تعيش مجدل شمس هذه الأيام مشكلة حقيقية باتت تنكد حياة سكانها وتعطل سير الحياة الطبيعي فيها، وذلك بسبب إغلاق عدد من الطرق الرئيسية فيها دفعة واحدة، بهدف التطوير أو الصيانة، الأمر الذي يتسبب باختناقات مرورية وتعطيل شبه تام لحركة السير وحياة الناس الطبيعية.
بدون شك، إن جميع الأهالي يرحبون بعمليات الإصلاح والتطوير هذه، التي ستعود على البلدة بالمنفعة وستسهل مستقبلاً حياتهم، وستساهم في تحسين المنظر العام ، وتطوير البنية التحتية التي كانت مهملة حتى الآن، لكن حالة الفوضى والإرباك التي تسببت بها هذه الأعمال فاقت كل ما يمكن أن يكون مقبولاً، أو يمكن التعايش معه، الأمر الذي يطرح سؤالاً مشروعاً، وهو هل كان بالإمكان العمل بصورة أخرى من أجل أن لا نقلب حيان الناس إلى جحيم؟
إن التفكير السليم يقول أنه في حال الإقدام على إغلاق شارع ما، فإنه من الضروري أولاً التفكير في خلق بديل له، وترتيب حركة السير بما يسهل حركة الناس، إلى حين الانتهاء من هذه الأعمال وعودة الوضع إلى الحالة الطبيعية، فما بالك أن تطال عملية الإغلاق ثلاثة أو أربعة شوارع رئيسية في البلدة دفعة واحدة، دون أن يترافق ذلك مع أي ترتيبات خاصة!! إن ذلك بدون شك إخفاق كبير وأمر غير مقبول.
من الواضح أن الأعمال في هذه الشوارع ستستمر فترة طويلة، لذا من الضروري، ولزاماً على المجلس المحلي، أن يعيد التفكير في هذا الأمر ويبحث سريعا جداً عن حل لهذه الأزمة.. فالوضع بات لا يطاق…
الأمر الأساسي الذي يجب فعله بشكل فوري، والذي من شأنه أن يخفف كثيراً من شدة الأزمة، هو تنظيم عملية السير في الشوارع البديلة، التي تحولت حركة السير إليها بعد إغلاق تلك الشوارع. وهنا يجب تشغيل عدد من المراقبين، وتزويدهم بصلاحيات تحرير مخالفات لمعطلي حركة السير، ومنع إيقاف السيارات على جانبي تلك الشوارع، وخاصة تلك التي تتم بطريقة غير صحيحة، أو على الأقل تنظيم عملية إيقاف السيارات تلك بحيث لا تعطل حركة المرور. والمشكلة هنا تكمن أساساً في أن شوارعنا ضيقة من الأصل، وعندما يتم إيقاف السيارات على جانبي الطريق، فإنه يصبح من المستحيل مرور أكثر من سيارة في اتجاه واحد فقط، وهنا يجب تنظيم عملية إيقاف السيارات بحيث تكون على جهة واحدة من الشارع فقط، وبذلك يتسع الطريق لتصبح بالإمكان حركة السيارات في الاتجاهين.
وهنا أيضاً لا بد من التوجه إلى الاهالي، وخاصة الجيل الشباب منهم، أن يخففوا من حركتهم على هذه الشوارع، والمرور عبرها عند الضرورة فقط، فحركة السير التي نشهدها غير معقولة، وتفوق أضعافا لما هو متوقع من بلدة بحجم مجدل شمس.
علينا التعاون جميعاً لتسهيل حياة الناس – حياتنا جميعاً- خلال هذه الفترة التي قد تمتد عدة أشهر، وإلا فإن الأمور ستزداد سوءًا وقد تخرج عن السيطرة.
شكرا على طرح الموضوع ثانيا أن اصحاب المنازل الموجوده جانب الطريق البديل ستواجه مشكله كبيره بهذا الاقتراح فالكل يعلم انهم هم الذين سيواجهون المشاكل والمخالفات والتعب عند ركن السياره مسافه 500- 1000 متر بعيدا عن البيت فنحن لا نريد حل مشكله وفتح مشكله اخرى اتمنى منكم السعي لأيجاد حل يلائم الجميع ولا يتسبب بالضرر لأحد …. وشكرا
كل الاحترام لان فعلا الوضع صار ما بينطاق
شو عالم يلي ما بدو يستحمل حدا ، قول عبيشتغلو بشركات عالميه הי טק ,
******* الحق مش على المجلس الحق علينا هلي سمحنا للمجلس يبدا بالشغل قبل ما يعطي بديل ملائم
لازم ندور عبلد نسكن فيه مؤقتا لحتى يخلص المجلس طرقان البلد لان تكسرت سياراتنا ومش ملحقين تعبئة بنزين
تحسين المنظر العام
تطوير البنيه التحتيه
الموضوع المطروح هام جدا ويمس حياتنا اليوميه ويناقش ازمه لا طالما عانينا منها جميعاً
الهدف واضح وضوح الشمس والسبب معروف والهدف هو ما قيل سابقاً يا سيدي في العبارتين التي ذكرت
الحل بسيط وكذلك طُرح في نصك ، الرجاء التخفيف من حركه السير على هذه الطرقات وعدم السير عليها ألا بحاله الحاجه القصوى من قبل الشباب وضيوف البلده وكل من يستطيع الالتزام (عمار يا مجدل شمس والى الامام ،، كل الشكر لطاقم ورئيس وكوادر المجلس المحلي على السعي قدماً للافضل)
هذا غير الطرقان المسكره منشان الاعراس شغله ما عادة تنحمل
حسب رايي طريقة العمل لم تكن صحيحه كان من الافضل العمل بشكل تسلسلي اي اغلاق شارع فقط عند الانتهاء من الشارع الاخر
اما بالنسبه لمدخل البلده جهة مسعده كان من المفروض اغلاق مسلول واحد واغلاق الاخر عند الانتهاء منه هكذا تصلح الشوارع وليس بالطريقه الهمجيه التي يعملون بها
انتو مش بشر عفكرا لكككك اذا جددلكن المجلس شي بتقولو مشكلة
واذا مجددش بتقولو المجلس عبيسرق بدل ميججدلنا ونحنا بلدنا مش بلد وفيهاش مجلس وبعرفش شو
خلص عاد قرفتونا ارتقو شوي ورفعو مستواكن
بكرا راح تفتخرو فيهن لطرقات بلدنا
اولا لحتى نطلب من غيرنا يعلي مستواه ويرتقي لازم بالاول نكون نحنا اعلى . ومن طريقة الرد واضح مستوى الفهم
ثانيا ما حدا قال المجلس غلط معنا، عمنقول الشغل لازم يكون منظم اكثر اللي ما ياثرش على حياة الناس اليومية .
ثالثا بتأمل انو لقدام ننتبه لتعليقاتنا قبل ما نقول لغيرنا انهن مش بشر ونتهمهن بالحيونة .. مرات غيرنا بيكون عبيحكي راي صحيح وتفكير عاقل بس المشكلة انو اللي بيعجبوش الحكي بيطالع غيرو حمير وهو الفهمان الوحيد
شكرا لموقع جولاني لطرح المشكلة واقتراح الحلول. الى الامام .
حلو الحكي بس بتوقع انو يلي عبتقولو كمان انت مطبقتوش…
*)بتخيل اذا انت كمان بترفع المستوى بكون منيح
*)كمان قلت انو اذا كان راي الاخر بيختلف عن راينا فبنتهو بالحيونه ..انت عملت نفس الاشي اسا بس بطريفة ثانية محترمه “شوي” هذا هو رأيو بتوقع انو من حقو يقولو
لا اني بتوقع انو هون في مشكلة بفهم المقروء ….
وصح انو الموضوع صعب شوي بس بنا نتحمل شوي لمستقبل افضل…فش شي بيجي بالسهل كلو بدو تعب
شو الي بدكون اياه يا اهل مجدل شمس لوين بدكون توصلو اذا المجلس المحلي ما اشتغل بتقولو قاعدين ورا الكراسي بس عبيسرقو مصاري المشاريع واذا اشتغل ممنوع يشتغل الا لحتى ياخذ الموافقه تبعكون ومنشان الطرقان البديلي هذي بلدنا والكل بيعرفها وبيعرف شوارعها وبدل الطريق البديل الواحد في اثنين او اكثر الي بدو اوصلو بالنهايه طولو بالكون شري لحتى تاكلو العنب وانشالله بتكونو مبسوطين بالمناسبه اني مش من موظفي المجلس ولا الي علاقه فيهون اني مجدلاني وبتهمني مصلحة بلدي وجمالها
مجلس الو 8 سنين نايم شو هلفطني اسا فايع بلبلد مره وحدي.. طريق من دوار مجيد حمدي لدوار ثاني قبل ميتسكر كان لازم يتزبط طريق لتحت منو وين منجرة يحيى بنوت لانو صار طريق رئيسي بس مكسر.. ومدخل لبلد الثاني كان فيهون يسكرو جنب واحد ليخلصو هيك بضل طريق مفتوح … في عندون الف حل وحل بس انو هن عبيشتغلو.. ويريت بيشتغلو شي صح … قبال مطعم لواي زبطو عن جديد لربعه لكانت منشان سيارات تقدر تصف ومعملوش ولا فتحة لتصريف لميي اسا بشتا لبدو يصف هونيك يعمل حسابو يكون لابس جزمي .. مجلسنا لحبيب لمفتح شكرا.
منيح الي نطرح هيك موضوع … ما بصير هيك شي عبصلحو على عينا وراسنا بس اسا اول الصيف والولد كلا معطلي عن المدارس وبدا تضل عالطرقات وازمه سيارات وعروسي ومناسبات …….. يعني الله يمضي هالفتره عخير ما يندعسي شي ولد ولا يوقع عن بسكلاي قدام شحن …..
اني بيتي حد طريق من هالطرقان الي عبتتصلح مش عبقدر امن عا ابني يطلع برات البيت ومش عبخلي يعني بصرش هيك صيفيي كمان لولد تعيشها
كل هلشي نتيجتها تفكيك هاذه لمجتمع وعدم لتعاون مع بعض
بالضبط فش حدا بياخذ على عاتقو شي كلو بدو بس هو يكون مرتاح ….اذا بس بصير تعاون بين المجلس والشعب ونحنا نتحمل شوي كلو بصير منيح
شكرا على طرح الموضوع
فعلا الوضع صار ما بينطاق
شكرا
اني بدي قول اول شي الله يعمر هالبلد باهلها وكلنا بنحب تكون بلدنا اجمل وارتب بلد
يمكن آرائنا لمبين لا عبتقدم ولا عبتأخر بس مع ها وكل بنحب نعطي رأينا ، طريق رئيسي الو شهرين مسكر والشغل في عالتيسير لمبين، لازم طريق متل ها ينشغل في 24 ساعه باليوم ، اهل هالحاره عنجد قلبنا معهون عالحالتين عبيعانو اما يعانو جمعه او جمعتين احلى ميعانو شهور ، وصحاب المصالح كمان تكون خسارتهون شهر احلى متكون سنه ، عنجد كلنا بنحكي من حرقة قلبنا ، واذا هالعمال عبيشتغلو يوميي عوضوهون بشي طريق فرعي برات البلد يظلهون يبلغصو في سنتين اذا بدهون ، عنجد اختنقنا
الحل يا قرايبينا مش بس توسيع الطرقان البلد كلها ضاقت وما عاد تنفع الحلول الموضعييه حتی لو وسعنا الطرقان وصلحنا الجور بدو يظل ازدحام السيارات والاجر الغريبة المنتشري بالبلد وعشرات السيارات هلي موقفي عجناب الطرقان كل هالامور هذه هي عبء ثقيل عالبلد واهل البلد الحل لازم يكون جذري وحاسم وسريع وهو توسيع الخارطة الهيكلية للبلد لحتی يكبر ويتوسع العمار ويبعد قدر الامكان عن البلد ومراكز الازدحام وهذا واجب المجلس المحلي باسرع وقت لانو ما بدنا حل لسني او سنتين بدنا حل لعشرات السنين القادمة وهذا الشي ما بيكلف المجلس لا مصاري ولا ميزانيي بس بدها شويت احساس بالواجب وقدر من المسؤليي تجاه البلد والجيل الجديد
نعم كل ما ورد في التعليقات انا اوافق عليه عدم خلق البديل وتسكير كل الطرقات في ان واحد وموسم الأعراس ووووووو
1) السياقه ادب وذوق وهذا عندنا مفقود
2) المسؤلين عندنا تفكرهم محدود ولن أستثني أحد
3) مركز الشام مكانه قاتل
4) المجمع الطبي مكانه قاتل
5) كلاليت عند فوأد كنج قاتل
6) الملعب مكانه قاتل
7) وإذا حدى بدو يعمر وما أكل الطريق
وأحسن شي بهلبلد سيارتين بيحكو مع بعض وكأن مافي حدى وراهم
يعني شوبدنا نحكي تعو لنزيح البلد أو نجيب حدى يغيرلنا عقولنا
لأزمه بدا تمر بس نحنا نفكر كيف نطلع منها ( السياقة أدب وذوق )
100%
متى نرتقي الى التفكير الصحيح , لماذا علينا ان نكون الضحيه دائما. متى نفهم ان من واجب المجلس المحلي القيام بالاصلاح على اكمل وجه ومن دون التصفيق له .المؤسسات الحكوميه تنفذ قوانينها علينا ولا تقبل بالعكس . الشارع الجنوبي الموازي لشارع ( من الدوار للدوار) ملائم فقط للتراكتورات الزراعيه, وليس للسيارات . الم يكن من واجب المجلس المحلي اولا تأهيل هذا الشارع للسير .دائما نرضى بالقليل , ونضحي من اجل الاصلاحات . لماذا نشعر بالامتنان لهذا المجلس الذي وجد اصلا لخدمتنا. وراتب موظفيه من جيوبنا واتعابنا.
العالم كلها عبتتطور بس اهل البلد لا.. يعني كيف بدكن تكون بلدكن حلوي بلا ميشتغلو فيها يلا نامو وبس تفيقو بتلاقو البلد متل امريكا بيوم واحد .. ولوو شو بكن طوله البال بس وبلا انتقادات فاضيه يا متطورين انتو ياا FREE … حاجي مقاتيه وحكي فاضي لان المجلس عبيقدملكن شغلات حلوي بس انتو بتشوفوش الشغلات المنيحا روحو شوفو القرى الثانيي رجعو حكو ….(الصبر مفتاح الفرج) وشكرا 🙂
ضيعه ضايعه.. لماذا نحوّل كل نقاش مها كان موضوعه الى مدافعين عن المجلس ومنتقدين له ؟؟؟…. باختصار قمة الحماقه ان يتم اغلاق المدخلين الرئيسين للبلده في نفس الوقت لمدة شهور… يا اخي هلكتونا بالتطوير.. شوي شوي مش دفعه وحده ..بعدين نيصيبونا يالعين…..
كثير حلوين حكياتك لو في لايك بلموقع لكنت طرقتك واحد لايك من فوق من الحكومه ههه
النقطة الاهم هي توسيع الخارطة الهيكلية للبلد السماح بالعمار وتسهيل الرخص وتخفيض الضرايب واشتراكات الكهربا والمي لحتی نقدر نعيش ابسط عيشه وهداوة بال الطرقان العريضة والحدايق والملاعب والترفية كل هلشي بيحلش المشكلي نحنا بدنا حل سريع لحياتنا اليومية وحياة ولادنا هلي صاروا شباب ومش قادرين نعمر بلوكي وحدي لانو بدنا شي مية سنة شغل متواصلي لنخلص رسوم الرخصة واشتراكات الكهربا والمي والتنظيم اللعين
قبل اربع خمس سنين اشتغلت معتس بالشارع بين مسعده والمجدل ولا حدا شعر بمشكله لان اشتغلو بعقل كانوا يسكرو اتجاه ويتركو الثاني شغال مش يعملو حصار على البلد متل أسا لأنو المسؤول كان واقف على راس عملوو فهمكم كفايه
اتوجه الی المجلس المحلي والی الهيئة الدينية لجنة الوقف والمحامين ابناء البلد والمهندسين بالاخص وكافة المثقفين والناشطين الاجتماعيين وكل فئات المجتمع كبير وصغير ان نتوحد ونصب تفكيرنا في مشكلة واحدة وهي الاهم بحسب رايي في الوقت الراهن وهي مشكلة الضائقة السكانية ورخص العمار وعدم السماح بالعمار علی ارض اباءنا واجدادنا والمبالغ الباهضة المترتبة علينا دفعها ظلما وجحفا الی المؤسسات الحكومية السافلة والمتسلطة دون اي مطالبة او سعي من اهل البلد او المجلس المحلي لوضع حد لهذا الوضع المزري والاستفزاز المالي الذي يعانية المجتمع من قبل تلك المؤسسات الی متی سوف نبقی هكذا والی متی سوف نقبل بهكذا وضع لانو كل ولادنا صاروا يفكروا بالهجرة والبحث عن حياة اسهل ونحنا عمنتفرج ومش قادرين نساعدهن او نقدملهن شي يسهل عليهن حياتهن ارجو ان نجد اذانا صاغية وتحركا سريعا من قبل من بقي عنده ضمير صاحي في هذا البلد ومن الذين لم تاخذهم المصالح الشخصية والمكاسب المالية والجيوب الممتلئة بعيدا عن مصلحة بلدهم وابناء هذا البلد الجيل الصاعد المترنح والتائه لمصيره.
من وين بدنا نبدا وين بدنا ننتهي كل يوم اصعب من هلي قبلو واهون من الي بعدو عبتطلع روحنا لحتی يخلص هالنهار باقل خساير ومشاكل كل واحد همو علی قدو وما حدا فاضي لحدا بس المهم تزيح عن راسي بدها ثورة حقيقية يا ناس يا هو بدنا تغيير حياة وتبديل سلوك واعادة تربيي ومنهج جديد ما بقي في شي بينطاق عمنموت كل يوم من كثر الهم والغم نحنا خلينا نضحي بس المهم النتيجة تكون لصالح ولادنا وحياتهن صحيح هالموضوع بيخصش الطرقان بس هذا جذر المشاكل الاساسيي وهذا سبب قلة الصبر وذياقة الخلق وتبادل الاتهامات لبعضنا وشكرا.
مرحبا لاهالي مجدل شمس وللمجلس المحلي ..الموضع التي تم طرحه من قبل اﻻخ نبيه مهم جدا ..فعندما تعرض سكان هذه البلده الي الضائقه المروريه والى ازمه الشوارع ..صار الكل يصيح سيارتنا اوﻻدنا راحتنا من ازعاج ضجيج التركتورنات والموسيقا الصاخبه التي تصدر من السيارات ..الكل متذمر ومنزعج مع انها فتره مؤقته تصل اما لشهريين ثﻻثه وربما اكثر ولكن هناك عائﻻت في هذه البلده ﻻيوجد طريق ولو شبه رسمي تمر عليه سيارتنا وتتعرض اطفالنا وسيارتنا يوميا للخطر وعندما نتوجه لبعض اﻻشخاص المعنيه يديرون ظهرهم وﻻيوجد حل لهذا الطريق ..ونتوجه ايضا لاشخاص اعﻻميه لكي تسلط الضوء على مشكلة عائﻻت تقطن على هذا الطريق فيكون الرد ليش هذا طريق لكم ﻻيوجد هنا طريق .وﻻ نلقى منه حتى اهتمام ولو نسبي ها حالنا منذ 35سنه على اﻻقل لم يبقى اي جهة رسميه اﻻ وتم التوجه اليها وكل ما هنالك انه ﻻيوجد ميزانيه كافيه للطريق ولكن طرقا تكلف مﻻيين الشواقل ولواجهة البلد لديهم وتكون طرقات منها مخفيه وﻻ تشكل خطر على ماريقي هذا الطريق فلديهم ميزانيه لامنظر الجمالي ويكون اشخاص معنين يصورون ويحكون عن انجازات هذه الطرقات ..فمن له ااحق بالتذمر اليومي انتم من تسكنون بجانب طرقات يصلها الاسلفت لامام بيتها ام اﻻناس الذين يقطنون بمنطقه وبحاره نسيها المجلس المحلي واﻻعﻻم واهالي مجدل شمس ..ومشكلتكم مؤقته ..فسيارتنا لم تعد تقدر ان تصل الي بيوتنا وحالني مزري في الشتاء …ووسائل اعﻻم بلدنا قد ادارت ظهرها وكاننا لسنا من هذه البلد ..وبتنا في طيات الدفاتر المنسيه ..ويطلبون منا ضرائب تحسين وتجميل وكهرباء ومياه واﻻصعب صرف صحي وهو غير موجود في بيوتنا .فممن يسرقون منكم الذين تقطنون بجانب الطرقات .او منا .واﻻصعب عندما شخص يعمر بيت جديد وهو يقطن لحالو في الحاره فما تلقاهم اﻻ ويسارعون لشق طريق له وزفت وخدمات ..على اي عدل وحلول ونصاف تتكلمون ..فتخيلو يرعاكم الله ..
في تعليق فيهو كثير جملي عجبتني وعنجد اجت بمحلها وياريت لوني بعرف مين كاتبها
“خلص عاد قرفتونا ارتقو شوي ورفعو مستواكن
بكرا راح تفتخرو فيهن لطرقات بلدنا”
كل الحترام عنجد
يا سيد Hs نحنا منفتخر بأهل مجدل شمس مش بطرقانها لان اذا كنا ايد وحده وقلب واحد وكلمه وحده اكيد راح ساعتها نفتخر بكل شي بمجدل شمس بشرفك ركز
كمان عبتمنا انو نكون ايد وحدي وقلب واحد ….
فيك تقلي كيف ايد وحدي وقلب واحد واذا واحد عمل عرس وسكر الطريق قدام بيتو بتعملولو قصة وكيف بيسكر الطريق وباي حق وشو الطريق طريق بيو
وفيك تقلي كيف ايد وحدي وقلب واحد واذا المجلس عبيصلحلك بطريق بتقومو وبتعملو قصة كيف بيسكر اكثر من طريق عليكن مع العلم انكن عاميلن مليون قصة من قبل انو الطرقات كثير مكسرة ومش عبنلحق تصليح سيارات
سيد حسان:
(“”بشرفك ركز””)
ان مش مع المجس المحلي أنر سكر مداخل البلد بس من ناحيه ثانيه لازم اشكرو لأنو بها بشغلي خفف عن البلد الموسيقى اللي كانت تصير بالسهره من الشباب اللي مش مرباييين وقناتي البيره هلي يرموها من السيارات المسعره وتقول حضاره وحكي تابع لأوروبا وبكون تمشو عنا بيجوز الحكي يا معلم بشموني اذا رمييت ورقه او سيكاره بتآكل مخالفه ًبيجوز اكثر وبالنسبه للمجلس ليقدر يتصرف أحلى من هيم وشكرا