هل كان بالإمكان إنقاذ جنيد؟

» الجولان - جولاني - 22/01/2014

 

الطالب جنيد شمس الذي أصيب يوم أمس الأربعاء بخالة اختناق أدت إلى دخولة في غيبوبة دائمة

الطالب جنيد شمس الذي أصيب يوم أمس الأربعاء بحالة اختناق أدت إلى دخوله في غيبوبة دائمة

أفادت مصادر مقربة من الشاب جنيد هاني شمس، الذي أصيب يوم أمس بحالة اختناق وتم نقله إلى المستشفى، أن الأطباء أعلموا العائلة أن جنيد دخل في حالة غيبوبة دائمة أو “سبات” (كوما – צמח)، ويعود ذلك لانقطاع الأكسجين عن دماغه لفترة طويلة زادت عن 15 دقيقة، إلى أن بُدء بإجراء عمليات الإسعاف والإنعاش له.

ربما كان من غير المناسب الآن الدخول في تفاصيل ما حدث والبحث عن الأسباب التي أوصلتنا إلى ما وصلنا إليه في هذه الحالة، لكن الواضح أنه لم يتوفر في المكان شخص ذي معرفة بإجراء عمليات الإسعاف الأولية في مثل هذه الحالات، الأمر الذي تطلب وقتاً طويلاً لنقل الطالب وهو فاقد الوعي إلى أقرب عيادة طبية، وبدء إجراء عمليات الإسعاف اللازمة له، لكن ذلك كان متأخراً، إذ أن الدقائق الخمسة عشر الأولى كانت كافية لموت المخ، وتحول شاب في مقتبل العمر إلى “نبتة” لبقية حياته.

ليس الهدف من كتابة هذ السطور وضع اللوم على أحد، ولا توجيه الاتهام إلى أحد، بل استخلاص العبر من الحادثة لتلافي وقوعها في المستقبل، في أي مدرسة من مدارسنا.

أليس من الضروري وجود ممرضة، أو على الأقل مسعف مؤهل في كل مدرسة من مدارسنا؟!

ما يزيد عن 5000 طالب من أبنائنا يتعلمون في المدارس، يقضون يومياً ثماني ساعات في المدرسة، وهم معرضون في اي لحظة لأي حادث أو تعقيدات صحية، قد تعرض حياتهم للخطر لا سمح الله، أليس من المفروض أن يتواجد في المدرسة، وبصورة دائمة، ممرضة أو مسعف مؤهل يمكنه إجراء الإسعافات الأولية وإنقاذ حياة الطالب؟

لا نعرف ما هي القوانين الضابطة والملزمة بهذا الشأن، ولكن الأمر  برأينا لا يتعلق بالقوانين، بل بما نحن قادرون على فعله. ففي كل مدرسة عشرات المعلمين، ألا نستطيع تأهيل أثنين أو ثلاثة منهم، لضمان تواجد واحد منهم على الأقل في المدرسة عند الحاجة، ليكونوا مسعفين حقيقيين؟

إن الفرق بين وجود هذا المسعف وعدمه هو الفرق بين الحياة والموت، وتكاليف تنظيم هذا الأمر قليلة من قبل المدرسة أو المجلس المحلي، لا تقارن بأي حال من الأحوال بحياة واحد من أبنائنا إذا ما وقعت الواقعة..

 تنويه: 

 نحن هنا لا نوجه أي لوم للمدرسة والمعلمين، فليس لهم أي ذنب فيما حصل، بل أننا نشعر بشعورهم، حيث بذلوا كل ما في وسعهم لمساعدة الشاب المصاب. كان الله في عونهم، فهذا الشاب هو أحد طلابهم وهو بالتأكيد بالنسبة للكثير منهم بمثابة إبن.

إن ما أردنا قوله من خلال المكتوب أعلاه هو التأكيد على ضرورة وجود ممرضة بصورة دائمة في المدرسة، ولديها كل المعدات والأجهزة اللازمة لإجراء عمليات الإسعاف، وهذا الأمر غير متوفر في مدارسنا حالياً.

عندما نقول أنه لم يكن هناك شخص مؤهل للقيام بعمليات إسعاف فإننا لا نقصد المعلمين، لأنهم حتى ولو تعلموا دورة إسعاف أولي، فإنهم غير قادرين وغير مؤهلين للتعامل مع حالات معقدة مثل حالة جنيد، الذي يعاني من مرض عقّد الأمور، بل نقصد عدم وجود شخص مختص تكون وظيفته معالجة مثل هذه الأمور، وهو ما ينقص جميع مدارسنا حالياً.

  • المرسل:  **

    ﻻ مش صح الشب كان خلال 7 – 9 دقاايق بالاسعاف مش ربع ساعه ، وفي اكثر من استاذ بالمدرسي بيعرفو يتعاملو مع هيك حالات والصبي بوضع خااص ومريض وقبل متوصل الاسعاف كانو شايلنلو نص الاكل من حلقو عشان ميفتش عالرئتين يعني قسمتو ..

    • المرسل:  بنت

      اي بس هذا ابيمنعش من تواجد شخص عندو خبرة اكثر بحالة من هالنوع ..
      ومحدا عبيمنع حدا بهالشغلي اللي صارت بس عبيطالب الشعب قدر الامكان بتواجد شخص ذو خبرة اكثر

  • المرسل:  بنت البلد

    الله يشفي ويشفق عليه.اني صراحه من لما عرفت الخبر وقبل ما اعرف مين مدري شو صرلي.اني بنتي بالروضه وحطيت الموقف عنفسي لا سمح الله.اني كثير مع هالموضوع ولازم بكل مدرسي يكون علاقل مسعف الحمدلله عنا كثار.الله يحمي كل الطلاب ويصبر اهلو ويقدرن يتحملو

  • المرسل:  من المجدل

    الله يعين اهلك والله يساعدكن الله بهونا مش قادري احكي مصيبي هي

  • المرسل:  مغترب

    الله يشفي المصاب ويعافيه، في بلاد أوروبا في كل مدرسه يوجد غرفه لممرضه او ممرض يأتي للدوام مثله مثل الطلاب يتواجد منذ تفتح المدرسه ابوابها حتى إغلاقها.

  • المرسل:  فرحان ابو شبلي-معلم في ثانوية مسعده

    الرجاء عدم المزاوده وادراك الحقيقه قبل كتابة ما هو غير صحيح عن الحدث لأن عملية الاسعاف استغرقت اقل من 9 دقائق وفي كل
    مدرسة يوجد معلمين مؤهلين بدورات اسعافات أولية والطالب تلقى
    اسعاف اولي من احد المعلين حتى وصول الطاقم الطبي. لذلك مهم
    جدا” نشر الخبر ونقل الواقع بصورته الحقيقية وعدم تحميل المسؤوليه لأحد بنشر معلومات غير واضحه.

    • المرسل:  ربيع

      الاخ فرحان المحترم:
      اعتقد انه من الافضل لنا جميعا ان نسكت وان نشفق لحال هذا الشاب الذي تعرض لهذا المصاب . انت تعرف جيدا ماذا حصل لذا ارجوك لا تحاول تجميل الامور

      • المرسل:  فرحان ابو شبلي-معلم في ثانوية مسعده

        الأخ ربيع المحترم:
        انا لا احاول تجميل الأمور ولسنا معتادين على مثل هذه الأساليب وانما من المهم توضيح الحقائق ونحن نتمنى لجنيد الشفاء العاجل والله يشفق عليه. ولك كامل الحريه في طرح رأيك وأن تقتنع بما تريد.

      • المرسل:  ربيع ابو شاهين

        يا سيد ربيع الاستاذ فرحان لم يبالغ ابدا بل نطق الحق لكن قلة الوعي والجهل مع الاسف الموجود لدينا يخولنا لاتهام المدرسه
        فالمدرسه ماذا يمكن ان تفعل اكثر من محاولة اسعافه وسحب نصف الطعام الذي علق وعناك عدة معلمين مؤهلين للقيام باسعاف الطلاب
        او ماذا يمكن للمدرسه ان تفعل اكثر من طلب سيارة الاسعاف لكن اؤكد لك مجددا عقولنا المغلقه سمحت لنا بالحديث عن المدرسه

    • المرسل:  بنت

      حضرة الاستاذ فرحان .. كلنا منعرف حالة الموجودين كيف بتصير بحالة من هالنوع والخوف والفزع اللي بيراودنا وبيراود الطلاب ..عشان هيك الموقع هون عبيحاول يقدم للمدرسي الاشياء اللي لازم تكون موجودة .. وبما انو عبيدفع الطالب 50 شيكل تأمين صحي فمن واجب المدرسي انو يكون في غرفة للطبيب بالمدرسي ..وهون محدا عبيتهم حدا يمكن انها تكون غلطة نقل حديث مش اكثر .

      • المرسل:  طالبه من الثانويه

        يا حضرة البنت مع كل احترامي الك…اولا المدرسي عبتاخوذ* 34 شيكل *مش 50 عشان تأمين الصحي مش عبتاخذهن لنفسها وثانيا لما يصيرو الطلاب يدفعو مصاري وميعايروش لمدرسي عكل شيكل عبيدفعو بقاي تعالي طلبي غرفة طبيب وثالثا لا اني ولا انتي منقرر نجيب طبيب علمدرسي الوزاره الي بتقرر وبتوقع انو دورة الاسعافات الاوليه الي عبيعملوها المعلمين مش من عبث ولما يكون في خطر عحياة انسان الي بيعرف والي بيعرفش بحب يساعد لانو محدا بيتمنا لموت لحدا …بتمنى النشر

    • المرسل:  بقعاثا

      الموقع لم يحمل المسؤولية لأحد وإنما ما حصل قد دعانا جميعا للانتباه والعمل على عدم تكرار الحادثة .. واذا كنت قد تفتكر بأن الخوف على حياة أبناءنا “مزاودة” كما ذكرت فأنت مخطئ , لنعود لكاميرات المراقبة ولنرى كم من الوقت فعلا قد مضى

    • المرسل:  مهتمة

      السيد فرحان المحترم, جميعنا نعلم كيف يتم تعليم هذه الدروات الاسعافية وكيف تمنح الشهادة بمنتهى السهولة لمن كان او لم يكن في الدورة ,, جميعنا مسؤولون يجب علينا تحمل مسؤولية هذه الاخطاء وعدم الترقيع لمصالح شخصية هذا الموقف يتطلب منك تعاطفا واسفا على هذا الشاب بدل ان ترهق نفسك بالتبريرات

    • المرسل:  بس لحظة

      قبل كل شي ندعي الله يصبر اهلو ..
      بس ممكن سؤال محدا انتبه انو موقع جولاني حط ” التنويييه ” بعد تعليق الاستاذ فرحان لازم كلنا نشهد بيلي عملتو المدرسي وقدمتو لجنيد والي صار مع جنيد قسمي مننساش هالشي وكمان مننساش انو المعلمين بشر ومكنوش راح يتركوه بالارض …
      يمكن منتبهناش كوم دقيقة مضت بس شفنا كيف كل شي بسرعه مرق وبتمنى تتفهموا الاستاذ قبل التنويه !
      وبعد التنويه : اسا صار النا الحق نطالب بممرضة بكل مدرسي !

  • المرسل:  ابن البلد

    اني بتوقع انو لازم نحكي بهالموضوع لانو هيانا وقعنا فيها ، بس حسب ماني بعرف انو كل معلم بالمدرسه لازم يكون معو إسعافات أوليه وأكيد كل معلم معو شهاده بالاسعافات بس يا ترى هل كل معلم بيعرف شو معنى إسعافات أوليه ؟ ولا كانو غائبين عن هذا الدرس ولا ما حضرو ولا حصه من الإسعافات الأولية وأخذوا شهاده هيك ، لازم هاد الموضوع ينفحص ، وبتمنى للشب السلامه والله يشفيه يا رب

  • المرسل:  مجدل

    ناسف جدا لما حصل لجنيد لكن سؤالي كم تبعد العياده من المدرسه اعتقد ليس اكثر من 100 متر يعني دقيقتين فقط ؟؟؟

  • المرسل:  جلاء

    الله يساعد اهلو ويشفيه ها أولا
    بس بحب نوه لشغلي انو اللي عبيحكي الزلمي غير صحيح ,تم تقديم الاسعافات الاولية للطالب بفترة قصيرة جدا ها اولا
    ثانيا كل استاذ بجميع المدارس قبل ان يعين استاذ بيعمل دورة اسعاف اولية يعني جميع الاساتذة في المدرسة يستطيعون التعامل مع هذه الحالة وخصوصا التنفس الاصطناعي , حتى كل سنة لصف العاشر بيجيبو ناس مختصة بتعلم الطلاب اسعافات اولية …
    وهيك الله بدو قسمتو الله يساعد اهلو

  • المرسل:  بقعاثا

    اسا تركونا من الوقت ربع ساعه ولا ٩ دقائق لازم وفرض يكون ممرض مع أدوات الإسعاف في كل مدرسي هذا حسب رأيي انو مش راح يكلف المجلس شي او حتى اي مؤسسه ثاني من واجباتنا كا أولياء أمور نهتم بل موضوع ونطالب بهذا الحق

  • المرسل:  طالبه من ثانوية مسعده

    بما انك موقع جولاني وتابع لشي اسمو صحافي مش من حقك انك تنشر اي شي مش متاكد منو
    وبمدرسة ثانوية مسعدي في معلمين ومعلمات مستحيل تلاقي متلهن باي مدرسي
    وكمان شغلي انو ب٧ دقايق كانت القصه منتهيي وكانوا معلمين المدرسي عاملينلو اسعافات اوليي بينما اساتذي ثاني جابوا الامبولنص( بالمختصر يعني انو نص معلمين ثانوية مسعدي هن مسعفين ) وانو لطلاب بهي المدرسي بيحسو بالانتماء والامان لانو فش اروع من هيك اساتذي
    ويا ريت تصحح معلوماتك وتكتبش شي متاكد منو لانك عبتشوه سمعة احلا مدرسي بكل الهضبي لانك ناقم عهي المدرسي

    • المرسل:  بنت

      شو مشكلتك انتي .. وشو بيطلعلك من كل هالدهلقا ..
      ولا مره تعلمتي بالمدنيات بما انك طالبة مجتهدة عن حرية الصحافة .

    • المرسل:  مسعدة

      عن ماذا تتحدثين أنت يا عزيزتي ؟ الموقع لا يحاول زعزعة ثقة الطلاب بمعلميها ولا بكرههم ولا يحاول طرح نقاش عن أفضل مدرسة في الجولان !! .. أنت مراهقة وليس عليك اللوم نصيحتي لك للمستقبل بأن تحترمي الرأي الآخر وتناقشيه بهدوء ومسؤولية وتدركي أن من هم أكبر منك أوعى وقد مر على رؤوسهم أضعاف عمرك , المعلم ليس كما المسعف المتدرب وقد رأينا كيف تمت عملية الاسعاف والمخجل أن نتحدث كيف تمت على وسائل الاعلام , انتبهي لدروسك وعندما تكبرين ويصبح لديك ابناء ستعرفين أن حياتهم غالية وكل ثانية في هكذا حالات لها أهمية كبيرة

    • المرسل:  طالبة

      اعتقد انك لديك صعوبات في فهم المكتوب فموقع جولاني كرر اكثر من مره عدم اتهامه لاي جهة بل هي مسؤوليتنا جميعا ولفت النظر الى احتمال وجود تقصير من الجهاز الدراسي والاهتمام فعلا بصحة الطالب خلال تواجده في المدرسة .. انا ايضا كنت طالبة في هذه المدارس الحكومية واعلم جيدا مدى الاهمال الموجود

    • المرسل:  علي

      اول شي سلامتو ثاني شي اذا حكينا بتقوموا لينا واذا سكتنا مصيبه يا عمي ليش كلوا بحب يكنس لتحت البساط المدرسه بدها رجل امن للبوابه لانو الطلاب عبتسرح وتمرح عطريق اللي عبيحشك بسيارتو او عم يدخن ورا المطعم اللي قبال المدرسي المدرسه بدها مطعم تحت المراقبه المدرسه بدها مختبرات حديثه المدرسي بدها ممرضه المدرسي بدها مساواة ************

    • المرسل:  مسعدة

      فش داعي لدفاع عن حدا وكل الاحترام لجولاني يلي عبطالب بحقوقنا وكل الاحترام للمعلمين بس المدرسة بحاجة لممرضين

    • المرسل:  طالب المدرسه

      يا طالبه من لمدرسه :
      ليكون العلم معكن لازم طاقم طبي يكون بالمدرسه بشرط هذا الطاقم يمارس هذا العمل دائماً
      اسا بيكون معي شهايد ليوم لشهايد ومش عبمارس المهني بينسى كل شي
      فش معلم مؤهل ليكون مسعف
      هذا شي مهم بيخص ولاد وبنات وهذا معنى حياة بس لاسمح الله يصير ع حدا من القرايب بنحس فيها
      نشالله يصير **** طاقم طبي في المدارس
      شكراً

    • المرسل:  مش مهم

      موقع جولاني كرر اكثر من مرة انو مش عبيلوم الاساتذي بس عبيقترح فكرة لتفادي هي الحالات بلمستقبل..
      واذا انتي مشكلتك بلإستيعاب نحنا مش مشكلتنا ***** ..

    • المرسل:  من بقعاثا

      بتمنا من طﻻب المدرسي الثانوية ميفهموناش غلط نحنا مش عمنتهم حدا من الاساتذي وﻻ عمنتهم حدا نحنا عمنقول انوا ﻻزم يعملو غرفي بالمدرسي للحﻻت هيي متل معملين غرفه للتدخين بيعملو غرفة اسعفات وبيجيبو حدا عندو خبره بهشغلي اكثر من الاساتذي عنشان للمرات القادمي اذا رجع وصار نفس هالموقف الله ﻻ يقدﻻ يكونو جهزين وسعتها ﻻ رايح يكون في 9 دقايق او 15 دقيقه
      والله يشفي الشب جنيد ويصبر اهلو وقريبينوا ونحنا مندعي من كل قلبنا انو يشفا

  • المرسل:  طالب من مدرسة مسعدة

    الرجاء الادراك قبل الكتابة وكان الطالب جنيد باقل من 9 دقائق قد نقل الى المستوصف وخلال هذا الوقت كان الاستاذ عفيف يقوم بلاسعافات الاولية للطالب جنيد حتا جائت سيارة الاسعاف ونقلتة الى المستوصف…ولو كان الطالب في اي مكان اخر كان ممكن ان لا يتلقى هذة الاسعافات واذا تلقاها سيتلقاها في نفس المستوى

    • المرسل:  مجدل

      اول شي نشالله الشب يقوم بخير وسلامه . ثاني شي بدي افهم شغلي وحدي بس ليش ما اجا ببالنا من زمان مثلا يكون في ممرض بالمدرسي . وﻻ لحتى توقع المصيبي لنفهم هيك شي . وبالاخر قسمتو الشب وبدو ياكلها حتى ولو كان ببيت اهلو . ومش معقول بمدرسي متل ثانويه مسعده فيهاش معلم واحد عالاقل ما بيعرف يعمل الاسعاف الاولي اللازم . يا ريت كل واحد يكتب يلي ﻻزم ينحكى فيه . مش وقت ما يوقع الفاس بالراس وتكون المصيبي اكبر من الحكي بكثير

    • المرسل:  احد المسعفين وسائقي سياره الاسعاف

      اولا اتمنا لجنيد بان يتعافئ ويعودلاهله سالما الجميع هنا يتكلمون عن ٩ دقايق او ١٠ دقايق بس الحقيقه هي انو من وقت تلقي طلب سياره الاسعاف حتى قدومها لم يستغرق ال ٣ دقايق ونلفت انتباهكم انه تم استدعاء الاسعاف على هبوط سكر ولا احد ذكر ان الشاب غائب عن الوعي لا نبض ولا تنفس وللاسف مع وصولنا تبين ان الشاب غائب عن الوعي ازرق اللون وثمه ملئ بالطعام

  • المرسل:  مسعدة

    أولا كل الشكر لموقع جولاني على وعيه ومسؤوليته وعلى كونه السباق في نشر ما يحصل .. منذ الحادثة يوم أمس إلى اليوم قد وضع مقالة للدكتور أسامة هدفها التوعية وعدم تكرار ما حصل وهذا دليل على اهتمامه بأبناء مجتمعه , والآن هذه المقالة تتحدث عن ضرورة وجود مسعف مؤهل في جميع مدارس الجولان ولا يلوم أو ينتقد أو “يشوه” سمعة مدرسة مسعدة الثانوية كما كتبت الطالبة في تعقيب سابق , ولا أحد يحاول أن يقلل من شأن ما حصل مثل الاستاذ فرحان , ما حصل خطير جدا ويجب أن نكون على قدر المسؤولية أمام الله وأمام أهل الطالب , لنطالب جميعا بوجود مسعف بكل مدرسة من مدارس الجولان ولننطلق من أنفسنا ويكفي جهل ..اقرأوا المقال جيدا وبعدها اكتبوا تعقيبكم بهدوء , ما حصل لجنيد يؤلم كل جولاني وهو أخ لنا جميعا

  • المرسل:  طالبي،من لمدرسي

    اول شي الله يشفي ويقوم بخيرر وسلامي..
    ثانياً المعلمين واداره المدرسي مقصرووش بشي بلعكس كلن كانو مهتمين للموضووع وعملو كل شي بيقدرووو عليه كل لاحترام لالهن
    نشالله تمضى عخير والله يصبر اهلو

  • المرسل:  بنت من بقعاثا

    بلا هل حكي لالمعلقين المهم يرجع بخير وسلامه وكل البلد بتدعيلو لان البلد مش حلوي بلاه والله يساعد اموووبتمنالو الشفاء العاجل

  • المرسل:  طالبة من المدرسو الثانوية

    انيي مع الاستاذ فرحان المحترم .. لانو هي الاخبار غلط .. وفي بمدرستنا مسعفين وعملوو يلي عليهن لبين موصلت الامبولنص وبعتقدد ممنوع نشر هي الاشعة عن مدرستنا لانو عملت يلي عليها … جنيدد الله يشفيككك ويرجعككك لمدرستنا بسلامي:)

    • المرسل:  كمان طالبه

      عفوا منك بس محدا عبينشر اشاعه فهم المقروء القصد من الحديث مش لهدف منو اذا ١٥ دقيقه ولا٩ دقايق
      مش غلط بلمره يلي حكا الموقع لازم يكون في بلمدرسي ممرضه هلي هي تكون مؤهلي اكثر من الاساتذي نفسن ومحدا وجه التهمي للمدرسي او حط الذنب عليها

  • المرسل:  من المدرسة

    الرجاءالان كتابة “الله يشفق عليه” وبس. وبلا تفسيرات ما الها محل ومعنى “لت وعجن” ما حدا قصّر معو بالمدرسة من تقديم الاسعافات الاولية.
    “الرجاء النشر”

  • المرسل:  من المجدل

    بتوقع يلي كتبو الموقع فيهوش شي من الاتهامات. بس نحنا كل مره مننسي الهدف من المقال ومنطلع كيف بنا نهاجم ونقاتل شو المشكله اذا وقفو اولياء الامور كلهن بكل المدارس وطلبو انو يكون في غرفه اسعافات اوليه مجهزه بكل الامور يلي بتلزم مع انسان مختص بس للموضوع شو المشكله.

  • المرسل:  طالب من المدرسة

    والله كل الاحترام للموقع على هاللفته الحلوة ويلي من خلالها بلكي بتهتم المدارس بهيك موضوع …
    وبالنسبي لقضية الوقت الي تم فيه نقل الطالب للعيادي
    اني كنت ومشفتش اي استاذ او اي طالب حامل بايدو ساعه رقميه وعبعير فيها الوقت لنقلو علعيادي …
    منشان هيك خلوها عربنا
    ومنتمنالو الشفاء

  • المرسل:  حمد أبو خير

    الله يشفي الشاب جنيد ويردو لأهله سالم ان شاء الله ويصبر أهله على هيك مصيبه لان الولد غالي وما أغلى منو غير الي خلقو ، وان شاء الله بالشفاء العاجل

  • المرسل:  عماد

    لله يشفي ويردو لاهلوسالم لموضوع مش كوم دقيقا اخذ تا اسعفو لموضوع شو نحنا كمشجمع بنا يكون عنا بلمدارس اول شي حسب رائي المتواضع بحقلنا اولا حارس عالبوابي ثانين مطعم داخل المدرسة فقط ومرقب ثالثا وهوا الهم يجب ان يكون ممرض داخل المدرسة وهذا لابني وابنك ونشلا ما بتكرر مثل هذي الحدثي

  • المرسل:  وجدي الصفدي

    كلنا نتالم بنفس المقدار لهذا الحدث .
    استخلاص العبر من هذا الحدث مهم جدا لتفادي احداث مماثله في المستقبل. لكن لا يمكن استخلاص العبر ودراسه ما حدث على صفحات الانترنت.، من يجب ان يقوم بهذا العمل هو فقط طاقم طبي مهني. والهدف يجب ان يكون واضح:ليس لالقاء اللوم على احد وانما لتفادي احداث مماثله في المستقبل.
    اود ان اوضح نقطه مهمه: لا اتوقع من معلم مدرسه حتى لو اكمل دوره اسعاف اولي او مسعف او ممرض او طبيب لا يتعامل بشكل دائم مع حالات مماثله وبدون المعدات الازمه ان يستطيع التعامل مع هذه الحالات.هذه الحالات تشكل تحدي كبير حتى في غرف الطوارء وغرف الانعاش و غرفه العمليات حيث الطواقم الاكثر مهنيه وخبره.
    ان الطاقم الطبي الموجود في الجولان من اكبر الطواقم نسبه لعدد السكان وهو في نهايه المطاف المسؤل الاول والاخير عن دراسه الحدث واستخلاص العبر وتقديم الحل.
    اتمنى الخير والصحه للجميع

    • المرسل:  ربيع

      دكتور وجدي
      حسب خبرتك هل وجود ممرض في المدرسة يساعد في مثل هذة الحالات ؟

  • المرسل:  بقعاثا

    الله يساعدوا ويساعد اهلوا

  • المرسل:  أب لأولاد صغار

    سؤالي للدكتور وجدي الصفدي المحترم,
    سبق وأن شهدنا في الجولان حالات أختناق أطفال مختلفه والأخيره كانت بواسطة بالون, وأريد أن أطرح عليك السؤال التالي :
    في حالة أسعاف غير مجدي لحالة أختناق, ونلاحظ بأن الوقت يداهمنا ولا نستطيع أخراج الجسم الغريب من أعماق الفم, هل يجوز لغير طبيب أن يقوم بفتح شق في أسفل الحنجره وصولاً ألى القصبه الهوائيه لكي يتمكن المصاب من التنفس ويقوم بعدها الطاقم الطبي بالتعامل مع الحاله كأصابه بجرح بالغ العمق وليس أكثر؟ يهمني الرأي الطبي والأخطار الممكنه من هذه العمليه وليس القانوني, ففي حالة أنقاذ الحياة القانون يجلس جانباً متفرجاً.

    • المرسل:  ‬وجدي الصفدي

      اخي العزيز
      احدى الصعوبات في الطب ان الفارق بين النظري والعملي كبير جدا
      ان عمليه من هذا النوع صعبه جدا لان قطر القصبه الهوائه عند طفل صغير هوا ميلي مترات وبجانبها اوعيه دمويه كبيره تغذي المخ في حال قام انسان غير متمرن على هذه العمليه فان احتملات نجاحها قليله جدا جدا وممكن ان يؤدي الى نزيف حاد.
      انصح التقيد بالتعليمات الوارده في مقالة الدكتور اسامه الحلبي لان احتملات نجاحها اكثر بكثير من عمليه من هذا النوع واستدعاء اقرب طاقم طبي.
      تذكروا ان الوقايه افضل سبيل اي ابعاد اي مسببات للاختناق وخاصه المكسرات المستعمله بشكل كبير في بيوتنا عن متناول يد الاطفال وكذلك الالعاب صغيره الحجم ومواد التنظيف والمبيدات الزراعيه واقامة حواجز على الدرج والبرندات هذه الاحطياطات تخفف بشكل كبير اصابات الاطفال
      اتمنى الخير والصحة لك ولاطفالك واقدر قلقك

  • المرسل:  معلمة مدرسه

    نرجو الشفاء لجنيد، الرد للمهتمه !!! كل معلم يقوم بهذه الدورات لا يأخذ الشهاده بالصوره السهله التي تتكلمين عنها ، ونحن على يقين أن الهيئه التدريسيه في ثانوية مسعده قد قامت بواجبها على أكمل وجه .

    • المرسل:  علي

      زويك وعلي وعلي وزويك حلوا عنا يا

    • المرسل:  مسعف

      كل الاحترام والتقدير لكل المعلمين اني واثق انه كل معلم قد تعلم دوره اسعاف اولي ولاكن اشك بانه قادر على تطبيق هاي الاسعفات على ارض الواقع لانه للاسف التعليم النضري وحده غير كاف للتعامل مع هيك حاله يجب عليهم التطوع في احدى المراكز الطبيه لكي يتعلموا تطبيق هاي الاسعفات والقدره على التعامل معها بالشكل الملائم لكل حاله على حدا

  • المرسل:  زيد أبو صالح - مسعده

    أولاً الله عز وجل قادر على كل شيء . وأطلب من الله الشفا للغالي جنيد والله على كل شيء قدير…
    بخصوص وجود ممرضة في المدرسة ! بالسابق كان لكل مدرسة ممرضة تهتم بشؤون الطلبه وأمور أخرى وليس لكل ايام الأسبوع ، ولكن منذ 7 سنوات تغير هذا الشيء وأصبحت زيارة الممرضات 4 مرات في السنة . لهذا يجب البحث عن أمور بديلة لرعاية ابنائنا .

  • المرسل:  ﺻﺎﺣﺒﻮ

    ﺍﻟﻠﻪ ﻳﻘﻮﻣﻮ ﺑﺎﻟﺴﻼﻣﻲ

  • المرسل:  ***

    غريبيين انتوو النااس بتقول الله يشفي وانتو عبتقاتلوو عاتفه الامورر وحسب رأيي انو المدرسي عملتت كل شي لحتى تسااعد لشبب بس هذا قدرو كل شي الله كاتبو بدو يصير. الله يقومو بلسلامي ويصبر اهلو.

  • المرسل:  بقعثانيه

    الله يقيمو بخير وسلامي ويرجع لاهله

  • المرسل:  تامر

    الله يقومو بالسلامي

  • المرسل:  طالبة في مدرسة مسعده الثانويه

    بالمدرسي في اساتذي كثير عندن خبره وبيعرفو يتصرفو بهيك مواقف والطالب خلال وقت قصير انقذو الاساتذي وكان في اسعفات اوليي قبل وصول سيارة الاسعاف بس هي قسمتو الشب والي الله كاتبو راح يصير

  • المرسل:  معلمه

    اولا اتمنى الشفاء للطالب جنيد, وعودته الى اهله ومدرسته معافى.
    انا معلمه في احدى المدارس , اريد ان اتكلم عن نفسي اني املك شهادة الاسعاف الاولي, ولكني لا اقدر ان اقدم مساعده في مثل هذه الحالات, ولا حتى ابسط منها. وذلك لعدة اسباب منها التوتر والارتباك وربما الخوف, الضغط الذي يسببه بقية الطلبه في المدرسه وخاصة المقربين من المريض و…..
    فأنا اشجع فكرة وجود شخص مؤهل (ممرض/ممرضه)بشكل دائم في جميع المدارس, وهذه مهمة اولياء الامور للمطالبه بهذا الشأن. (في كل مدرسه يوجد غرفه خاصه للممرضه ولكن لا تستعمل إلا وقت التطعيمات)

    • المرسل:  منصور محمود

      مع احترامي الك ايتها المعلمه اذا انت ما بتقدري تقدمي اسعافات اوليه ومعك شهاده فمن الافضل انك تعمليها من الاول عمن بالموضوع ها فيهوش واسطه

  • المرسل:  اقتراح

    في مدارس وجامعات الدول الاوروبية والولايات المتحدة ومعضم الدول في الشرق الاقصى كل مدرسة ملزمة بوجود مستوصف (مكتب) مع ممرضة بدوام كامل مع معضم المستلزمات الطبية اما نحن فلدينا مكتب لكن بدون ممرضة او معدات طبية حيث يستعمل كمخزن او للتطعيم الوقائي احيانا فحسب وجهة نظري انه يجب على الطلاب وعلى اولياء الامور ان يطالبو بشيء من هذا القبيل

  • المرسل:  طالب سابق في مدرسة مسعدة الثانوية

    أرجو الشفاء العاجل للطالب.نحن دائماً ننتظر حتى تحصل المصيبه ونبدأ عندها بالتفتيش عن الحلول لتفادي المصائب.ما أردت التنويه اليه ان هذا الإهمال موجود منذ زمن بعيد.في احد دروس الرياضه سقطت نتيجه حركه خاطئه في الملعب وتعرضت لكسر في يدي،ارسلوني برفقة احد أصدقائي الى خالتي أم حمد لكن لم نجدها فاوصلوني الى البيت ظناً منهم اني أبي يملك مستشفى في البيت.يدي كانت مكسورة وفيها الآن ٢٠٪ شلل.المعلم والإدارة بدل ان تتحمل المسؤوليه اتهموني باني لم أصغ لتعليمات المعلم .حادثتي تعتبر لا شيء أمام ما حدث للطالب جنيد.ارجو ان تأخذوا العبر.

  • المرسل:  بهجت

    نتمنى الشفاء العاجل للشاب جنيد والله يساعد اهله ..المفروض ان يكون طالب في وضع جنيد مراقب لانه يعاني من مرض وراثي معروف للجميع والغريب انه لم يكن مراقب
    فماذا لو تعرض لذلك في الشارع او في مكان كان فيه وحيدا ..الله يردك بالسلامه يا جنيد

  • المرسل:  مهتم

    اي لازم يكون في غرفة طوارئ بالمدارس او اي مؤسسة ثانيي اني بحكي عن مدرستي غرفة الممرضة عاملينا غرفة دروس خاصة ……بس السؤال ليش بس بمدارس الجولان او مدارس القرى العربية فيهاش ممرض مؤهل…بمدارس الجانب واليهود في غرفة ممرضة وكل شي والدولة مش ناقصا مصاري لتعمل غرفة ممرضة كاملة الادوات ……..العرب مش ناقصن شي عندن عقل وعندن مخ والله فرقنا عن الحيوان بهالشي ……شغلي وحدي يلي ناقصتن وهي انو اذا شفت شي ضد القانون بتسكت عنا وبتأيدا كمان ……..من بكرا فيها تجتمع لجنة اولياء الامور مع مجلس الطلبي والطلاب وتقلن بكرا اضراب بنجيش عالمدارس غير لا تصير مدارس بشر مش حيونات.. بس يصير فيها غرفة ممرضة وتصير مدرسة مؤهلة لأنا تستقبل طلاب بنرجع نجي… والله يصبر اهلوا ويشفي يا رب

  • المرسل:  بقعاثا

    اولا بتمنى انو جنيد يطلع من هالحاله الصعبي وثانيا ارجوكم حطو حالكن محل اهل هالشب الممرضه او الممرض كثير مهم وجودهن بس اكيد هن مش راح يلومو المدرسه لان ابنهن كان مريض سكري وحالته خاصه. حرام تتناقشوا او تفتحوا نقاشات معاتبه اذا المدرسه مسؤوله او لا محدا عبيحملكن المسؤولية بس ادعولوا بالشفاء والله يساعد اهلو على هالمصيبه

  • المرسل:  ولي أمر

    للاسف الشديد الشاب جنيد دخل في غيبوبة دائمة لا نفع للنصائح واللوم ؟؟والنصائح دائمافي مجتمعنا تبدأ بالحديث عن الحدث بعد حدوثه سواء كان في حوادث السير والسرعة الفائقة وشرب الكحول الذي اصبح أمرعادي في مجتمعنا المحافظ ؟؟ أو بالتقصير بتقديم الخدمات لمجتمعنا بشكل عام ولطلبنا بشكل خاص من الجهة المسؤولة في قرانا ونقصد المجالس المحلية التي موجودة أصلا لتقديم الخدمات للناس . جنيد كان ضحية التقصير وكما قال البعض يجب ان يكون في كل مدرسة غرفة لممرض تتعامل مع جميع الحالات التي تحصل في مدرسنا .على المدرسة بعد هذه ان تطالب بشدة بوجود ممرض مع الاجهزة المناسبة والسكوت والتزام الصمت في هذه الحالات افضل
    من الدفاع عن التقصير وتمسيح الجوخ للمسؤولين يا استاذ …

  • المرسل:  مش مهم

    اللة يصبر اهلو وجنيد شب كثير قمور اللة يشفي محدا يقول غير هيك ويصبر اهلو

  • المرسل:  شاب

    اول اشي انشالله ومنطلب من الله عز وجل انو يشفيه ويرجعوا لاهلوا بخير وسلامة وثاني شي بكل مدرسه في ممرض او ممرضه بعرف يقدم اسعاف اولي حتى وصول المريض الى العيادة او الى المشفى ويا ريت بدون كتابة تعقيبات مش بمحلها وتعقيبات تتهم المعلمين بالمدرسة

  • المرسل:  مرسل

    ليش مش بكل مدرسي بيكون فيها شخص يلي بيتعين من الدولي حوڤيش لاي حالي بتصير بلمدرسي من جرح لكسر او حالي متل الطالب جنيد يساعد الطلاب ويقدم المساعدي قبل وصول الاسعاف اذا احتاج الامر
    وبتمنى الشفاء لجنيد

  • المرسل:  روان مهم كثير لكل يقرا

    غريب نحنا البشر ما ابيخنا بكل صراحه..ناس قاعدي عبتقاتل وعبتفسر شو الي صار بلمدرسي وكل واحد بدافع عن حالو ونسيتو انتو في مصيبي اكبر من هيك..اصلن مش لازم نقول غير الله يساعد اهلو والله يشفق عليي..كبرو مخكون يا جماعه حرام عليكون تقاتلو عشي بايخ باي ..الرجاء النشر

  • المرسل:  طالبه من ثانوية مسعده

    يعني اول مرا بحياتي بشوف تعاليق بهي لسخافه قديش مندفع تامين صحيي واذا الاساتذي قامو بالواجب لفكره الي نطرحت كل طلاب لمدرسي بيايدوها انو كل طالب من حقو يكون في ممرضه بالمدرسي الي لسمح الله اذا صار شي بضرف دقيقتين تكون موجودي مش بسبعه والموقع مش متهجم على حدا طرح لفكره مشين صحة الطلاب وما حطش لحق على حدا بالعكس كتب لتنويه ليكون واطح وصريح اما الشعب ها بيحب لتت ولعجن وبتمنى الشفاء لعاجل للطالب جنيد شمس والله يصبر اهلو كل واحد منا الو قسمتو

  • المرسل:  بنات صفو

    اولاً مع احترامنا للجميع..
    نشالله بيرجعنا بلخير والسلامة
    ولكل انسان مهتم وعبيعلق وعبيحط الحق عغيرو
    منقلو قسمتو وفش حاجي تلومو حدا (المعلمين)
    لانن بيضلوا معلمين معن شهادة اسعاف اولي مش شهادة دكتور فهن عملو الي عليهن واكيد لو بيطلع بأيدن يعملو اكثر مقصروش ،،كيف عبتحكو وشكرا ؛)

  • المرسل:  من المجدل

    كل الاحترام لموقع جولاني وللكلام المزبوط بس للاسف عطول الناس ضد الصحيح

  • المرسل:  ريم

    قلبي موجوع على الشاب بتمنالة الشفاء بس عرفت بالقصة حسيت قلبي رح يوقف لان صار معي نفس القصة بس كنت يومها بالمستشفى وساعدوني الاطباء وكثير عانيت وصار معي صدمة طول العمر ما بنساها وصدقوني ما حدا بيحس بالوجع غير صاحبو ويا رب تساعد هالشاب حرام بعدو باول عمرو . الانسان بيمرق بمصاعب والحياة بدها تمشي

  • المرسل:  مهتمه

    اولا الف سلامه عالشاب المصاب الله يشفق علينا وعليه ويصبر اهله ويشفيه
    يا جماعه نحنا ليش منستنى كل واحد ليكتب كلمه لنرد عليه ونشتم ونكذب خبر
    يعني موقع جولاني ما عم يتهم حدا بالعكس عم يوعينا على شغلات نحنا مش شايفينها
    يا ريت الكل يدعي للشب بالشفا وم
    ش كل حدا عندو كلمه منيحه ولا مش منيحه يحكيها
    لانو عن جد شي مش معقول اللي بشوف التعليقات بيتمسخر علينا وعلى عقلنا لان بهيك حالات مش من حقنا نتهم حدا ولا نحكي على حدا
    مألناش غير ندعي للشب ويشفق على اهلو
    الف سلامه

  • المرسل:  من الضروري النشر والقرائه

    صراحه اني طالبه تخرجت من هالثانويه وصحيح انو بصف عاشر عملولنا دورة اسعاف اوليي وطبعا عطونا كرتيس انو نجحنا بس صراحه متعلمتش شي ومش مؤهلي ابدا لاي حالة اسعاف اوليي… بعتذر على هالحكي بس لازمل نشكر هالموقع الي فتحلنا عيونا عبطالب بحقوقنا هو مشتكيش على أي معلم بس بتقعش في أي معلم مؤهل بسبب عدم الممارسي ليش اكثر…. بتمنى تاخذو هالشي جد اكثر شوي وتفكروش انو اتهام . لازم يكون في ممرض متبدل يعني بمارس الطب كل يوم منشان هيك يتبدل يوم عيادي يوم بالمدرسي منشان مش يروح كل يوم يشرب قهوي بالمدرسي ويحل يضل متبدل ليمارس هالشغلي كل يوم وكل الشكر للمعلمين محدا قال غير هيك وللموقع المهتم بحقوقنا كل الوقت والله يشفي ويصبر اهلو

  • المرسل:  من بقعاثا

    اوﻻ بتمنا الشفاء للشاب جنيد والله يقومو بالسﻻمي
    وثانيا واني عبقرا التعليقات عالموضوع مرقت معي جملي بتقول انوا { ﻻ اني وﻻ انت منعمل غرفة اسعفات بالمدرسي الوزاره هيي الي بتقرر اذا بتعمل او ﻻ }
    اني بقلك هالحكي مش مزبوط بالمره مع احترامي ﻻلك ﻻن متل موافقة الوزاره تعمل غرفي للتدخين بتقدر تعمل عرفة اسعفات للطﻻب الي انتي منن واذا اليوم مصبتكش الك بكرا بتصيبك لصمحالله طبعا
    نحنا مناش يعملو معزجي بالمدرسي كل الي بدنا ايا غرفي تكتبواعبابا اسعافات اوليي وتحطو فيها حدا خبيييير مش ماخذ دوره عنشان متكنش قصه دقايق لبعدين تكون قصه ثاوني وبيكون عبيتعالج وشكرا الكن

  • المرسل:  ولية امر مهتمه

    ان تواجد ممرض/ه غير الزامي في المدارس. واولياء الامور غير قادرين على تمويل هذا المشروع من جيبهم الخاص . لكن هذا لايمنع وجود (باراميديك) )(חובש) يستطيع تقديم المساعده في الحالات الطارئة في المدرسة .

    מהוראת סעיף 6(ד) לחוק לימוד חובה, התש”ט-1949, עולה, כי האחריות למימון שירותי עזרה ראשונה חלה, באופן מלא, על המדינה ועל רשויות החינוך המקומיות, ואין הן רשאיות לגבות מההורים תשלומים בגין שירות זה. המדינה יוצאת ידי חובתה בנותנה מענה לצורך בשירותי עזרה ראשונה בבתי הספר ברמה הבסיסית. חובה זו אינה מחייבת בהכרח נוכחות קבועה של אחות. העזרה הראשונה יכול שתינתן גם על ידי גורם חיצוני לבית הספר, ובלבד שהמענה שיינתן יהיה מענה סביר, ויעמוד בדרישות למתן השירות ברמה מקצועית טובה ובמועד הנדרש. משניתן שירות זה על ידי המדינה, אין בסיס לטענת ההורים, לפיה יש לאפשר להם לשלם עבור הצבת אחות בבית הספר.

    اتمنى للشاب جنيد الشفاء العاجل ولكل من قدم المساعده الشكر الجزيل .

  • المرسل:  ولكن عشو عبتناقشو

    15 ولا 10 ولا 7 أي المخ اذا نقطع عنو الاكسجين من 4 ل5 دقايق بيبطل يشتغل الموقع كتب وغلط لنقول .بتناقشو اذا واذا خذو العبره من الخبر جيبو ممرض .أي اذا المعلم بيستعمل كل قدراتو بيقدرش بهيك حالي. الموقع عبطالبلكن بممرض مش عبتهمكن يا جماعه وشكرا للمعلمين والله يشفي قسمتو اخر شي منقول

    x
  • x
  • x
    جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول