العام الجديد – عقاب ابو شاهين

 

طل العـام  بأحـلامــو     ————-    ورحل عـام  بآلامو

والنـاس عا وعد السعد    ————     عاشوا ومع حلمُن ناموا

ونـشالله بعام الـجديد     ————-    نرجع نحلم من جديـد

بصحه وحب وعمر يزيد         ————-    لنعيش أحلى أيامو

————

يا سِني لِ علينا جايي   ———-    وبنفسِك ألف غايي

حاملي ألغاز وأسرار  ———-   شو اللي علينا مخبايي؟

ما بدي أعرف شو صار  ———   وْلْا حتى الأشيا الجايي

وتا احلم ومن حالي غار   ———   بْعبِّـك خـبّي الحكــايي

 

لا تبحث عن السعادة عند الآخرين، إنها أقرب بكثير، اسمح فقط للمحبة أن تُسيطر على قلبك، وتعامل بمحبة مع كل محيطك، إذا أنت السعيد.

عندما يملآ الحب قلبك، ستملأ السعادة حياتك.

تعليقات

  1. الله يسلم هالملافظ وتكون سنه خير عا كل العالم .
    الله يعطيك الصحه وهدات البال

التعليقات مغلقة.

+ -
.