صادرت الشرطة يوم أمس 5 مركبات Club Car (كلنوعيت) في بقاثا واستدعت أصحابها للمثول أمام القضاء.
وقالت الشرطة أن سبب احتجاز المركبات هو قيادة هذه المركبات من قبل فتية لا يملكون رخص قيادة، يقدونها بصورة تهدد سلامة الجمهور.
وجاء في بيان الشرطة أنه سيتم احتجاز المركبات لمدة 30 يوما، وسيقدم أصحابها للمحاكمة بتهمة تهديد سلامة الجمهور.
وكانت الشرطة قد أصدرت بيانا في وقت سابق هذا العام، حذرت فيه من استخدام هذه المركبات على الشوارع والطرقات العامة، لأنها غير مرخصة وغير مؤهلهة لهذا الاستخدام، ووضعت مستخدميها تحت طائلة القانون.
***** صار كل واحد بدو يشتري منها ويطلع فيها عالطريق عملوها على اساس بتساعد الكبار هلي بيقدروش يمشو بس اسمالله ببقعاثا صارو حتى الولد يلي عمرو 7 سنين يسوقها مفكرينها لعبه او بسكلاي مش اخذين هالشي بعين الاعتبار انو خطر عولادهن قبل الناس الموجودي عالطريق
يا جماعه دخيل رب النظام والقانووووون لأن بلاهون الناس بتاكل بعضها
بيخلقو عذر لكل شي تحت عنوان سلامة الجمهور يعني الجماعة مش عبيجيهن نوم من كثر خوفهن علينا ونحنا كمجتمع مصدقين ومامنين لكل شي بيقولو مزبوط عنا فوضه بس مش ملاحظين يا جماعة انو الشي زاد عن حدو متل هدم بيوت تشليح سيارات ممنوع العمار زيادة ضرايب ومخالفات تشليح اراضي وغيرو وغيرو بس مسموح المخدرات ومسموح كل شي بيضر المجتمع والجيل الصغير وبيعرفو المروجين لهيك شغلات واحد واحد بس ها هلي هن بدن ياه.
ياصاحبي شو خص عباس بدباس ولا لا بصيب خظا شي بنفيق لنفسنا…..
عنجد أنو شو خص .. ظاهرة كثير مزعجة واستغلالها عبيتم بشكل خاطئ يعني وين المنطق لما شلة صبايا عبيحشكو ويسرعو فيها ولا ولاد صغار عبيقضوا يوم خميس تحشيك عليها أما مش لازم تستنا اهل البلد للشرطة تدخل لو في وعي من زمان كانت لازم تنطرح القضية بالبلد
يعني نحنا مش حب علينا الأذا لحدا بس ها الشي فرحني كثير لانو فش مسؤليه عند الاهل ولاد 6 سنين عبتسوق يعني الناس اسا بتتعلم درس من الشرطه يعني شغله مال ومش شغل حادث او موت او الى اخ وشكرا
خطوه ولا اروع ولا احلا ولا ابلغ منها… لانو حان الوقت يلي تنحط النقاط عالحروف لانو اولا هذول الاولاد قبل ما عبيهددو سلامه الاخرين عبيهددو سلامتهن وبكل لحظه!!!
ومع الاسف مجتمعنا غير عمصرياتو مش حاصر اسا هذول اول خمسه ببلدنا بعد في غيرهون من مصدر موثوق 95 clup car
واكيد راح يضلو يهددو سلامتنا وسلامتهون فبتمنا من الاهل يلي عبيسمحو لولادهون يسوقو الكوسالكي اذا مش خايفين عولادهون يخافو علاطفال بلي عبيقطعو الشارع او علا الخختيار …. ونحنا اكيد ادرى….شو عواقبها
الحقيقه ان هذا العمل هو مطلب جماهيري فهذه المركبات جائت لتساعد من ﻻ يستطيع السير او لديهم ظروف خاصه . لكن عمل الشرطه ليس بريء تماما فلماذا انتظرت حتى امتﻷت البلده بهذه المركبات لتأتي بعد ان تورط العديدون بشرائها لتقول ان هذه المركبات ممنوع ان تسير في الشوارع
مع احترامي الك بس حكيك مش منطقي. البلد ملاني سيارات كمان ليش الشرطه مش عبتعمل مشاكل عليها. هلي بدي قولو انو حتى لو انتلت البلد بالكوازاكي وكل هلي عبيسوقوها كانو كبار صدقني الشرطه ما كانت حكت ، اما المشكلي انو الاهالي صارو يشترو لولادهن كوازاكي ب ٤٠ الف شيكل عشان ابنهن يروح فيها عالمدرسي . بس حابب ذكرك انو في عنا ببقعاثا انساني متجوزي وصرلها بتسوق الكوازاكي فوق الاربع سنين ومحدا اجا صوبها . خلاصة الموضوع هيذ الضاهره لازم ينوضعلها حد لانو بطلنا فينا نطيقها .وبعد شغلي حابب ضيفها انو اذا شخص حب يشتري الكوازاكي مطلوب منو يروح يفحص بالقانون اذا مسموح يسوقها ولا لا ، مش تروح تشتريها وبعدين تجي تحط الحق عالشرطه
خطوة كثير منيحه لانو الشي معش ينطاق الغيري والحسد هلكت الناس فلان جاب صار لازم نحنا نجيب لو شغلي وقفت على كبار السن والأحتياجات الخاصه محدا كان دخل اما ولاد صغار وبنات صغار لابعرفو قوانين السير ولا شي بعدين هذا اسمو רכב תפעולי يعني مخصص للمحلات متل المصانع الملاعب الكنيونان المستشفيات مش لا نتمشى فيها بل بلد وحملين عشرة معنا.بعظين هذا الي عبيبع صار معو شي صندوقين اذا مش اكثر تشكات من اهل بقعاثا هيك نحنا منركض ورا شغلي قبل منفكر شو عواقبها .بس انو غيري وحسد من بعض ومراقبة بعضنا .اخر شي منقول الله يقذم الي في الخير وتتعلم الناس من غلطها
ديرو بالكون على ولادكن ومشو قانوني بتعيشو بسلام
حرام الي عم يصير في الناس ممكن يتقتل اي شخص بسبب هذه الاشياء
يعني الكل يوافق على تصرف الشرطه والغيره والحسد سبب كثرت الكوازاكي وكل واحد اشترى عليه تحمل الخسارة ويا ريت نبطل التقليد والغيره في كل شي وكل واحد يفكر قبل ان يفعل مثل جاره!!!!!!!!