انفجرت عبوة ناسفة عند الساعة 1:45 بعد منتصف الليل أمام مدخل منزل السيد محمود أسعد الولي في مجدل شمس، دون أن يتسبب ذلك بأي إصابات في الأرواح. تسبب الانفجار باضرار بالغة لبوابة المنزل الرئيسية. شدة الانفجار كانت قوية حيث سمع دويه عن بعد.
وروى شاهد عيان تزامن مروره وصديقه في المكان صدفة عند وقوع الانفجار، انه اعتقد في بادئ الامر ان سيارته كانت المستهدفة، فتوقف على بعد حوالي ال 20 مترا ليتبين له ان الانفجار وقع أمام مدخل بيت السيد محمود الولي.
وروى الجيران أنهم استيقظوا مذعورين على صوت انفجار قوي جداً هز الحارة عند الساعة 1:45 بعد منتصف الليل.
عدد كبير من الاهالي تجمع في المكان، بينما حضرت دورية شرطة وقامت بمعاينة مكان الانفجار.
الشي العبصير عنا بالهضبي زاد عن حدو وحسب رأيي الخاص لازم كل سيارة غريبة بتفوت على أيا قرية من هالقرى بتتوقف وبينسأل صاحبها شو جاي يعمل ولعند مين وكيف وليش عشان نتفادى هالامورالعبتصير هي المرة الثاني البصير هيك الاسبوع الماضي بمسعدة واسا بالمجدل الحمدلله ما صار اصابات بالارواح خلينا لقدام نتفادى هالاشياء (انفجار , قواس ..الخ) نشالله ما عاد نشوف هيك حادثات ..
الله يستر على هالخبر عالصبح الحمد لله عسلامتكن منيح يلي مضت عالخساره الماديه وانشاله هالمره ينعرف الفاعل
أولاً سلامتكم,
******
******
نرى من خلال الصور والجدران في الحالتين بأن لا أثر لشظايا في العبوات وهذا يدل على هدف الأخافه والتهديد وليس التدمير أو القتل.
نرى من خلال الخراب في الحالتين بأن العبوه تحتوي على قرابة 100-200 غرام لا أكثر من ماده تقنيه. وهذا يدل على أن أنسان ما حصل عليها من مصدر رسمي. وهذا يزيد الأحتمال من تورط أشخاص أيضاً من خارج الجولان.
من خلال الطريقه في الحالتين وهي: وضع العبوه وأنفجارها بعد دقائق يدل على أن الفاعل نفسه, وأستعمل مؤقت زمني أو تفجير لاسلكي وهذا يزيد من أحتمال أن الفاعل مع خبرات تقنيه.
نعلم بأن الفاعل يعود ألى مسرح الجريمه دائماً, ليقدر ويرى النتيجه, وفي هذه الحاله سيرى النتيجه عبر صفحات الأنترنت ولهذا نحصر المشتبهون ألى بعض الألاف وهم من زاروا هذه الصفحه اليوم.
نطلب من الشرطه تركيب هذا البازل بأسرع وقت ومحاسبة الجاني لأنه خطراً على الجميع.
غريب شو عندك معلومات دقيقه عن هالمواضيع حتى حاسبها بالغرام اذا في 100 او 200 …..ايه الله يستر فيناش نقول غير هيك
حمدالله على السلامي
الله يجيرنا من يلي جاي
طيب وبعدان مع هلشغلي وين عايشين نحنا اسا لبيوت ولسيارات بكرا بصيرو يستهدفو لناس معش في امان حرام هلبلد يصيبا هيك حراام…..
سليمي انشالله..ولاكن يستمر التحقيق…
يا الهي شو هالعمل الحمدلله على سلامتكم
الله يستر
يلا خليكون نايمين ليقتل شي حدا .. اصحو تحطو حراسه للبلد او بوابات علمداخل تبع لبلد .. ستنو بعد في وقت لتصير لمصيبي بعدين لاقو حل .. فش حدا عاملنا حساب كل واحد بيجي ياخذ حقو بايدو
الحمدلله ع. سلامة
خيي اشرف تحياتي لالك
البوابي بحطوها الجبناء
نحنا مش لازملنا بوابي لازم نجتمع ونقرر ونكحت كل الغرباء يلي اجو سكنو عنا
هن المشكلي
من لمن اجو سكنو زادت كل الامور السيئه
اعقلها وتوكل يا مواطن وبلا مرجلي مش بمحلها
لا محلها ونص بكرا منتضرر اني وانت وهو وقريبك وقريبي واسا بالاول منقدر نسيطر عالوضع بس تكبر قوة مين ابيهديش هالاحداث ساعتها مش كل اسبوع رح تسمع صوت انفجار كل ساعه لا رح ننام بالليل ولا بالنهار
سيد فرحان .. البوابة مش للجبناء .. فكر معي دقيقه لو في حارس باول لبلد بس بيسال الي جاي مين انت وشو جاي تعمل مش اكثر اذا كان غريب او قريب هي بتخلق عندو حالي انو هو بمحل مراقب وممكن ينكمش اذا عمل شي غلط وبتصغر دائرة المتهمين بحال كان في مشكله معيني .. ها غير لحراسه الي بتتجول بالبلد…
اخي فرحان
الشغله مش شغله جبناء الشغله اكبر بكثير في ارواح اطفال ومدنيين ابرياء ممكن تتأذى اذا زاد الوضع وتكررت هيك امور قبل فترا قوصو ناس بمسعدة وقبل يومين فجرو كزية واليوم بالمجدل تفجير بعد ناقص انو تصير الهضبي متل قرى المثلث وغيرو ويصير القتل والتفجير لعبة ….
لا ايمت راح تضلو ساكتين ؟؟ اني مع وضع شباب تحرس مدخل البلد الجنوبي والغربي
اكبر نعمه افش اصابات ولكن اي غرباء هو بتضلكن تحكو عنن صحاو عاد سوس الخشب منو وفي
صح سوس الخشب منو وفي بس قبل ما كان في هيك شغلات كان امان اكثر
ليكي بمسعدي يا اخت رندا قواص وقتلا عباب البيت وبعدين تفجير بالكازيي يعني لو لا سمح الله ونفجر احد الخزانات كانت راحت نص مسعدي
فكرتي ليش مين شو السبب ؟؟؟
******
******
تستغربيش المره الجاي اذا كانت عنا بالبيت لاني عم احكي عنن بس صدقي اذا ما حكينا واذا ما عملنا شي راح تزيد والله اعلم شو بصير ومين بيقتل منا
فكروا بولادكن. عالطريق بالبيت بالمدرسي
اذا صار شي لا سمح الله وصابهن شي شو راح تعملو
اكيد الندم ما بعود ينفع
اول شي حمداله عسلامه يلي ما كان في ضحايا وبعدين مع هالحاله يا مشايخ وأهل الهضبة فيقو عاد من سباتكم وبعدين معكن يمكن لآخر السنه نصير عايشين ب *** لا سمح الله دعو لاجتماع ع ع وبعدين مع هالحاله
المشايخ الافاضل
المجلس المحلي
شرطة الجولان
الجهات الامنية
بنا تركبو بوابات مع حرس بالليل في كثير اشخاص عبيفوتو عالمجدل وبيطلعو بلا محدا يسالون لوين شي كرمالو لقدام لازم يتاخذ لحدث يل صار بعين الاعتبار وعمحنل الجد
حتا لو طلب جمع حق البوابات من الاهالي مستعدين ندفع ثمن سلامة ولادنا شي معش ينسكت عنو كل انسان صاحب منصب بالبلد شريك بهيك جرايم اذا بكنش في حل سريع لكل الفوضا لعبتصير
نتمنا الرد على ارض الواقع ونشوف اهل الجولان الكل بخير وسالمين
صرنا نشوف فلم ابو الكفية تبع فيروز عالحقيقة الله يجيرنا من الاعظم—!
اني بحسب رايي كل واحد من تحت وجاي يسكون عنا بل هضبي لازم يطلبو منو يرجع عبلدو مش اوتيل عنا هون الحمدالله صار في دروز اسرائيل اكثر من سكان لهضبي عنا
اول ما صارت الاحداث بمسعدي الكل خبا راسو وقال ما دخلني وهاي اكيد زعرنه شباب متورطين ابصر شو عاملين وما حدا تحرك ، بس انو هالشغلي باينتا مكملي لازم نتحرك ، فكره البوابات ممتازي ، الكميرات لازم تغطي اغلب الشوارع
الحمدلله علسلامه
اوﻻ …..الحمدلله على السلامه ونشالله ما عاد تتكرر والله يحبب الناس ببعضها
اني بقول رأيي وبس مجرد لفت انتباه من أجل السلامه ( سلامة الموجودين قرب مكان الانفجار )
يا حضرات ….يا اخوان ….يلي متجمهرين مكان الانفجار …شو شغلتكن انتو ؟ شو بخليكن
توقفو مكان التفجير ؟ ليش ما بتبعدو مسافه آمنه على القليله 30 -40 متر عن موقع الانفجار ..ما بتحسبو حساب انو يكون في عبوه ناسفه ثاني ؟ عمنشوف تفجيرات وبس تتجمهر الناس عبيصير تفجير ثاني ….صح مش عنا وبعد ما وصلنا لهيك مواصيل الحمدلله .. بس من باب الاحتياط لازم نكون واعيين لهيك أمور ونبقى بعاد عن موقع التفجير ونترك الشرطه تنهي عملها وبعدين نحنا منجي نقدم مساعداتنا
بتامل تكون وصلت الفكره والحمدلله على السلامه ونعمه يلى ما تاذى حدا ونشالله ما بتتكرر والله يهدي البال .
الحمدلله ع سلامة اهل البيت والحاره اجمع .
هاي الاحدث يلي حصلت وما زالت تحصل . هي من اهمال مشايخ الدين . قبل قرابة شهر تم تصفية شخصين في مسعده واتخذ قرار في عين قنيه بدعوه ل اجتماع عام في مقام اليعفوري توجهت مع عدد من الاشخاص . وفجأنا ب الغاء الاجتماع لماذا لا احد يعلم حتى الان .الله يستر من الاعظم ويجب فورا عقد اجتماع عام لطرد كل غريب من المنطقه ليكن من كان . شيخ او جسماني .
يا حضره الاخ المزارع وكل المعلقين
يا ريت كل انسان بدو يعلق علموضوع يكتب اسمو لانو الشغله مش عيب ومن حق كل انسان يعبر عن رأيو كفاكم خوف ومهزله اي شو عاملين شي شغله ناقصه او شي زله
وبعدين حضره الشيخ *** **** قال عكل حال الشغله محلوله والاجتماع تاجل لعده اسباب منها عامه منها … فلذلك ****** *****
مبارح منشان قرار الجنسيه الاسرائيليه عملتو اجتماع بين يوم وليله
وشو مع الاجتماع الذي وعدت به بعد اسبوعين من تاريخ الاجتماع الماضي
ارجو النشر……..
الحمدلله على السلامة
شغلت البوابي راحت لبعد الشتويي لانو اسا معش حدا راح يقدر يفجد شي منشان الشتا بتطفي العبوه الناسفي
بحسب رايي البوابه مش حل لان المجدل لحالها الها كوم مدخل بمدخل ..وبعدين يلي بدو يحرس البوابي ممكن يتعرض للخطر ونحنا مش مستعدين نخسر حدا من شبابنا
حكيك 100% feras nej 😀
ومن رايي بلا البوابي بكون احلا 😀
حاميها حراميها
اول شي الحمدلله على السلامه
ثاني شي لو انها هشغلي امنيي بغضون ساعه الشرطه بتعرف من الفاعل
في طواطي من الشرطه وها هلي عبخلي الفلاتان والاجرام يتكاثر في المنطقه
حسب رأيي حراسه ليليه
الف لحمدلله علسلامي
الحمد لله ع السلامه ابو اسعد
ارجو التوضيح .ليس صاحب المنزل هو نفسة يعمل في كزية مسعدة او متظمن لها لقد رايتة قبل شهرين تقريبا يعمل هناك وسمعت انة ضمنها لعدة سنوات؟
أول شي سلامة الجميع وسلامة البلد
1) السلطة عبتشتغل وأنتو نايمين على إقامة شرطه مدنيه مش بس عنا ومع عرب فلسطين , وفي مجموعة من الشباب والصبيا عبتصدو للمشروع وكلنا منعرف هالشي واليوم بتشوف بكل المراكز شباب واقفين ومكتوب على صدرن أو على ضظهرن (בטחון- أمن ) يعني المشروع ماشي بتمام
وفي معلقين عبطالبو يدرون أو لايدرون بوابة وحراس والحراس بدها سلاح والسلاح بدو تنظيم يعني بدك تكون أمين للدولة تلبس للناس تعرف إنك شرطي أو حارس وبعدين كل يوم بدك تخبر مين فات عالبلد ومين طلع وشو شفت شي غريب وووو وبعدين بدك تصير منظم وتقبض وشوي شوي كل شي بصير تمام , الشغلة بدها تفكير ليش عبصير هيك معنا
حسب رايي الشخصي ومنشان ما حدا يحرس البلد ويتضرر ويصير خطر عليه
لازم يشتغل المجلس علی تركيب كاميرات مراقبه بكل شوارع القريه ..