هل آن الأوان لكي نضع قوانين وبرامج لحياتنا ولاجتماعياتنا؟

» سليمان هايل سمارة - 30/04/2017

Wedding

هل آن الأوان لكي نضع قوانين وبرامج لحياتنا ولأجتماعياتنا من أعراس وأفراح وأعياد ورحلات ومصاريف، التي باتت تشكل علينا أعباء ثقيلة فوق أعبائنا، والتي باتت شغلنا الشاغل وترهقنا جميعا شيئا فشيئا، والتي أصبحت بالتقليد والغيرة ليس أكثر؟

نحن قادمون على موسم الأعراس – “انشالله الجميع بيفرح وبيجوّز”.
العرس وتكاليفه اليوم يشكل عبئاً على والد العريس ووالد العروس، ويشغل بال الكثيرين منا لكثرة مصاريفه التي باتت تشكل عبئا كبيراً، إن كان من مصاريف قاعة ،صمده عروس، ثياب، ذهب، أدوات كهربائية، أثاث، طعام، بوفيه، زينة، فستان العروس، مطرب وألخ…
وكل هذا أيضا يأتي بعد أن يكون العريس قد بات منهكاً من أعباء العمار والبناء، ويلفض انفاسه الأخيرة، إن لم يكن قد لفضها أصلاً، ويعتقد بأن النقوط سوف يسدد له هذه المصاريف، ويتفاجأ بعدها بأنه لم يستطع جمع ثلث المصاريف التي تثقل كاهله.
ويدخل بعدها عش الزوجية برجله الشمال، أو حتى بدون أرجل في الكثير من الأحيان، من كثرة الديون المتراكمهة عليه، فقط ليظهر للعالم بأنه يستطيع أن يفعل ما فعله من سبقه من عرسان، وتبدأ بعدها المشاكل الزوجية من كثرة الديون، وتنتهي بالطلاق، وهذا ما حدث مع الكثيرين.
يجب علينا أن نتوقف عن هذه الأمور، ويجب علينا أن نجعل من الفرح فرحا بالفعل، وإكماله إلى النهاية، لأن العرس ليس منافسة من فعل أكثر وأي بدلة كانت أجمل، وأي تسريحة كانت أفضل، أو أي طعام كان أفضل، أو أي لباس كان أقصر.
العرس هو مشاركة واجتماع محبين وأخوة وأهل منطقة، وهو رابط مقدس لبناء عائلة وإجماع بين شخصين قد قررا بناء عش زوجية مدى الحياة، لينتج عنه جيل واع مثقف. فإن بدأت هذه العلاقة بالماديات فأنها ستستمر كذلك، وتكون نهايتها الفراق والعداء، وأولاد في الشارع، وهذا ما حصل مع الكثيرين للأسف.
ايضا هناك موضوع النقوط، الذي يجب أن يعلم الكثيرين بأنه سوف يكون لهذا العام بين الـ 50 إلى 100 شيكل عند الاغلبية الساحقة، وهذا لن يغطي قاعة التأهيل ومصاريفها وحدها. أما بالنسبة لقاعة الأفراح فهناك الكثيرين الذين يذهبون مرغمين، بالرغم من وضعهم المادي الصعب، وأحيانا كثيرة يكلف الشخص مبلغاً لا بأس به من نقوط وثياب ولباس، لكي يبدو بأفضل حال بين من هناك، لأنه سيصبح أو ستصبح شغل المدعوين ونظراتهم، بما لبست وكيف يبدو مظهرها، أي أن العرس لم يعد له القيمة الحقيقة، لأنه فقدها على مر الزمن، وأصبح فقط مظهرا ولباساً ومشاركة “رفع عتب” ليس أكثر.. ونحن من أوصل هذه الحالة الاجتماعية الضرورية، بايدينا، إلى هذا الحال.
ولم أذكر هنا أيضا الأطعمة والمشروبات التي ترمى والتي يجب علينا جميعاً المحافظة عليها، والحد من هذه المصاريف الزائدة، التي لا بد من أن يأتي يوم ونتذكر كل هذا، وأتمنى أن لا نقع في الندم بعدها.

علينا جميعاً البدء بأيجاد الحلول قبل فوات الأوان. وما ذكر هنا هو غيض من فيض من مصاريفنا اليومية.
لقد فقدنا اجتماعياتنا وأفراحنا، وفقدنا “اللمة” والجمعة والألفة في الأعراس، وأصبحنا نتمسك فقط بالمظاهر الزائفة، التي باتت شغلنا الشاغل للأسف.

“انشالله سنة خير عالجميع، وانشالله الجميع بيفرحوا ويتمم فرحهم على خير”.. وبالرفاه والبنين.

علّق على المادة:

لن يتم نشر عنوان بريدك الإلكتروني. الحقول الإلزامية مشار إليها بـ *

* إقرأ شروط التعقيب في الموقع

  • المرسل:  بنت هالبلد

    قديش صرتوا حاكيين ولاتين وعاجنين بهالموضوع كل انسان بيعمل الي بلاقي مناسب لوضعه ها مش معناه اني بأيد هالموضوع بالعكس وبعد في عواقب كبيره لم تذكر.اذا كل واحد بينطلق من نفسه وبكون عندو ثقه بحاله وقدراته ولازم العروس تحس فيي وتكون قلبها علي ها اذا عنجد بتحبو

  • المرسل:  100 %

    حكي سليم لازم يطبق وتبلش الناس توعى

  • المرسل:  جولانية

    احلى شي خطيفي هيك عريس ما بصرف شي ولا عروس

  • المرسل:  Wos

    اول اشي كل الاحترام كل كلمه بمطرحها لازم يبطلو هالشغلات والباس كمان الو حقو مش كيف ما اجت تجي في ناس مغهاش حق اكل في ناس كتير وضعها صعب يا ريت الكل يتفهم ويقتنع اهم من كل اشي.شكرا للموقع الي بيحكي كلام بيريحلك قلبك

    • المرسل:  تعليق

      ليش لازم يبطلو هالشغلات مش كل انسان ينطلق من نفسو وقدراتو !!! الحابب يفرح ويهيص ويصرف يمين شمال ويوقع بالديون يسطفل والشاطر والذكي بيعمل نقليه خفيفه وبيعيش عقد بساطو وخلصت القصه اني بس اتجوز قدرتي اعمل نقليه فواكه وكنافه وكبب وعصير واللي بيعتب ميجيش هي قدرتي بقتلش حالي لطعمي الناس كلو شبعان ببيتو

  • المرسل:  بهجت منذر

    اني برأيي الشخصي بدل الاكل والقاعات وغيرو من امكنه وشوفت الحال ببعض الاحيان يجب علينا نقف لبعض الوقت والتفكير. ونسأل انفسنا مين فل من ايه عرس وما انتقد ان كان الاكل او المكان وغيرو يعني ما حدا رضيان ويمكن جاي رفع عتب لانو يمكن الاب حضر عندو بشي عرس او مناسبه واليوم العريس بس يتزوج. بدوش ايعود ايروح يحضر مع حدا وبيخلقلك اعذار منشان ابدوش يحضر يعني الاب بدو ايضلو ايسد ورا ولادو اذا ما مات منشان هيك العريس المفضل يعمل عرس مصغر قليل التكليفه وياخذ عروستو ويسافر شهر ينبسط هو وعروستو منشان ايكون فعلا شهر عسل للعروسين طبعا هذا ما اسمو بخل هذا اسمو اداره صحيحه وبداية حياة زوجيه ناجحه

  • المرسل:  مواطن

    هذا لن يطبقه احد لانه لا احد يريد الاقتناع ان وضع الناس ماديا يختلف من شخص لاخر
    الله خلق الناس طبقات يا جماعه
    كل شخص يتصرف حسب مقدراته
    ولكننا شعب غريب
    الفقير يبذر والغني يقتصد

    • المرسل:  صحيح

      اول مره بسمع كلام مزبوط مليون بالميييييه بالفعلللل متل مقلت كل انسان يتشغل عقدر طاقتو وعقد مصرياتو وتواخذونيش بس الغبي البيسحب نفقات من البنك ليطعمي الناس ويرقصهن بالقاعه ويغرق فيها كل عمرو

  • المرسل:  مجدل

    المشكلة انو المهم بلبلد هو المظاهر
    مين جاب اجدد سيارة
    مين عمل احسن عرس
    مين عمر اجمل بيت

    هيي عقلية بلبد واذا واحد مفلس ومقدرش يعمل عرس منيح بيصيرو يحكو عليه

    انتقلت الاواعي من الغرب بس للاسف العقل لا

  • المرسل:  Hayat Abu-Saleh

    حسب رأيي العرسان، وبالأخص العروس، لازم يقودوا هذا التغيير ويحددوا أفضلياتهم بالحياة.

  • المرسل:  Manal Sabag

    كلام جواهر انشالله بفيق هالمجتمع. بكفي تبذير علی حساب الاخرين ونعرف كيف نتصرف مش بس نشوف الانسان بنقلو ما كنتش عندي بالعرس ونعتب علي ان كان قريب ولا بعيد. مش مفروض علي انسان انو عزمني روح علی كل ولادو وهو مش عبفوت علی بيتي بحياتو كلها. ليزم نفهم هالشغلي ها لا تواخذوني ها رأيي والجميح يفرح

  • المرسل:  Salman Bathesh

    بنك بوعليم مكيف علينا

  • المرسل:  Fryal Azzam

    اسراف وتبذير لا حدود له .. خبئ قرشك اﻷبيض ليومك اﻷسود . ﻻ نعرف الى اين سوف تأخذنا أوضاع هذه المنطقة . فقط لينظروا الى الشعب السوري وما حل به من تشرد وجوع وفقر وووووو ..

  • المرسل:  Joe Abu Awad

    لا بعد ما ان الاوان …..لازم نستنا شي ١٠٠ سني لنصير متل الخلق

    • المرسل:  ....

      لا صديقي نحنا متل الخلق وزايد معنا بس هلي مش متل الخلق هو هلي بيفوت ععرس متواضع من نقل او زينه او….الخ عقد ماديات هالعريس وبيطلع بينتقد وبيقول لك لك هالعرس عاساس انو مستواه اعلى ها الشخص البدو مليون سنه ليصير متل الخلق

    • المرسل:  ora

      مجتمع محتاج عمر ليصير يتصرف صح … نحنا بعدنا منخاف من لعتب وبنساير بعض علغلط وها لشي لازم نغيرو لنعيش حياه لحريه لصحيحه … لما كل واحد فينا ينسى لناس ويعمل لبلايمو

  • المرسل:  محمد ايوب

    لا حياه لمن تنادي

  • المرسل:  ابو جبر

    اخ سليمان كل الاحترام الك على لفتة هالنظر وعلى الاهتام
    نحنا مجتمع اتفقنا ان لا نتفق للاسف الوضع كرمالو لورا الله بيعلم شو مخبي هالزمان
    بس الازدهار والتفتح لاي مجتمع بالعالم بيرجع بيخرب اذا ما نعمل حسب الاصول
    ونحنا عمنقدم بسرعة رهيبة نحو القاع والسقوط والرجوع للوراء

  • المرسل:  هاديه

    اني بعتقد كل حدا عندو رائيو وقناعتوا بالحياه ..هذا الشي بيرجع للشخص نفسو ..واني متاكده من اللي عبينتقدوا هالشي هن اول ناس بتحب الفشخره .

  • المرسل:  فارس حمد-مسعدة-

    قيل “لا يغير الله قوم قبل أن يغيروا ما بأنفسهم”.
    وهنا لا بد من التأكيد والقول : لا يمحي التقليد الموروث والمتبع الا عقل وبصيرة نيره. عند الأغلبية تتهالك الأفكار والحسابات عند إتمام فرح أولادهم والنتائج وكما ذكر فهي سلبيه .
    من المؤسف أن الفكره المبرمجه في العقل الباطني لدى أكثريتنا (النقوط = توفير أو قرضه ودين), باتت خدعه وأصبحت غير ناجحه وفعاله وذالك بسبب معطيات الحياة ومتطلباتها الكثيره والمتنوعه .
    من منا في هذا الصدد غير دائن وغير مديون ؟!!
    وهنا تكمن معضلتنا في إيجاد حلول مقبوله على الجميع فتعود بنا الفكره الى نقطة البداية :, (الموضوع أمر شخصي وكل يعمل حسب قدرته وكيفما يرتئي) !!.
    لكن في الحقيقة يجب أن ننهي هذه المتلازمه من فكرنا ويجب ان نترفع عن كبريائنا المزعوم وان ننعتق من ملومة الواجب المطلق … .
    يجب علينا ان نطرح مقترحات لتكون مسودة تفاهم لدى جميع أبناء المجتمع حول هذا الموضوع .
    نشالله الجميع بيفرحو

  • المرسل:  ابو عرب

    صرت كاتب اكثر من مقال عن هلموضوع وكرمالو الوضع عم يتطور اكثر واكثر اني كنت بايلات اني وعيلتي وبالصدفه فتنا على البازار عم نشتري ولى في صبي من الجنب الثاني عم تتقاتل مع امها لانو ما بدها امها تشتري من البازار ليش لانو قال هذا البازار مش من المستوى تبعها واني بعرفها جماعه مش اغنياء ولك يا عمي اي تواضع اي بطيخ نحنا مجتمع فات بفلم لا نهايه له وعلى راي ابو نايف تمدنت الرعيان وصاروا يشربو الحليب بالشوكي اهه اهه اهه
    تم.

  • المرسل:  !!

    عرأي أجدادنا قرش العمار والجيزه بركه لهيك يلي كاتبو الله راح يصير.. كنو عملت عرس ولا ما عملت اذا فش توافق بين الثنين وفش قسمه مش راح يكمل عش هلزوجيه!!
    اما منشان المصاريف فكل واحد ذنب و عجنبو واذا لحد اسا متعلمش من اغلاط غيرو فخرجو خليه يدفع الثمن.
    ومبروك سلفاً لكل العرسان ؛)

  • المرسل:  Maan Sabbagh

    كلام سليم و يجب العمل به و يمكن للوجهاء و المثقفين بالهضبة تشجيع الاهالي على التخفيف من التكاليف الغير ضرورية و الاستفادة من التوفير لتامين مستلزمات الاسرة المستقبلية ..افضل من روحوا العرسان شهر العسل و هن عم يفكروا بالديون…و دامت الافراح لكل الناس

  • المرسل:  جوج

    حكي سليم لا حياة لمن تنادي ،اني رئي انو لناس على لحالتين بدأ تحكي اذا كان عرس واو ومش ناقصو شي بدون يطالعو في 100 عليي واذا كان عادي بسيط كمان بدون يحكو لهيك عمال شي بسيط وخفيف وكفي حياتك مبسوط احلا متبسط الي حولك ليوم وتاكلا انت كل للعمر .الناس بدا تحكي بدأ تحكي خذو لمثال اذا صبيي طولت لتجوزت بيقولو اوف عنست واذا تجوزت صغيري اوف عشو مستعجلي يعني لحكي فش مجال بدو يصير لهيك عملو الي بيريحكون وخلو لحكي لناس

  • المرسل:  نحب بعض لاهم

    معك حق بكل كلمه قلتها … يا ريت بعدنا بسيطين ومنقيدش علقشور لان لقشور ولمضاهر هلكتنا وغرقتنا بنقدرش نروح علعرس غير لنكون تطمن احلى اواعي ومركات لان اذا مكناش هيك بشبعونا بح بلعيون ومصخره… اني بهكل هم لعروسي من سنة لسنة … يا ريت بنكبر وعينا وبنستغل كل شي صح بنبعزقش مشان شوفو يا ناس ونقدر ضروف بعض ونعذر بعض ونخاف عبعض ولااهمم من كل شي نحب بعض لان هلي عبينفقد شوي شوي

  • المرسل:  ابو لانا

    سر الفشل بالحياة محاولة ارضاء الاخرين
    اني برايي نحنا فهمنا الفرح غلط يا جماعة الفرح لازم يكون بسيط من ناحية التكاليف ولازم يكون قوي وكبير من ناحية لحظور والمشاركة بس بهيك منرجع منوحد صفوفنا

  • المرسل:  معتز شقير

    بسم الله الرحمن الرحيم موضوع مهم وحساس والاهم الكل مقتنع لكن مرض البطر أو البهورة مزروع في دمائنا . الاهل هم من يستطيعون وضع حد لكل شئ وبالأخص أهل العروس كيف لا واجار البدلة والشعر والتصوير حوالي 30-50 الف شيكل لمن للعروس وحدها والعريس مجرد بطاقةائتمان وظيفته الدفع وعدم النقاش.وغيرها وغيرها من سلبيات اهم شئ التوفيق بين الاثنين وعدم تفرقة العريس عن العروس بالنسبة للأهل. لا للمزاودات نعم للاتفاق والعيش بمحبة معا. الكل ينطلق من نفسه وحسب راي من يملك قصرأو بيت فخم وهو غير مرتاح ليذهب للجحيم، بالمال يمكنك شراء افخم غرفة نوم لكنك لا تستطيع شراء راحة البال، بالمال يمكنك شراء كل مكاتب العالم لكنك لا تستطيع شراء الحكمة، بالمال يمكنك شراء جميع أدوية العالم لكنك لا تستطيع شراء الصحة والعافية. كن من تكن واعمل ما تشاء انت وحدك من سيدفع الثمن مستقبلا

  • المرسل:  ههههه

    من رايي تعالو نعمل اضراب عن لعروسي شو رايكن؟

  • المرسل:  حدا

    بايي بس يصير النقوط 20 شيكل او 50 اقصى حد والكل بيلتزم بيصير الفرح فرح ومش هم

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول