  وشركات المياه والمجاري “תאגידי המים“ بكل ما يخص مركبات التسعيرة للمتر المربع والمساحات الخاضعة للدفع.

بعد ان بات الوضع لا يطاق تقرر بأن تبادر جمعية “رمانتي“ بهبّة جماهيرية تشمل،  في البداية قرى ومدن الشمال بحيث يكون الهدف من هذه الهبّة :

1 . اعادة الرسوم المفروضة على البناء الى المعقول مع الاخذ بالحسبان الوضع الاقتصادي – الاجتماعي للمواطن .

2 . فرض الرقابة على شركات المياه .

على الراغبين في الانضمام او المساعدة لانجاح هذا العمل ارسال رسالة خطية للبريد الالكتروني bahajata@cks.co.il

         باحترام

بهجات عامر – البقيعة

 

الترويج لمشوارنا سيكون من خلال شبكات التواصل الاجتماعي

  • المرسل:  Wafeek Farhat

    يعني سلب ونهب وتعقيد وزياده عبء البناء عشباب الصاعد وكاءنو رساله واظحه مابنا تبنو بيوت نحنا منطالب كل المسؤلين عن حل ازمه المياه والصرف الصحي وتسهيل اجراءات البناء امام شبابنا

  • المرسل:  Aoos Brek

    لحد هون وبس بالحكي !!!……. للاسف

  • المرسل:  Samar Said Ahmad

    اذا كان هذا غيض من فيض ،ماذا يمكن ان يكون بعد، كفانا سكوت وخنوع امام هذه السرقات المشروعه والمدعومه من قبل اشخاص لهم مصلحه او لهم حصه في (الجمل) .

  • المرسل:  سهام ابو زيد

    موضوع من هذا النوع يجب ان نكون كلنا يد واحدة لانه يخدم المصلحة العامة فقط يلزم لجنة موجهه ورجال قانون تسعی وتنظم دفة الامور بالطريقة الصحيحة وتوجيهنا كيف ممكن نساعد وما المطلوب منا كطبقة عامة

  • المرسل:  ابن مجدل شمس

    اني بدي عمر وين بدي طبعا بارضي بدون رخصة وبدون موافقة وبدون ما خلص مع هالزبالي وبدي انحبس كوم يوم بالسني فش عندي مشكلي وبدي افتح باب بهذه الطريقة بس بدي شي واحد من اهل بلدي انن يقفو بجنبي اذا بدن يهدمو وغير هيك ما حدا بيقدر يعمر وستنو لقلكن .

  • المرسل:  ضيعه ضايعه

    سمعو تقلكوون واح واح .. اذا بدكن تنحل مشكلتم فا معش تدفعولهن مصاري والسلاام وصدقونييي مش راح يقدرو يعملو شي اي اذا بيفكرو لا لحظه يقطعو المي عن كل البلد مش بس نحنا منقوم ليهن كل اهل الله بتقووم بس انتو يا اهل الضيعه متل الجاج ما بتشوفو غير قدامكن .. عاطو خبر بلخوات والمجالس خليهن ينادو انو من هون ورايح معش حدا يدفع لشركات السرقه والنصب هاي وساعتها راح بتشوفو العجب اي والله متل البسس اذا ما فلو بينزلو الاسعاار لتحت الارض والا حياتهن راح تصير صعبي كثير عنا هون بلهضبي وشكرا

  • المرسل:  ام من المجدل

    وبعد هلكلام لازم يكون في فعل من اهل البلد لحتى يوقفو هلمنشار الي بيكل بس من تعب هلمواطن بكفيش انو عيش هلمواطن يشتغل كل حياتو للدفع المصاري وبفكر انو بيجي يوم ويقدر يجمع مبلغ عجنب لحيجتو بهلحياة بنا فعل مش حكي وبس

  • المرسل:  شب معثر

    اتمنى من الاخ نبيه ان يبقي هذا المنشور عدة ايام متتالية وعلى الصفحة الاولى وان يكون الخبر الاول بامتياز لكي يتسنى للجميع طرح افكار وحل هذه المسالة باسرع وقت وان يكون الحل جذري حتى وان كلفنا كثيرا لكن في النهاية حتما سوف نجد الفرق في الحياة والنتيجة الايجابية التي سوف يستفيد منها كل شرائح مجتمعنا لذلك انا اؤيد وبكل قوة الاخ صاحب التعليق ضيعة ضايعة لانه هذا هو الحل الوحيد فقط لا نريد مشاورات معهم ولا نريد مفاوضات ولا نريدهم اصلا بالاضافة الىرخص العمار والخارطة الهيكلية ولجنة التنظيم يجب ان يكون الحل والعلاج لكل هذا معا التمرد التمرد واعلى ما بخيلهن يركبوه

  • المرسل:  امل

    ايد وحدي ما بتزقف…لازم كل قرى لجولان توقف ايد وحدي بوجه يلي عبيصير لان صارت لسرقه واضحه متل عين لشمس…..واني بحترم لشخص يلي طرح هلموضوع لان من اهم لمواضيع مش منحكي عن شغلات سخيفي ومنترك لمهمي

  • المرسل:  احمد القيش

    للتنويه فقط غالبية المدن والبلدات اليهوديه سلطة المياة بايدي البلديات والمجالس لماذافي قرى الشمال تم هاذا التحويل ونحن من وهبنا الله المياه الغزيره..فقد باتت عقاب لنا…ما اعرفه ان الرسوم المفروضه حاليا هي لمناطق حديثة البناء بمعنى اراض زراعيه تحول الي قساءم للبناء وليس مناطق اهله بالسكان منذ سنوات…

  • المرسل:  وليد

    موضوع متل هذا ما بينحل على كتاباتنا عله الفيس وغيرو بينحل بس نوقف كلنا ايد وحدي بوجهن ونتوجه للمكتب تبعهن سيعتها بيحسو انو في حركه من اهل البلد ضدن.تعو نتفق عله يوم نكون كلنا سوا بوجهن او بدون مانفتح هلموضوع لان كل انسان ما بيهمو غير نفسو اني موقف عن العمار بس من شان جمع 15 الف شاقل من شان يخذوهن ولاد الحرام ويوافقولي على الرخصه وبنرجع وبنقول الله لا يوفق ولاد الحرام يلي سعا انن يفوتو عله البلد ويلي معهن

  • المرسل:  مواطن من قرى الجولان الجبليه

    مش بس بالبقيعه وبكل المناطق لازم الناس تنهض وتقوم عاد نحنا بالجولان الوضع المادي عنا محدود وصرنا بدنا ندفع الي فوقنا وتحتنا عالبنا التحتيي وصارو يدفعوها للناس عن طريقة الشتراك والمعلوم انو الدولي ملزومي بتحسين البنا التحتيي والمجاري والناس بتدفع رسوم ماليي عاديي كيف كنا بس لا اليوم بدن يدفع الناس التكاليف كلا وها حرام الله يساعد الناس كلا عمال منططه من تل ابيب وجاي لازم نقوم عاد ونحاول قيش فين وفش حق بروح وورا مطالب

  • المرسل:  عيقاني

    مع احترامي لكل التعلقات لا تنسو اننا ما زلنا تحت اﻻحتلال يعني كل شئ معلق بالجلاد وقفولي صبط الصطح لعطيطن طريق مجبرا ﻻنو صدا الحديد باختصار ناس بسمني وناس بزيت.

  • المرسل:  مسعد

    يا هل ربع كل واحد منا يفك ساعتو ويركب ساعه عاديه بيوم واحد وهيك بتخلص المشكله ويسلمها بمكتب تنور

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول