الجولان هو الاسم الذي تم اختياره للشارع رقم 1

الجولان هو الاسم الذي تم اختياره من قبل المشاركين في التصويت على اسم الشارع رقم 1 في مجدل شمس، وهو الشارع الواصل من مدخل البلد الجنوبي (البويب) حتى دوار أسعد كنج.

وقد بلغ مجمل عدد المشاركين في التصويت 5650 صوتاً، حصل اسم الجولان منها على 1497 صوتاً أي ما نسبته 26%، بينما جاءت في المراتب الثلاث التالية أسماء باب الشمس، الورود، مسعدة على التوالي حسب عدد الأصوات:

باب الشمس: 1277 صوتاً بنسبة 23%.

الورود: 829 صوتاً بنسبة 15%

مسعدة: 625 صوتاً بنسبة 11%.

وقد حصلت الأسماء الأخرى المقترحة على نسب قليلة لم تتجاوز جميعها نسبة 3% من الأصوات.

نشير إلى أن الأسماء التي تظهر في قائمة التصويت أدناه مع نسبة تصويت 0%، هي الأصوات التي حصلت على أقل من 23 صوتاً، ذلك أن برنامج التصويت يبين النسب الكاملة فقط ولا يبين الفواصل العشرية، ويقوم بتقريب النسبة إلى العدد الكامل الأقرب (كل 56 صوتاً تساوي 1% من الأصوات).

فيما يلي نتائج التصويت كاملة مع عدد الأصوات والنسبة التي حصل عليها كل اسم:

[yop_poll id=”4″]

Street1-Named

20140405_114648

مرة جديدة نطرح موضوع تسمية الشوارع في مجدل شمس، وهوالموضوع الذي كنا طرحناه عدة مرات خلال السنوات الماضية، دون أن يؤدي ذلك إلى نتائج حقيقية، جميعنا يعرف الأسباب وراء ذلك.

مجموعة من شباب وصبايا البلدة توجهت مؤخراً لموقعنا باقتراح متابعة هذا المشروع، والاعتماد هذه المرة على الناس لإطلاق الأسماء على الشوارع، وذلك على النحو التالي – كما جاء في الاقتراح:

يقوم الموقع باختيار أحد الشوارع ويطرحه من خلال الموقع، على أن يقوم القراء بطرح أسماء يعتقدونها مناسبة لهذا الشارع من خلال التعقيبات، ويبقى المجال مفتوحا عدة أيام لطرح الأسماء، يقوم بعدهها الموقع بطرح هذه الأسماء للتصويت، والاسم الذي يحصل على أكبر عدد من الأصوات يعتمد كإسم لهذا الشارع.

الفكرة بدت لنا مقبولة، فقمنا بطرحها على عدد من الشبيبة المهتمين بالشأن العام، وجدوا هم أيضاً أنها مقبولة ويمكن أن تلقى نجاحا، لذا قررنا العمل بها.

نرجو من الجمهور العريض المشاركة في هذا المشروع نظراً لأهميته بالنسبة للبلدة، ونجاحه يعتمد على كثافة المشاركة وحجم التصويت، الذي سيكسبه مصداقية شعبية. المشاركة تكون في هذه المرحلة من خلال طرح أسماء مناسبة من خلال التعقيب أسفل المادة. يمكن تدعيم الأسماء المطروحة بأسباب ربما تقنع الجمهور للتصويت لصالحها، وذلك إذا كان هناك رابط يربط الاسم بهذا الشارع، أو أي سبب آخر تراه مناسباً.

صور للشارع:

20140405_114342

20140405_114648

20140405_114812

20140405_114920

[php] define(‘DONOTCACHEPAGE’, true); [/php]

 

تعليقات

    1. بما انو أول اسم وفي حريه للرأي فحسب رأيي فتتحوها باسم شارع الحريه

    1. بما انو اول طريق وبيوصل لدوار اسعد كنج احلا شي يكون طريق اسعد كنج

  1. بوجود دوار اسعد كنج فمن المنطقي تسميته شارع دوار اسعد كنج

  2. بقترح نسمي شارع مسعدي وذلك لانو الطريق بيوءدي علا مسعده

  3. شارع الياسمين…لكثرت لورد ولانو ها الاسم بيرمز لدمشق حبيبتي

  4. بقترح انو نطلع عل أسامي القديمي للحارات ومنا نطالع أسامي الطرقان ..

  5. حبذا لو بطلق عليه اسم الخير يوسف الصفدي وﻻ راح المستشفى واسا كمان اسمو بعد اكم سنه اسمو كمان بموت

    1. كل الاحترام الك عهاللفتة الحلوه لأن الظاهر انو في عالم هون نست او عبتتناسى أنو في انسان قضى عمرو بالغربة وتبرع لأهل بلدو بمستشفى بدون وجهنة ومظاهر كذابة وشوفة حال والأهم بدون مصالح شخصية ومستناش مقابل , أظن أنو من احترام اهل البلد لنفسن انهن يخلدو اسمو وهذا حسب رأيي أقل ما يكون …

  6. يجب تسمية الشوارع في جميع القرى بأسماء تدل على تاريخ الجولان او يجب علينا ان نسمي الشوارع على اسماء رموز ادبيه نضاليه اصحاب مقامات عاليه شهداء المنطقة اسماء القرى المهجره اسماء قيادات داعمه لقضيتنا

    1. كلامك ١٠٠٪ اني بقول لازم الشوارع تكون بأسماء تاريخيه تتدل وتعبر عن تاريخ هذه المنطقة من أشخاصا او منطقه مثل طريق عين القصب او طريق الشريط ولا اخره
      شكرًا وبنجاح

  7. اعتقد انه طريق المحطة او بالأرقام مثلا طريق رقم واحد او طريق ****

  8. هذا كلام صحيح هكذا يجب ان تكون الاسماء كما هو متعارف عليها وبسيطه مثل شارع جبل الشيخ , طريق عين القصب وشارع حارة الجبل وطلعه بيت وهبه , الشارع الرئيسي الذي بين طلعه بيت وهبه وساحه سلطان الاطرش ثم طريق الخلوه, هكذا متعارف عليه عالميا اسم الشارع اغلب الاحيان يسمى على اسم المكان الذي تصل اليه مثلا طريق مدرسه الابتدائيه او الثانويه , طريق المجمع , طريق بيت التل , اما الشوارع الصغيره فيحق لاهل الشارع ان يختاروا الاسم بنفسهم.

  9. اقترح أن تكون تكون هنالك أرضية موحدة ومتفق عليها في تسمية الشوارع وأقترح أن تكون جميع أسماء الشوارع بأسماء الورود لعدة أسباب
    1. جميع أسماء الورود جميلة ولفضها مستحب.
    2. هذه الأسماء لا تعتق ولا تموت.
    3. هذه الأرضية لا تخضع لمحسوبيات ولا تشكل نقاط اختلاف بين شرائح المجتمع.

  10. من الأفضل يكون ارقام وببداية كل شارع تنوجد قارمه برقم الشارع ،، ومش كل حدا ممكن يقدر يصوت وهالشارع من حق الكل من رأيي حسب شي معين ينحط رقم للشارع مثلا عدد لبيوت لموجدي بهالشارع

  11. الافضل انو نسمي الشوارع باسماء الشهداء واقترح انو اللي طلعلونصيب وتسمت باسمو ساحه او دوار بارايي بيكفي … خلوا لغيروا ياخذ اسم يعني المرحوم اسعد كنج بيستاهل انو الجولان كلو يتسما باسمو لكن خلص طالما الدوار باسمو نترك فرصه للشهدا

  12. حسب رايي يكون اسم الشارع الشيخ سلمان طاهر ابو صالح رحمة الله عليه

    1. حسب رايي بتعملوا لجنه من ناس مختصه باللغه العربيه،وناس بتعرف بتاريخ المنطقه وبيسموا الشوارع،، لان مش معقول ١٠٠٠٠ نسمه يتفقوا عاسم،اذا عشغلات اصغر متفقوش. وشو منطلع مع اللجنه اسماء نحنا واثقين فيهن…

  13. أقترح تسميته بشارع “الثورة” وذلك نسبة لتوقف الحملة الفرنسية على البلدة في منطقة “البويب” في فترة الثورة السورية الكبرى عندما ارهبهم الشهيد يوسف عماشة برصاصته ..(قصة البطولة الشهيرة). على أن يسمى أيضاً الشارع شمالي الملعب بأسمه حيث كان متراسه واستشهاده ….

  14. حسب رايي يكون اسمه طريق التفاحه بما انو في باخرو تمثال التفاحه

  15. بما انه مسعده بنت المجدل فمن المناسب ان تسموه شارع مسعده تيمنا بحب وإخلاص أهالي مجدل شمس لابناءهم في ضيعة مسعده وهكذا نكون قد منعنا خلاف حاد يمكن ان يؤدي الى مواجهات ومشادات كلاميه ذات صيغه تعصبيعه انا شخصيا سمعت قسما منها وشكرا.

  16. ان اقترح ان تقسم الشوارع بشكل شمال الى جنوب شرق الى غرب او أفوقي وعاموده
    مثال على ذلك كل الشوارع من الجنوب ال شمال تحمل ارقام من واحد الى ….. كل الشوارع من شرق الى الغرب تحمل اسماء تاريخيه للمنطقه ، هذه العملية تسهل تحديد المكان بكل سهوله او اذا كان الموقع في شمال البلد او جنوب البلد .

    شكرًا

  17. بالوقت الحاضر ما في حاجه للأسماء نتيجة للوضع الراهن بعدين كلهن شارعين تلاثي ومش ملبكين فيهم ومش مضيعينهن /شارع الشمس -طريق عين الضيعة -طلعة بيت وهبي وطريق الجبل -وطريق الخلوه وهكذا منشان هيك آلشوارع مسمي حالها بحالها وبلا باب نقار جديد

    1. مش ملبكين بطرقان البلد لانها مش بلد كبيره كثير. بعدين كل طريق وحاره معروفين للناس فبلا هالاقتراح يلي بدو يخلق نقار بين الناس

  18. اعجبني تسمية الشوارع في مستوطنة كتسرين كل شارع يحمل اسم منطقه او وادي في الجولان فلنبدأ بشارع الحمه وهي اقصى جنوب الجولان .
    او ان نسمي الشوارع بأرقام كما اقترح احدهم كل شارع يقطع البلدة من الشمال الى الجنوب يحمل رقم زوجي وكل شارع من الغرب الى الشرق يحمل رقم فردي وكل شارع رئيسي يكون منزلة واحدة مثال الشارع من الحارة الشرقية حتى دوار الحارة الغربيه رقم واحد واالشارع من بيت توفيق كنج جتى عبدو فخر الدين رقم 3 والشوارع الفرعيه تكون مكونه من رقمين 13 15 17 حسب وجودها كلما زاد الرقم ارتفعنا نحو الجبل .على مبدأ تقسيم ارقام الطرقات في كل دولة.
    واقتراح ثالث بما اننا نشتهر بتفاحنا فلنسمي شوارعنا بانواع تفاحنا وكرزنا .
    المهم بدون أسماء شخصية

  19. منسمي شارع الاهل؟!!! لان هذا الشارع هو بوابة البلد لاخوتنا بمسعده وبقعاثا وعين قنيه

  20. اني من رأيي خلو الاسم بسيط وهوين متل طريق الكزيه..

  21. اعتقد ان اسم (الجولان) هو الاسم الاكثر ملاءمة لهذا الشارع . فمن الناحيةالجغرافية تعتبر مجدل شمس جزءا من جبل الشيخ وهذا الشارع يصل مجدل شمس بالجولان … اقترح ان يسمى هذا الشارع باسم (شارع الجولان)

    1. اجمل اسم ومتل ما قلت هذا الطريق بيوصل المجدل بباقي الجولان

    2. الجولان اسم جميل وسهل اللفظ في جميع اللغات بالاضافة طبعا الى المعنى الذي يحمله الجولان بالنسبة لنا كجولانيين \ انا مع اطلاق اسم الجولان على هذا الشارع

    3. يجب اقتراح اسماء غير خلافية بسبب حساسية الوضع السياسي والعائلي والخ…….اعتقد ان اسم الجولان مقبول على الجميع وهو اسم يستطيع كل شخص ان يراه مناسبا له حسب تصوره

  22. الامم الراقية تخلد ابناءها .. اقترح تسمية الشارع باسم الشهيد عزت ابو جبل او نزيه ابوزيد

    1. معك حق لكن اعتقد ان من الافضل تسمية الشوارع التي تمر بجانب بيوت الشهداء على اسمائهم مثل الطريق من دوار النافورة مرورا بالمجمع حتى الساحة يمر بجانب بيت الشهيد عزت شكيب فيمكن اطلاق اسم الشهيد عليه . الشارع من جانب الملعب حتى بيت ابو فخري يسمى على اسم الشهيد سيطان الولي . الشارع الذذي يمر امام بيت الشهيد فايز محمود في حارة الجبل يسمى على اسمه . الشارع الذي يمر امام بيت الشهيد هايل ابو زيد يسمى على اسمه … وهكذا

  23. اني من ناحيتي عجبني اسم شارع مسعدي بالفعل كونو بيزيد اللحمي والترابط ولانو الطريق بيودي لهونيك وبالنهايه اسم حلو

  24. كل الاحترام لكل المعقبين كبيرا ام صغيرارحم الله الشيخ سلمان طاهر ولشهداء اجمعين
    رايي ب تسميت الطريق ب اسم يوسف الصفدي ﻻنه فدم ما لا يقدمه احد ل مجدل شمس الا ان ***** تحاول مسح اسمه مثل ما مسحو المستشفى.
    البعض يريدون تسمبته على اسم المجاهد اسعد كنج ﻻكن الدوار على اسمه اﻻ يكفي كذلك الباشا الساحه المزكزيه علي اسمه .في المدن ولمستشفيات نقراء هذا على اسم المحسن الكبير فلان . الا يحق ل يوسف الصفدي تذكار ليبقى ******* اما الشهداء فهناك طرقات عديده في البلد

  25. البيادر..السنابل او التاريخ يلي نبنى فيه الدوار مثلا اسم الشهر

  26. الاسم الاول يجب ان يكون (تفاح) فالتفاح هو رمز منطقتنا وكم اعطتنا من تميز ومن مردود مادي وتربوي فلا اضن ان هنالك من شيء اهم من حبة التفاح في بلدتنا لانه الشيء الوحيد الذي يمتلكه الجميع وليس ملك لشخص او عائله

  27. هذا الشارع من اهم الشوارع البلمجدل
    واكثر شارع مزدحم
    حسب رئية نسمية شارع البلد
    بلا اسماء شخصية
    شارع البلد وبس

  28. مجدل شمس بلد عريق وتخرًّج منو كثير ثوار وشهداء وهالبلد حاولوا كثير مستعمرين يمحوها وما قدروا بعون الله وأهلها الأبطال ، وبما انو طريق رئيسي باعتقادي يكون الاسم شامل ، فيا ريت تتقبلوا هالاقتراح المتواضع شارع الشهداء او شارع الثوار ، والطرقات الفرعيه بتكون بأسماء المناضلين والثوار وإلشهداء والمتبرعين الخيرين وكمان بأسماء النوادي الموجودي بالبلد .

    1. اعجبتني فكرة طريق الشهداء واحب ان اضيف اسم الشهيده غاليه فرحات لاحد الشوارع المتفرعه منه (بالاضافه للاسماء التي طرحت هنا)

  29. من المفضل الاستعانة بالاسماء الراهنة والمتداولة حاليا .. فالبلد تحمل اسماء مناطق تميزها عن بعضها مثل حارة الشميس تل الريحاني حارة العريض حارة الجورة بيت التل طلعت بيت العجمي الخ الخ فمن الافضل الاعتماد على الاسماء المتداولة حاليا . او تسمية بعض الشوارع باسماء القرى المدمرة والمهجرة في الجولان متل قصرين الخالصة الخشنية البطيحة الحمة بانياس بيسان رعبنا المالكية الخ .او على اسماء الشهداء الابطال مثل الشارع الذي شمال الملعب استشهد فية شيخ من ال عماشة ولة قصة شهيرة . او يفضل ان تتم عملية توليف وتوفيق ودمج بين هذة الخيارات الثلاث حسب الملائمة. وشكرا

    1. اعتقد ان فكرة الدمج من افضل الافكار المطروحة ومنطقية جدا … اعجبني الاقتراح

  30. شارع البيادر, وحسب رأيي لا يصلح ان يكون شارع واحد من مدخل البويب وحتى الدوار, يجب ان يكون هناك اسمين لهذا الشارع

  31. شكراً للموقع ولكل المهتمين , فكرة حلوة ومهمة جداً ..في رأيي.إبتعدوا عن تسمية الشوارع بأسماء أشخاص . إقتراحي هو شارع باب الشمس

  32. اني بنضري لازم تستاشيرو لناس لكبار (اختياريي) يقترحو اسماء من لتراث تبع لمجدل ولمنطيقا (مش يجي واحد فش عندو خلق يفكر بشو بدو ياكول ليوم تجي تسألو شو منا نسمي لطريق بيقلك طريق لكزيي ليش طريق لكزيي لاانو في كزيي باول لطريق لا ولله سمي بسكلاي اهون علينا شو لاانو في كزيي بدكون تسمو طريق لكزيي طيب بلكي شيلو لكزيي شو بدكون تسمو طريق يلي كان في كزيي) حبيت ضيف وجهت نضر انو لاسماء تكون اسماء لطرقان من لتاريخ تبع لبلد

    1. بايدك الراي شو كزيه ما كزيه !!!! قلت اسمااء!!! رجاءا كزية اسم مش لائق بالمررره

  33. يفضل انو بتبع التسميه بالاعداد وهناك نمط متبع حيث يكون الشارع المنصف رقم معين (رقم واتجاه) وكل مفترق يميني يكون عدد زوجي والمغترق اليساري عدد فردي بالتتالي . وفي كل مفترق يكون الجانب اليميني بيوت ارقامها زوجيه واليسار فرديه مثلا (NS 15) فهو شارع شمالا جنوبا ورقمه 15

  34. اني بحسب رأيي انو الطرقان مش لازم تتسما باسم اشخاص.
    الطرقان لازم تتسما عاسم شي حدث تاريخي صار بهي المنطقه.

  35. اني بفضل انو كل الطرقان تتسمي الجولان وكل حاره بتتسما جولان 1 مثلا او جولان 2 متل قائمة العريمي وهيك اهون شي

  36. في شغلات اهم من هيك نغيرها بالبلد او نهتم فيها قترحو تزبيط الشوارع بالاول بعدين سنوها تكسرت سياراتنا قد ما فيها جور هالشوارع

  37. سموه شو بدكم بس بعدو عن أسامي العائلاة والسيايسه طريق البويب افضل شي.

  38. اني حسب رأيي فش حاجي لكل هالشغلي خلو كل شي عحالو فش حاجي لنسمي الشارع هالقصة بدا تعمل بلبلي بين السكان ﻻن كل شخص بدو يسمي عكيفو احلا شي يضل الوضع متل مهو

    1. اذا منا نضل نخاف نعبر عن راينا ونعمل الي بدنا هو ونطور ونزبط ببلدنا حرام على عيشتنا. الي بخاف من البلبلي بيقدر ما يشاركش بالموضوع المطروح .

  39. الشارع الاخضر
    الملعب في, وعن قريب راح يصير في حديقة عامي,

  40. الطرقان عنا الها اسامي ومحدا راح يضيع.مثلا اذا سميتو طلعت بيت وهبي مليون اسم الناس مش راح تقلها غير طلعت بيت وهبي ولو بعد الف سني

  41. المفضل تسميه الشوارع باسماء الأشجار مثلا شارع الصنوبر شارع الاجاص شارع شارع الصرو شارع البطيخ المهم سمو الشوارع

  42. بيما انك مهتم بلطرقان طراح فكرى انو يعلمو مامر الموشات ولازم عنا الناس تحترم مامر الموشات مش بس في كريات شموني

  43. بالعادة تطلق الاسماء على الشوارع نسبة لرموز وطنيه او ثقافيه او علميه تنتمي للمنطقة او البلد او الدوله . ونادرا ما تطلق الاسماء نسبة لوجهة الشارع او بدايتة او نهايتة .

  44. اني حسب رأيي الطريق فينا نقسمو قسمين اول قسم من عند مدخل البويب لحد بيت السيد عصام ابو جبل ويسمى طريق البواب والقسم الثاني لعند الدوار ويسمى طريق الكزية …

  45. اعجبني تسميتان الاولى شارع الجولان لانه يربط منطقة جبل الشيخ بالجولان
    والاسم الثاني هو شارع القنيطره لانه الشارع المؤدي لعاصمة الجولان مدينة القنيطره
    وحرام على هلي بفكر بتسمية اشخاص لانه باب نقار ونحنا بغنى عنها

  46. اذا كان هناك خيار لتسمية الشوارع باسماء شخصيات وطنية فلا بد من تسمية الشارع باسم يوسف الصفدي نسبة الى العطاء والكرم الذي قدمه هذا الشخص لابناء بلدته ومجتمعه دون ان ينتظر مقابل…

  47. اسا هالبلد تزبطت كل المشاكل واﻻزمات هلي فيها وما ضل عندكن شغل غير تسمية شوارعها؟ يا ريت اهل هالبلد بتفكر بمنطق شوي وبتتعاون لتحل المصايب الموجوده فيها باﻻول من تزبيط الشوارع والمؤسسات العامة وارض الوقف ومسطح البلد وغيرها وغيرها…..واذا بدنا نعد ما منخلص وبعدين يا عالم يا متفضيين بتسموا الشوارع.

  48. نعم لان اذا اتا احد من السواح وسالنا مثل:اين جبل الشيخ .
    فعندما يكون للشوارع اسماء هكذه يفهم الى الي يذهب

التعليقات مغلقة.

+ -
.