ينتقل فرع بنك هبوعليم في مجدل شمس اعتبارا من صباح اليوم الاثنين إلى مقره الجديد في “كنيون فريد مول”.
البنك سيعمل حسب ساعات الدوات الاعتيادية.
ومن شأن هذا الانتقال أن يسهل على الناس الكثر من الأمور، إذ سيسهل على القادمين إلى البنك من جميع القرى ويغنيهم عن الدخول إلى مجدل شمس ومواجهة زحمة السير، بالإضافة إلى وجود موقف سيارات كبير لخدمتهم في المكان الجديد.
وسيحل هذا الانتقال أزمة كبيرة بالنسبة لأهالي مجدل شمس، حيث كان البنك يتسبب بزحمة سير خانقة في مركز البلدة وساحة الشهداء (بيت التل) جميع أيام الأسبوع، ومن المرجح أن يشهد المكان انفراجاً بعد هذا الانتقال.
خدمات الصراف الآلي (כספומט)، وخدمات إدخال النقود والشيكات الآلية أوقفت منذ صباح اليوم في المقر القديم، وعمل تفنيون على نقلها إلى المقر الجديد، على أن تستأنف عملها أما مساء اليوم أو صباح غد.
احلا خبر سمعتو لان عنجد كان البنك عامل مشكلة كبيرة بالبلد
اكبر مشكلة كانت ان تاتي الى البتك ولا تجد مكان لايقاق سيارتك . اتمنى ان يهتم البنك واصحاب فريد مول يتنظيم حركة السير لكي لا نعود لنفس المشكلة
واخيرا نقل البنك صرلنا اشهر عمنستنى لانو منزمان قالو بدهن ينقلو ………صرنا فينا نوصل عالبيت مثل العالم والخلق
طيب شو مع الكسبومات.. بدا تضل؟؟
مش المفروض يخلو الكسبومات هون ؟ يعني ضروري اذا انسان بدو يسحب مصاري يتعذب عالكنيون؟ والي ما عندو سياره شو بيعمل؟
اكيد خبر كثير حلو ومفرح ومفرج.
بس انا عم اقترح رأيي على كل حضور بينوجد معي ورأيي للكل طبعا انه محل بنك بوعليم ينقلو المجلس المحلي ومبنى المجلس الحالي يهدوه ويعملوا محله موقف عام للسيارات بيصير بمركز البلد مثل ما عملوا مركز الشام بمركز البلد وهيك راح نحل مشكله كبيره وفكروا فيها منيح.
بنك هبوعليم – فرع مجدل شمس .
اكثر فرع بياخذ عمولات وبعد حسابات قليله كتشفت انو انزل عشموني اوفر من انو كون بفرع مجدل شمس
لهذا لازم نطالب بفرع لبنك ثاني عشان يكون في تنافس والتنافس هو اساس كل اقتصاد ناجح.
بالنجاح للفرع ونشالله بعد هالنقله يكون في تغيير بالمعامله ولعموله.
عقبال بيت الشعب كمان.
بيت الشعب اكبر فشل هندسي مرق عمنطقتنا, محل يتسع ل ١٠٠٠ شخص وليس فيه مصف لسيارة واحده, ناهيك عن ازمة السير والمرور التي يسببها وعن حالة حجب الضوء, لو بقيت مدرسة الساحه مع بعض الاضافات لكان افضل بكثير من هذا المبنى الكئيب.
الحمدلله على السلامه
بنك هبوعليم اكثر بنك فاشل ومعامله *** واكثر بنك بياخذ عموﻻت وبنك القرايب يعني انت بتقرب شي واحد بيشتغل بالبنك بتمشي امورك وبتاخذ الي بدك ياة . احسن شي يسمو بنك اﻷختياري ﻻنهن يحرام بيطلعوش غير 28 شهر .اني شخصيا غيرت البنك وانتقلت على **** ﻻنو المعاملي افضل بمليون مرة .
يحيا الذكاء
واني بأيد الشب الي من بقعاثا
احلا خبر لانوا النا اشهر عمنستنا هالبشارة
وشو مع هالاختياريي شو بدهن يعملو لازم البنك ب28 الشهر يجيب باص ينقل الاختياريي منشان القبضه لازم يلاقي حل بروحو فيها يا عمي