بيان صادر عن خلوة مجدل شمس بخصوص محلات بيع المشروبات الكحولية

خلوة

بســـمِ اللهِ الرَّحْمَن الرَّحيم

    بَيَان صَادِر عَنْ خلْوَة مَجْدَل شَمْس

 

انطلاقاً مِنَ الحِفَاظِ عِلَى مُجْتَمعِنا وأَبْنَائِنَا جميعاً مِنَ الادْمَان عَلى المخُدَّرَاتِ والمُسْكِراتِ وَجَدْنَا ِلزَاماً عَلَيْنَا

 إصْدَارَ هَذا البَيَان الَّذي يَتَضَمَّن مَا يَلي :

1- تحريم بَيْع الخمُوُر والبيرة بجميعِ أَنْوَاعِها في كآفَّةِ الأَمَاكن .

2- تحريم تأجير المحلّات لبائعي الخمور والمسكرات .

3- تحريم تقديم الخمور والمُسْكرات بكافّة أنواعها في قاعات الأفراح .

4- التشديد عَلى تحريم التَّعاطي والتَّوزيع والاتجار بالمخدَّرات بكافَّة أصنافها .

 ويُفْرَض العقاب الدينيّ  والاجتماعيّ على البَائع والمؤجّر والمتَاجر والموزّع كَمَا ويُحَرَّم مشاركتهم في أفراحهم

 وأتراحهم وصلاة جنائزهم مع أهل بيتهم .

5- يُمْنَع عليهِمْ التَّواجد في المواقف العامة والمناسَبَات الاجتماعية وعدم التَّعاطي معهم في البيع والشَّراء .

6- تُعْطى مُهْلة أقصاها خمسة عشرة يوماً من تأريخه .

لكل من يريد ان يتراجع عليه التَّواجد في خلوة مجدل شمس والإعلان عن موقفِهِ .

7- بعد التَّاريخ المذكور ستنشر قوائم بأسْماء الَّذين لم يلتزموا بهذا البيان كما وستوزع قوائم بأسْمائهم في

 مركز الشَّام والخلوات والأماكن العامَّة .

8- كل الَّذين لم يسْتَجيبوا لهذا البَيَان ستُتَّخذ بحقّهم إجراءات صارمة ملائمة في حينه  لتكون رادعاً لكل

 من تسول له نفسه الخروج عَن هذا البيان , وبالنسبة لتجار المخدرات ومروّجيها ويُثْبَت عليه سيُعْمَل

بالتَّعاون مع المجتمع على طردهِمْ .

9- وعليهم كما على كل أفراد المجتمع ان يجِدوا لأنفسهم عَمَلاً شريفاً يعتاشون منه ليطعموا أَولادَهُم الرّزق

 الحــَــلال .

ما هَذَا إلَّا غيرة عَلى مجتمعنَا وحفاظ على اولادِنا وأحفادِنا من الضَّيَاع , والله ولي التوفيق .

ملاحظة : ستكون متابعة وملاحقة للأسماء التي لم تصلنا بعد .

                                                   الهيئة الدّينيَّة

               الثَّاني من آذار سنة ٢٠١٧ م                              خلوة مجدل شمس

 

تعليقات

  1. يعطيكن العافيه من زمان بدها حركي
    وعنا بعين قنيا في اسماء او بعد ما لا قوها

  2. ارجو من اهل البلد والمشايخ الافاظل والمحترمين ان يتابعو الموظوع حتا النهايه دون استهتار ويكون القرار صارم جدا على من لا يريد التعاون مع اهل البلد من مجدل شمس او غيرها وان يلاحقو كل من يريد خراب مجدل شمس الغاليه

  3. اليوم نحنا بوضع يلي كل واحد يهتم ببيتو وبحالو وبحياتو وبس ويلي فوق بحاسب كيف بنامن في … وكيف بقولو الدنيا اخر الوقت شو بعد بدكن تهدو لتهدو او تحرمو او تشيلو وتحطو … رغم انو هالشي كيف بسمو اصلاح بس شو بدكن تصلحو لتصلحو فات الاوان وتسكر الباب …. بالتوفيق

    1. اشد على ايدي المشايخ بقرارهم هذا وهناك عدة خطوات بعد يجب استأصالها حتى نحافظ على ما(تبقى) من قيم مثل ما ذكر بتدخين الاراجل وخاصة للبنات واللباس اذا صح التعبير المفضوح عدة ممارسات هوة بنا الى الهاويه وإضاعة الهويه القوميه والاجتماعيه

  4. كل الاحترام الله يخليلنا مشايخنا الافاضل وتضلكن بالف خير

  5. والناس يلي مقاطعه من قراها وساكنين في قرى الجولان ما جايبين سيرتها شو العالم عبتاكل شعير

  6. اللة يقويك يا ريت من زمان هل أمر صار لأن كل مشاكل الشباب من ورا المشروب

  7. في بلدي نمله سرقت حبه سكر وفيل سرق كيس سكر تم القبض على النمله والفيل حجمه ساعده على الاختباء هيييك بدو يصير للاسف الشديد

  8. الله يحميكون ويحمي المجتمع من المخدرات وكل الاحترام لكل انسان بساعد

  9. اولاً الله يوفقكم ويعينكم على عمل الخير لان هذا بداية الاصلاح لبيوتنا قبل المجتمع وبعدين لولادنا ومستقبلهن. ونشالله هلقرار يكون حازم ويمشي

  10. وين محلات الاراكيل من البيان للصبايا قبل الشباب ،جد عيب صرنا مضحكه ومسخره. للبيسوا والمابيسوا…افضل حل لردع هذا الظاهره المخله والمسيئه للاداب ولسمعه الجولان خاصه وللطائفه المعرفيه بالعام هو وبرائي الخاص التشديد باتخاذ العقاب الصارم والاخذ براي ذوي الحكمه والراي السديد والتعامل والتكاتف معا والسير خلف مشايخنا الاجلاء وشبابنا الواعي من اجل الارتقاء بمجتمع متحضر خال من المحرمات والمبيقات ،انا وكل شريف بجولاننا الحبيب مع تنظيف المجتمع وطرد كل من تخول له نفسه تخريب بلدنا واولادنا واخواننا ،بُوركتم وجازاكم الله خيرا وسدد الله خطاكم بكل ما فيه خير لبلدنا…

  11. ما فينا نقول ان القرار متأخر لأن المشايخ اكثر من مرة توجهوا للمحلات المذكورة منشان يتراجععوا عن بيع المسكرات لكن للأسف ما كان تجاوب ابدا. يا ريت بيكون هالمرة تتعاون ودعم من كل اطياف المجتمع لأن الخطر مداهم مجتمعنا بسرعة والنتاءج تكون كارثية. المسكرات والمخدرات وجهان لعملة واحدة…

  12. 1 _ بالنسبه لبيع الكحول : يجب الاخذ بعين الاعتبار ان هناك سياح كذلك يرتداون المنطقه، والكافيتريات التي تقدم الكحول احد مطالبهم.
    2 _ بالنسبه لموضوع لمخدرات : ظاهره متفشيه من الناحيتين، التعاطي بها والاتجار بها، وبعض المتورطين بها هم من دون سن المراهقه حتى، فما هي الية ملاحقة ومتابعة هذا الموضوع؟؟؟ لان الفشل في هذه المهمه يعتبر مفتاح عبور للمتعاطين والتجار معا، بل الفشل بتلك المهمه سوف يزيد الامر سوءا.
    3_ موضوع الغرباء “المشبوهين” : لا يقل خطوره عن المخدرات….موضوع لم ياتي احد على سيرته…لماذا دائما هناك تغييب مقصود لهذا الموضوع المقلق عن التعاطي به ؟؟؟ لماذا اشخاص مشبوهين في مجتماعتهم اختاروا مجدل شمس بالذات ؟؟؟ من يؤجرهم شقق ويستضيفهم وباي حق ؟؟؟ ان كان هناك غريب ينوي السكن في البلد، فما هي الاسس والاعتبارات التي يجب ان تؤخذ بالحسبان لاستقبال اي شخص او عائله قادمه للاقامه الدائمه للجولان ؟؟؟ اسئله تستحق التفكير. نرجو ادراج هذا الموضوع على لائحة الامور المقلقه التي تحصل بالمنطقه ولا ارى انه يقل اهمية عن باقي المواضيع.

  13. احسن قرار من مشايخنا انشالله الكل يلتزم ما عاد بدها الفوضى يلي وصلنالها كفيله بتدمير البلد الله يوفقكن

  14. الله يقويكن ويديم غيرتكن على مصلحة المجتمع والمصلحه العامه
    رغم وجود امور اهم واخطر من موضوع المشروب والمخدرات بس نشالله بتكون هالخطوه فاتحة خير
    والخطوه الاولى في درب الاصلاح

  15. اسا كل مشاكل البلد هي اكبر مشكله طلعت معكون المشروب والمحلات نسيتو قصص لاراضي والنصب وسرقة ناس

  16. مع احترامي لعاداتنا وتقاليدنا بس بعتقد كمان انو متل مانت كرجل دين ما حدا عبيفرض عليك تتصرف متل جهال انت تفرضش لاشياء يلي بتشوفا صح عغيرك اني كحدا غير متدين يعني اني مش قادر ولا بدي التزم بقوانين دينيه لهيك محترمي زي دين ومش لابستو وعبعمل يلي بلاقيه صح وانت لتزم بلي بتلاقيه مناسب واترك الخلق للخالق ما حدا الو مع ثاني شي دنيا كلا تطورت وناس هيك بدا تنبسط لما يجي لحساب مش رح تحاسبو عنا ..

    1. كلامك بمثابة سكين حاقد لكنه على نار هادئه…. لم نلتمس من منشور كهذا اي شيء مما تدعينه من تسلط ومحاسبه لا بل بالعكس دعوه حثيثه للرجوع الى الحق وعدم التمادي على الباطل…نابع من غيره ومحبه وحسن ظن بالعصاة قبل الطائعين..
      مجدل شمس كانت وما زالت ركيزه دينيه واجتماعيه ومرجعيه تراثيه واخلاقيه لكن وللاسف في السنين الاخيره حدث بها ما نوه به الامام علي بن ابي طالب ر بقوله…عندما سكت اهل الحق عن الحق ظن اهل الباطل انهم على حق… فالحفاظ على كرامة هذه الطائفه فقط بهذا الاسلوب وليس من شيء اخطر من مثل هذه الظواهر…فكل الاحترام لمشائخنا الافاضل وآجركم الله تعالى ومن بهديه على كل من ضل السبيل …وعسى ان يمن علينا بان نحذو حذوكم…

  17. الشكر والتقدير لمشايخنا الافاضل على غيرتهم لما في مصلحة بلدنا والحفاظ على ثوابتنا الدينيّة والاجتماعية وصيانة أولادنا من آفة المسكرات والمخدرات .
    الكل يسأل والجميع يترقب هل فعلا سيتم تطبيق العدل والمساواة في التعامل مع المسألة لتطبيق وتنفيذ ما ورد في البيان أم كما تعودنا على الكيل بالمكيالين . هل سيتم محاسبة الجميع بدون تفرقة بين خيار وفقوس ؟أم سيعلق ميزان العدل فوق كل الرؤوس ؟ الأكثرية مع القرار ولكن هذه المرة بتحفظ ! التحفظ ليس من دافع الشكك أو قلة الثقة , إنما من تكرار التجربة
    وهذا امتحان ! وعند الامتحان يكرم المرء أو يدان .

  18. كل الاحترام ونشالله انها خطوة للتخلص من الانحطاط اللي بنظر الشباب مفكرينو تطور وتقدم

  19. يا مشايخ مجبتوش سيرة محلات اللوتو والقمار كمان الي بالبلد ولا هذي مسموحه دينيا

    1. اخي الكريم لاتنظر بمنظار من يحاول يلاقي نقاط ضعف…مبيني انو كلو متل بعضو وهيك قصد المشايخ..خلي نظرتك فيها امل بالنجاح

  20. قرار كثير منيح واجى بلوقت المناسب خصوصا بعد فتح الطريق لجديد لانو كثار من الشباب مفكرين انو ها الشارع نعمل لشباب السكراني تتمشا عليه

  21. شو الها علاقه الناس يلي مكحوتي من قورها مش ماثري عا حد وعنا كمان ناس مكحوتي وساكني برات قرى الجولان

  22. افكارك ومبادئك بتخصك انت لحالك، انك تفرضها على انسان ثاني هذه اسمها دكتاتورية، مش وظيفة الدين انو يحرم الانسان من حرية الفكر وحرية التصرف.. من الغباء انك تزت اللوم على الكحول وتحرمو. الحل هو تثقيف المجتمع مش تحريم ومنع.. المشايخ الكرام محلكون بالخلوة وبعبادة الله مش بادارة شؤون القرية معندكنش الخبرة اللازمة لتقومو بهيك وظيفي.. الوقت تغير والعالم اتقدم وللاسف من قلة وعي البلد بعدها بتاقتل بالمشاكل الغلط، صار لازم تشوفو الصورة الاكبر من الصورة هلي انتو شايفينها

    1. بالضبط هياها قلت الوعي هلي عبتحكي عنها…انك تحكي عن الحريه الشخصه وتنسا انو بتنتهي حريتك بس تبدا حريه الاخرين مثلا تجار المخدرات وبيع الكحول لشباب تحت سن القانون وانك تجهل مقام المشايخ بالمجتمع وتاثيرهن عليه وانهن قادرين يديرو شؤون البلد احلا من المثقفين والمتعلمين والجاهلين دينيا طبعا بالاحترام لمتعلمين

  23. الرجاء دعم القرار لان اولادنا جميعا في خطر والوقت ليس لصالحنا ، ان هذه المواضيع من سئ لاسوأ لذلك يجب ان نقف يد واحدة ونتكاتف من اجل مستقبل افضل لاولادنا وليس استمرارية ما يحصل من فلتان ، لان مهم يربي الاهل اصبح الدمار الاكبر هو الشارع . تحياتي

  24. شباب مجدل شمس له الحريه والذات والرأي والشخصيه ولديه القدره على اتخاذ القرارات
    نحن شباب متعلم ولا نحتاج اي هيئه او فئه لتحديد مصيرنا .. طفح الكيل فئه المشايخ من مجدل شمس تمادت قليلا لا للتدخل بالفرد من فضلكم احموا ماء وجهكم , بالاونه الأخيره نسيتم الاختلاس ووقف مجدل شمس والاعتقالات التعسفيه ومشاكل هدم البيوت والتزمت الصمت وبعد صمت طويل اصدرتم اهم.البينات والقرارات التي تتعلق بالقشور الاجتماعيه
    انا ضد المخدرات والدكتاتورية

    1. طفح الكيل منكن انتو ايا حريه فرد عبتدافع عنها ايا فرد بالضبط العبيبع ولادنا مخدرات ولا هلي عبيبيع كحول لولاد تحت سن القانون لك انت فهمان شو يعني حرية فرد بالاول ..عمال شو بدك وتعاطى مخدرات كمان بس تاثرش علحوليك تبيعهنش وشو معبتعمل محدا مانعك طول مانت مش ماثر عحدا بس لما تصير ضاهره خطيره من هالنوع متفشيه بدها ردع ومنع وقرار متل هالقرار عشان بس يصير عندك ولاد ابنك ميصرش يتعاطى ويقلك والله عادي حريه شخصيه

    2. نسيت قلك محدا عبيحددلك مصيرك تعلم وشتغل وكون حياتك كيف بدك…وها القرار بالذات بيساعد على مستقبل افضل لشبابنا لانو بيخليه يعد للمليون قبل ميفكر يتعاطى او يبيع مخدرات …وعنجد شي بيضحك ليك لوين وصلنا نحكي عن المخدرات متل شربت المي ببلدنا اخسسس شو عملتلو لولادنا يا مثقفين وين الوعيي !!????

    3. ما من مخدرات اخطر من هذه الافكار التي تدسها باذهان ابنائنا ************ *****… واذا لم تستطع الصبر على العيش مع هذه الطائفه ورجعيتها وتخلفها على حد فهمك…فانصحك بان تباشر لايجاد مجتمع غربي يتلائم مع فهمك العالي…ولا تضيع وقتك مع متخلفين..فلماذا لا تعلن خروجك من هذه الطائفه… فما العيب في ان تعتنق ديانه اخرى تسمح لك بحرية اكثر مما هو عندنا.. كل الناس خير وبركه… فهذه قريه ذات طابع ديني معين ومهم جدا التقيد بشرف واداب هذه الفئه…الا اذا لم تستطع…او انك لا تريد…فلا احد يفرض عليك شيئا ولا هي دكتاتوريه.. لا بل بغاية من الديمقراطيع والحريه فندمت حق المتدين ان يبتعد عنك اجتماعيا وانت بدورك افعل ما شئت…فلن يفرض عليك شيء باكراه او اجبار

  25. البارات والمطاعم اللتي تخدم ذوق السياح من خارج البلد لا يمكنها التنازل عن هذا الموضوع .. فاقتصاد المشايخ الاجلاء حتما يتعلق بالاموال اللتي تدخل البلد ..واللتي يقوم اصحابها بشراء الخضار والفواكه والخبز وبعض اللحوم من اشخاص مشايخ متديينين يقومون ببيعهم .. وهذا حتما ضرر اقتصادي لمشايخ اللاند كروزر الوكاله …
    2 – بيع المخدرات نحن كجيل جاهل نقف حتما وقطعا ضد هذه الضاهره وتحديدا لمن يبيع المخدرات للجيل اللذي لم ينضج عقله بعد … وهذا عمل اجرامي .. لا نسمح به ونقف امامه بدكتاتوريه وحزم مطلقين
    3- كل من يراود محلات الخمور وهذا قانون اخلاقي ابتدعه اصحاب هذه المحلات والبارات .. اذا كان عمره تحت ال 21 فلا يتم بيعه .. ولا استقباله الا بمرافقه ولي امره…
    4- 90% من المشايخ الاجلاء قبل ان يطلبو دينهم وهذا ما نحترمه كانو يشربون الخمور واسباب كثيره مثل الخدرات الغير طبيعيه والكيميائيه جعلتهم يطلبون دينهم لانهم افرطو في استخدام كل هذا .ولم يكن لديهم سوى طريق الامان العاطفي والاخلاقي هذا لانهم افتقرو الى الاخلاق .. .
    5- لايمكن التعدي على حريه الاخر فنحن دين يتقبل الاخر ويحترمه ولا يوجد اكراه في هذا الدين ..ولا تطرف انما ارشاد .. واي تصرف قبلي فهو غير لائق ولا يمت للدين بصله.. سوف يتم الرد عليه بطريقه قبليه . فنحن دين متحضر وراق قبل ان نكون مجتمع متحضر وراق . فلا تخرجو عن دينكم يا مشايخنا الاجلاء وليس بهذه الطريقه يتم معالجه الامور … هذه فتنه فقط .. وزارع الفتنه لا دين له
    6- هذه المحلات والبارات حافظت على معايير المجتمع فلا تقوم باستقبال غير الازواج والاشخاص العقلاء .. ولم تسبب مشاكل ابدا .. ولا في اي يوم من الايام ..
    واذا كانت تضر في المجتمع فاقراوا عن فوائد البيره ..
    7- يحق لكل شخص باتباع طريقه حياته الخاصه شرط ان لا يؤذي الاخرين او يمس في قدسيه الدين والمجتمع ..
    8 – اقراو في الدين وتمعنو جيدا عله ينور لكم عقلكم في ارشاد هذا المجتمع الى السراط المستقيم .في امور عقيمه عالقه .. مثل النصب والاحتيال والتعدي على ارزاق الاخرين القائمه حتى الان واللتي يعلم بها الجميع …
    9- عليكم بمناقشه هذا الامر بعمق اكثر قبل اصدار اي تفاهات لا تحترمون عليها ولا تقدرون على فعلها .. ولن يشعر احد بالامان والسلام بينكم ولا في هذا المجتمع كليا …
    10 – لن اقول لكم مذا يقول الامير السيد لانكم حتما لا تعلمون شيئا عن فلسفه وحكمه هذا الدين .. وهذا الضاه

    1. أستغرب منك أيها المعلق ( الموحترم ) كيف تناقض نفسك بنفسك فعندما تقول أنه” يحق لكل شخص أن يتبع طريقه حياته الخاصه دون أن يؤذي الأخرين أو يمس بقدسية الدين والمجتمع” وبنفس الوقت تدعي أن 90% من المشايخ كانو يشربون الخمور ومدمني مخدرات .
      فهذا التناقض في كلامك وهذا التدني والهبوط في المستوى وهذا التجرؤ الذي وصل الى درجة الوقاحة انما يعكس المستوى الذي إنحدرت له
      الله يشفيك ويرجعك الى طريق الصواب والله يكون بعون مجتمعنا كيف بدو يتحمل أشخاص متلك.
      أرجو النشر وشكرا

  26. نشالله هالقرار يمشي على الكبير والزغير مش يتعاقب الفقير وابن العيله يسدح ويمدح كيف بدو!!!
    نشالله يمشي هالقرار لانو شبابنا عم ينهار والكحول حرقت قلوب اهل وخربت بيوت بكفينا عاد

  27. للاسف الشديد ومع الاحترام الى بعض رجال الدين الا ان الهيئة الدينية فقدت سلطانها وهيبتها لاتخاذها قرارات عشوائيه غير مدروسة ومسيسة في معظم الاحيان
    في البدايه كان قرار بمنع الفرح
    قرار غير منطقي وسطحي وجميعنا يعلم بانه من اكثر الاسباب التي جعلتنا نذهب الى القاعات ( الذباح وعيلبون وطمره وغيرها ) وما ادراك ما القاعات
    ثانياً اتخاذ قرار بعدم السماح للفتاة بقيادة السياره وهناك حرم ديني وجميعنا يعلم ان هذا القرار قرار عقيم غير منطقي وعشوائي
    وقبل قرابة ستة سنوات اتخذوا قرار بمنع المشروبات الروحية وقام بعض الشباب المتدينين بتكسير بعض المحلات مما جعل المجتمع يتجاهل ومتعمداً قرارات الهيئه الدينية
    اما بالنسبة لموضوع المخدرات فهذا الموضوع غاية في الاهمية ونقف جميعاً يداً واحده لتفادي هذه الافة التي تدمر ابنائنا
    والمجتمع باكمله
    وليكون القرار مجاب لا نضع المخدرات والمشروبات الروحية في نفس الخانة
    فهناك فرق شاسع شتان ما بين هذا وذاك
    ( لنقف جميعنا وقفة رجل واحد ضد المخدرات التي تفتك بمجتمعنا )

  28. كل اﻻحترام تاتي متاخر خير من ان لا تاتي يجب المتابعه حتى تعود مجدل شمس كما كانت سابقا

  29. المشروبات الروحية موجودة منذ فجر التاريخ ولا مرة صدر هيك بيان عن هيئة روحية ، شو السبب اليوم ؟ فينا نقول عدوى التطرف **** بالمنطقة اصابتكم؟ مع العلم انا لا اشرب الكحول بس تربينا انه كل عنزة معلقة بكرعوبها وما تربينا على فتاوي رجال الدين

  30. يعطيكم العافية هذا حسب راي قرار مش محلو لانو هلي بدو يشرب بينزل على كريات شموني وبيشرب بدل واحدة 5او بيشتري كرتوني روحو حلو قضية الشفع اخذتو مصاري من ناس منن اني ما صار شي كمان قصت الهدم وقصت السرقة كثير اشياء وقصت محططات سولر قبل يومين بس قوايا على بعضنا بعدين مين في يطردنا من بيتي شي بضحك ربو ولادكن تركو غيركم

  31. مفهمتش شغلي كيف بدي قاطع صاحب محل بيبيع الكحول واني كل كوم يوم بفوت على محلو وبشتري من عندو؟
    او بدكون فوت اشتري من محلو وبس يصير في مناسبي قاطعو؟
    او قاطعو ومفتش على محلو وانزل اشتري من برات البلد؟
    واو اني مقاطع لاني بشرب؟
    ها الوضوع اذا انتو بدكون تعملو حرم ناقشو فكر في منص مجدل شمس بتشرب وبتشتري من هي المحلات الي بدكون انقاطعون كيف عبتطلبو مني او من غيري انو قاطعهون .

  32. *** علينا ان لا نختلئ وراء اصبعنا ونسير الزمن تغير والحياة الى الامام ولا يستطيع احد ان يفرض افكاره على احد فما بالك ان كانت افكار *** مر عليها الزمن. مشايخنا الكرام اخترتم طريق سيرو به الى اين تريدون ولا تفرضوا طريقكم على من اختار طريقه. ولا تحاولو استعطاف الجمهور من خلال استخدام ملف المخدرات لانه معظم شبابنا ضدالمخدرات وللاسف من حما وروج لتجار المخدرات اليوم في ضيافتكم. لم ترى اوروبا النور الا بعد فصل الكنيسه عن الدوله واليوم الدين يجب فصله عن المجتمع فمن يريد الدين فله ما اراد ومن لا يريد ان يكون الدين قائده فليكن له ما يريد. وكل يحيا كما يشاء بشرط ان لا تكون حياته على حساب حياة الاخرين. الزمن لا ينتظر احداً……

  33. ارتقوا فالقاع ازدحم حبايبنا ، التطور سبق تفكيركن من زمان

  34. كانت لدي فكرة إيجابية عن مشاييخ الموحدون، إلى حدود قراءة هذا البيان الذي يشبه إلى حد كبير بيانات داعش.
    التهديد و الوعيد لن يحل أية مشكلة

    1. لو فكرت بمنطق صحيح ومستقيم..لوجدت اسلوبهم ملؤه الوئام والهناء في الحياة..وليس طريقة داعش

  35. حمت حمت الشغلي الله على الضالم والله يقوينا على بعض بدل منحل امر صرناباكثر من امر الله يساعدنه لتنحل الامور حرب اهليي مش حرب مكافحه…..

  36. مع الاحترام لقرار المشايخ
    القرار منيح ومش منيح بنفس الوقت
    في ناس عايشي من ورا بيع جميع المشروبات وهن نفسن من اكثر الناس محترمين ومحبوبين بالبلد
    كمان مش قنينه البيرا هي يلي بتحدد نوعيه الانسان

    شو بتعملو ان في ناس فكرن متخلف ومن سيجارا بيسكرو وبيعصبو وبيعملو مشاكل

    المشكله بالعقول مش بلاشخاص

    اني شخصيا معنديش مشكله بهلامور لانو بعيد عنها
    بس فييش قاطع شخص عببيع قنينه بيرا قصدو منها يسترزق
    واكيد مش قصدو منها يخرب مجتمع
    المجتمع بيكبر وبيعمر بالفكر الايجابي والراقي

    نشالله بتعم المحبه اكثر ما يصير في حواجز بينا

  37. في كثير امور لازم يهتمو فيها لمشايخ قبل لكحول فا بطلب منون يراجعو قرارون ويزبطو شغلات ثانيه
    1 شفع عمار
    2 ناس لغربيه هلي عايشي بل بلد
    3 تجار لمخدرات
    4 سرقة الاراضي
    هو هلي طلعو معي اسا بس في بعد شغلان اهم واخطر من لكحول

  38. اول شي البلد مش ملك لحدا كل واحد خلق هون او وين مكان هو مسوؤل عن نفسو وعن حياتو يعني نحنا مش عبيد عند حدا وكل واحد بيعمل يلي براسو يعني مع احترامي للكل فكنش تحطو قرارات كيف بدكن اني مش عبدافع عن حدا بس الحياة اكبر من انو نحكي او نقوم الدنيا ونقعدا عشين قنينة بيرا او سيجارة حشيش مع احترامي للمشايخ في شي اهم من هي الشغلات واكبر هي

  39. يؤلمني ويؤلم كل منا عندما نسمع بان هنالك ليس الشباب فقط انما صبايا اصبحت تتعاطى الكحول والمخدرات كفانا انحطاط وفلسفة ، علينا ان نجد صيغة يتفق عليها المشايخ الاجلاء والشباب من اجل ما هو افضل لاولادنا ولمجتمعنا ، كفى لقد اصبحنا مثل للانحطاط الاجتماعي والفلتان والاوضاع للاسوأ. وشكرا

    1. لحظة شوي …
      وين في قانون بيقول انو الكحول والمخدرات والدخان و و و …. تخص الذكور فقط؟؟
      هذا لا يعني اني مع الشي لكن كفانا من الرجعية والعنصرية والتفكير الذكوري !

  40. بيان رجال الدين
    مجدل شمس ليست مقاطعه دينيه او دولة مستقله ومعظم رجال الدين انخرطوا في السياسه شرقا وغربا ، **********، واقول ايضا ان هناك رجال دين بطشوا على اراضي لأهل بلدهم ملك ابا عن جد وجد ولم يوقفهم احدا بل بالعس لاقوا دعما، ورجال الدين لم يساهموا في مشروع لتطوير بلدهم او تشجيع خطوة علمية او منحة جامعييه لطالب متفوق ، وحولتم المراكز الدينيه الى اسواق ، او مصادر دخل خاصه مثل ********* ولم نرى منكم اي دفاع ، ايها الساده مات على الاقل مليون سوري دون صلاة ، هكذا قدر الله لهم فعدم الصلاة ليست اداة تهديد او رعب، فالموت بيد الله ، اقول لكم ان اجيالنا الصاعده الواعده تفوقنا معرفة وعلما ووضوحا وصراحة وجرأة وصدقا ، في عصرنا لا تملى القرارات على احد وانما كل شيئ قابل للنقاش والحوار ، لا احد في العالم يؤيد تعاطي المخدرات او بيعها ولا احد يرضى بمصادرة حقوقه ، لذا اصدار بيان يخص منطقة بأكملها او قرية يجب ان يدرس جيدا وان يكون منطقيا وقابلا للتطبق والالتزام به ، وبيانكم قصة مؤلمه ليس الا.

  41. لكم دينكم ولي حريتي
    لا يجوز لأشخاص ومهما كانو أن يفرضو على مجتمع أن يقيد تصرفاته ويحدد مسيرته
    إن ما أرتكب بحق هذا المجتمع من أشخاص بوقف مجدل شمس وتبذير أموالهم دون حساب
    وما قامو بفعله من هدم مشفى تبرع ببنائه محسن ****
    ببناء مركز الشام في وسط ساحة مجدل الرئيسيه مما يوأدي بتسكير الساحة وعجقت السير وووو
    الكثير الكثير من التعدي على الممتلاكات العامة ومن العيب أن نقول كل شيء
    ومن أجل ذالك لكم دينكم ولانا حريتنا

  42. والله في كتير مواضيع اهم من المشروبات الروحيه. مع احترامي لرجال الدين بس في قضيه اهم بكتير وهي قضيه الوقف وتوزي الاراضي … بتمنى انو هاي القرارات والمحرمات تتطبق على الاشخاص الي بسببهن كل مشروع توزيع الاراضي توقف لانو ما بيصير نترك مواضيع مهمه جدا ونلاحق امور بنظري تافهه. والمطلوب من مشايخنا المحترمين ان يضربوا بايد من حديد اولاك الاشخاص الي كانوا عقبه بالاستمرار بمشروع الوقف وانزال الحرم والمقاطعه عليهم …

  43. الله يديم مشايخنا تاج راسنا امته كانت مجدل شمس هيك

  44. يا عيب الشوم عالوضع اللي وصلنالو صار شرب الكحول فخر النا واعتزاز وحريه والادب والمحافظة ذل وجهل ..واي شي بيحكو مشايخنا بتردو عليهن بجملة (في اهم من هيك ) الله يكون بعونن

  45. مع احترامي للكل بس القاطعه ابتحلش مشكلي مع انو المشروب او المخدرات على كل اشكالها نفس الضرر صحيا وماديا امنقدرش نحارب المشروب لانو قانوني والقانون صار يحللنا خلافاتنا الشخصيه الي المشايخ مش عبتقدر تحلها
    جدا اما المخدرات بيدبا حالها من مواجهتا لما الجاهل او الشيخ يقدر يواجه الحالي الي موجودي بنص بيتو ومشاركتها مع ناس كثير متلو بوعي وموضعيه وبس يقل الطلب عشيي بقل الاتجار في وبمواجهة اي شخص مروج مهما كان قريب
    المقاطعه مش حل لانو الاهل ولاقارب ولاصدقاء مالهنش ذنب بلافات الي عبتدخل بيوتنا بلا منشعر

  46. المشكله مشكله تربيه كل انسان يدير بالوا على ولادوا وعلى بيتوا ما منوصل لهيك مواصيل لكن بس الام والاب بدهن يعيشوا حياتهن ويزتوا اولادهن على الشوارع ويتكلوا على مين يربيهن بدا تتفشى المخدرات وغيرها

  47. برايي من الصعب تطبيق قرار كهذا على ارض الواقع بمهله اقصاها ١٥ يوم … برايي هذا سيؤدي الى صدام نحن بغنى عنه . لا اعتقد اننا نستطيع منع الكحول لكننا نعم نستطيع ان نفرض رقابه على بائعي الخمور والمطاعم بعدم بيعه لمن لم يبلغو ١٨ سنه . خلونا نشتغل على خلق اداه لمراقبه شو عبيصير بالبلد من كحول ومخدرات وغيرها (دخان لتحت ال ١٨) …. خلينا نفكر بامن لكل بلد متل ما في بكل مدينه שיטור קהילתי خلينا كمان نعمل نحنا هيك شي ويكون الهن الصلاحيه بانو يعاقبو اي يسكرو اي محل بيعمل شي مش مسموح او مش قانوني …. باد بدون رقابه يعني بلد سايبه … هذا الحل برايي كثير منيح اذا منعرف نشتغل عليه ونطبقو صح ….

  48. عادي تأقلمنا عالوضع كل نقطه بيحكو عنها مشايخنا الاجلاء على طول في نقد سلبي وعطول على لسانهن في نقطه اهم. ليش لانو فيكن نقطة ضعف وعقد نفسيه كثيري .برأيكن في شي اهم من الكحول من يوم مفاتت عالبلد خربت مجدل شمس صار الازعر والادمي يجي لعنا قول فاتحين كازينو. بوجهة نظركن الكحول رقي وتطور برافو اذا الرقي بكاست البيرا كنتو لقيتو القنينه بأيد دكتور بالجامعه . ليش عطول في غباء بنقدكن السلبي ولا اثبات ذاتي قدام الناس المثقفه بعمرا الثقافه مكنتش بالكحول وللا الحشيشي يلي دارجي موضتها هالايام صرنا نخاف نترك ولادنا عند حدا حتى عالمدرسه بروحو ويرجعو وايدنا على قلبنا معش في ثقه اصلن مشكلتنا مش بلكبار صفة بالصغار لان لصغير ليوم عبمشي لكبير كيف بدو .اني مع قرار المشايخ *****

  49. بعد اطلاعي على التعليقات ما لقيتش غير الفشل لانو محدا متضرر من الكحول او المخدرات غير الشباب العلماني المشايخ مش طايلها شي ،بتشرب او بتحشش او بتسكر عبتضر حالك وكل حكي المشايخ منشان المصلحه العامي ومصلحتي ومصلحتك…

  50. مرحبا للجميع .. للحقيقه اني عبتابع الموضوع من اول ما نزل علموقع وشفت وقريت المقال وكثير اراء من بعدو وتعليقات منها المعقولي ومنها المش منطقيه وغيرها من الاراء الي نكتبت تحت حريت الشخص وحريت الاشخاص من حوليه وغيرهن كثير .. شوفو يا اهلي ويا اخوتي لا اني واعض ولا لابس زي دين اني شب متلي متل شباب الهضبي كلهن بروح وبجي وبسهر وبطلع والي بدكن ياه لا عندي عقد ولا حدا كابسلي عراسي وين بروح ووين بجي ولا شي .. بس ولا مره اجا ببالي اخذ اي نوع من السموم عشان انبسط او اتباها بهل الشي قدام رافقي اي نعم اني بشرب من وقت لوقت اما يا دوب مره بلشهر او الشهرين لانو بعرف انو ها الشي سم ان كان لا عقلي وجسمي وبلاخر جيبتي مع العلم انو تقريبا كل جمعه بطلع مع اصحابي عمطاعم الي بتبيع شرب وغيرو وغيراتو بس اني من جواتي بحاول قديش ما بقدر ما نزل اي شي بعرف انو بيضرني وبيذهب عقلي وجسدي لحالات غير طبيعيه .. لانو بلشت من حالي واتخذت مبدى امشي عليه اني كا انسان عاقل بعرف ميز المنيح من المش منيح والصح من الغلط وصدقوني ها الشي جدا سهل جدا اكثر ما ببتخيلو والي بينجح باتخاذ قرارات عحالو بيحس بلقوي بيعرف ساعتها انو بكل حياتو اذا بيبنيها علمبداء الصح وبيحكم كل شي بعقلو وبقلبو مزبوط مش راح يوقع ولا مره بمشوار حياتو انما بلعكسس راح يتقدم ويتقدم اكثر واكثر وراح بيحس قديش ما هي الحياه راح بتصر منوره قدامو ومش راح يعصاه شي ولا راح يندم عشي ابدا .. نحنا اليوم وصلنا لزمن الي كل شي متوفر فيه بكل اشكالو السيئه والجيده البتقدمنا كا مجتمع او بتاخرنا وعلينا نحنا الاختيار .. فا مشان هيك نحنا كا فرد وكا مجتمع الي بدنا نتقدم ليزدهر مجتمعنا اكثر واكثر لازم نبلش بانفسنا قبل الغير لازم ننطلق ونحط اساسات متينه لكل جزء بحياتنا ليقوم مجتمعنا عاساسات وبنيه عريقه وجباره وبحياتو ما يوصل للانحطاط .. نحنا اليوم كلنا احرار باختياراتنا وبافعالنا فا ليش منسخرش هل حريه باشياء نتباها فيها قدام المجتمعات الاخرى من حولينا بدل ما نسخرها عامور راح نندم عليها مستقبليا ونقول وين كان عقلنا لما عملنا هيك وها الكلام اني بوجهو لكل شب وصبيه اب وام اخ واخت للحقيقه ولا مره شفت مجتمعات ببتباها بقديش فيها نسبت ناس خمرانين ناس مدخنين ناس عاطلين عن العمل ناس بتبيع سموم ناس وووو انما بلعكس كثير بشوف مجتمعات بتتباها بنسبت وعيي شعبها وحظارتها وتراثها وتقدمها بكل النواحي بل حياه .. نحنا بعدنا باول الطريق نحنا قرا ومجتمع صغير ايد وحدي ولحتى يتقدم مجتمعنا لازم نشتغل عانفسنا ونعرف نميز بين الصح والغلط ونشتغل حسبو والا راح نتفكك بين راي ورايك وحريتي وحريتك والايد الوحدي راح تختفي وتتلاشا للابد .. اني بحب بلادي وبحب اهل بلادي وكثير بنوجع وبنقهر بس شوف ولاد هل بلد الي هن اخوتي واخواتي تايهين من الصح ولاحقين الغلط تحت حجه حريتي وحريتك يا عمي اذا الحريه الشخصيه انك تذهبو عقلكن لتنبسطو وتغلطو تحت هل حجه اي لا هاي بطلت حريه هاي صارت مش بس دكتاتوريه بل اظطهاد كمان بحق نفسكن لانكن انتو حطيتو هل امور قبالكن لتعبدوها ولتحكمكن بكل ما تعنيه الدكتاتوريه من معنا .. بتمنى تكون رسالتي وصلت للجميع لا اهلي واخوتي من كل البلاد لنقوم بببناء مجتمع متين وقوي نقهر فيه كل الصعاب .. تحياتي

  51. الى شبابنا المحترمين في مجل شمس اطلب منكم تقبل هذا القرار برحابه صدر لانه المفتاح الامثل والافضل لمستقبل اولادنا ولكل القرى المجاوره لاننا كنا ومازلنا يدا واحده الشباب والمشايخ يد بيد ولا فرق بيننا ولا نستطيع التخلي عن بعضنا في هذا الوقت الصعب وللاسف من يعتقد انه وقت التحضر انظرا الى الانحلال الذي وصل اليه اولادنا الشرب و المخدرات ولاباحه اسمعوا مذا يقولوا عنا اليهود انتم سبقتونا بلتقدم ونحنا مشمستعدين نربي اولادنا مثلكم اليوم والله ولي التوفيق

  52. اهلي مجدل شمس المشكله ليست عندكم فقط بل في بلدنا ايضا انا رجل متصل في الدين ولا يحق لي الكلام لانني مقصر جدا الامور لا تحل بالعصبيه والعنهجيه وفرض قرارات على الكبير والصغير رجل دين او شخص غير متصل بالدين الحلول تاتي بالحوار والتفاهم والجدل بالحديث لكي نفهم بعضنا ورد في ديننا الكثير من الامور التي حرمها الباري تعالى ولماذا حرمت ووردت على لسان مشايخ افاضل واسياد لا يجوز ان تاخذ بقرار بدون توعيه وتعريف لماذا اخذ بمنع الخمور وما شابه فلذلك يلزم رجال الدين اينما وجدوا وليس في مجدل شمس فقط لذلك يلزم شرح هذه الخصوصيه لكي تعرف الشباب والرجال لماذا حرمت وما هي عاقبتها والى اي وادي سوف توصلنا وما هوا عيقابها عند رب العالمين الامور لا تاتي بالفرض والتصلط بل بالحوار والتفاهم والمعرفه فهنالك بعض من مجتمعنا له قله من المعرفه في الدين لذلك يجب شرح الامور للشباب المحترمين انذروا ماذا جرى في قوم لوط عندما فسقوا نحن نطلب من الله عز وجل ان يهدينا واياكم على الطريق الصحيح والسليم لن ولكم وشكرا

    1. نعتز ونفتخر بكل من ياخذ هذه المواضيع على محمل الجد ومتابعتها ، مع احترامنا لكل المعلقين قد يكون لكل منا وجهة نظر تختلف عن الاخر ولكن بالتالي جميعنا نتفق بان لا يتعدى مجتمعنا الخطوط الحمراء والله ولي التوفيق. وللجميع مودتي

  53. تحيه لجميع الفئات لماذا عندما نرى فتاة تشرب الخمر او تسوق المزكبه يقام اجتماع ويصدر قرارات
    لماذا عندما نرى عاءلات محتاجه , او عندما نرى اطفال محتاجه , او طلبة محتاجين , لماذا لا يعقد اجتماع ؟

  54. حسب رايي كان لازم من خلوة مجدل شمس تنفيذ قرارات انعملت من قبل بدل انشاء قرارات جديدة

    ِشو مع رخص العمار ولجنة الوقف ؟

    شو مع قرار اعادة تعمير البيت الذي انهدم؟ وانشاء لجنة مراقبة لمنع وقوع الحادثة مره اخرى؟..؟

    قوموا بتنفيذ هذه القرارات وكل شباب مجدل شمس سيركع لكم

  55. الله يعزكن هاذا القرار هو الصواب . والى الامام

  56. اناشد كل الشباب الذي يدعي العلمانية والمثقف جميعنا نعلم مدى خطورة ما هو القصد ، لذلك الرجاء الدعم لان هنالك امور البعض في مجتمعنا قطعوا بها الخطوط الحمراء وهذا ليس لمصلحة احد في قرانا الجولانية . نعم قد يكون خلافات في وجهات النظر ولكن الموضوع بغاية الخطورة وعلينا ايجاد الحلول المناسبة من اجلنا واجل شبابنا وبناتنا جميعا ونتمنى التوفيق وطول العمر للمشايخ والشباب على حد سواء على هذه الخطوة الذي جائت متاخرة ولكن افضل من ان لا تأتي لان الوضع بطريقه الى الاسوأ . مع مودتي للجميع

  57. شو مع أصحاب الجنسيات يالي كرمال الطلب عليها عب يزداد بسبب تخاذل مجتمعنا والتساهل معهم

  58. مساء الخير

    قرأت البيان وقرأت التعليقات…حسب رأيي ما في طح عملي ومفيد

    نحن نريد (أن نأمل عنب لا أن نقتل الناطور)
    1_راي المشايخ اكيد صدر من رغبة اكيدة لمصلحة مجتمعنا وشبابنا___لكن في العصر وهذه الأيام لغة التهديد لا تفيد بل أحيانا تعطي نتائج عكسية
    2_ الأهل ليسو جميعا لديهم القدرة لى فرض ارائهم على ابنائهم فلماذا يعاقبون؟

    بإختصار لدي وجهة نظر اتمنى أن تلقى استحسانكم وتجربوها

    حضرات المشايخ الأجلاء
    أيي المتواضع هو:

    ان تختاروا يوما أو اكثر وكما تفعلون عندما يكون هناك زيارات دينية(ينادي المنادي في باصات بالساحة الساعة كذا لمن يرغب بالمشاركة

    لذلك أولا: اطلبوا خبيرا نفسيا___مرشدا اجتماعيا___ومرشدا دينيا يكون على اطلاع تربوي وواعي ..
    اتفقوا معهم وعينوزا يوما واعلنوا عنه بالمواقع وبصوت المنادي

    يوم كذا يوجد محاضرة عن ضرر المشرروبات الروحية والحشيش بكافة انواعها في (مقر كذا)او في المزار انتم تقرروا اين

    ونطلب من شبابنا وابناءنا واهلنا وكل من يهمه الأمر لبحث الموضوع والقاء الضوء على مساويء المشروبات___صحيا___ماديا___نفسيا
    المحاضرة::بادارة د. فلان___المرشد الروحي علان___الخ الخ
    نرجو الحضور فصحتكم تهمنا وهذا لمصلحتكم ومصلحة المجتمع ككل

    نحن لا نفرض عليكم من منظلق السيطرة او القمع فقط من منطلق محبتنا لكم فأنتم ابناؤنا

    وفعلا حسب رأيي المتواضع عندما يشع الشباب بأنهم محبوبون وليسوا (نكرة) سيأتون

    ومرَّة بعد مرَّة تؤتي ثمارها هذذه التوجيهات والنصائح..
    وهذا سيعيد التواصلبين الفئة المتدينة والشباب الذي لا يعرف بالدين شيئا

    يجب جسر الهوَّة بين الخلوات والشباب الذي لا يعرف شيئا

    اهم شي انو الشباب الذي يرتاد اماكن الشرب انو الهدف مصلحتهم اولا وليس فرض قرارات عليهم من جهة لا يتواصلون معها

    لن ازيد ..اعتقد انَّ الفكرة وصلت

    اتمنى أن تؤخذ بعين الاعتبار
    حمى الله منطقتنا من الضياع والفلتان…
    والله من وراء القصد

    باحترام::رأي مخلص ومحايد

    1. من اروع ما قرأت مع احترامي لكل الذين كتبوا تعليقات على هذا الموضوع ، كلامك اخي جدا منطقي كل الاحترام ويا ريت الكل بيفكر بهذه الطريقة شكرا

  59. بعد التحية..في ناس فاهمة الحرية غلط ..وفي ناس فاهمةالغلط , حرية.
    ودمتم

  60. ملحق للبيان اعلاه

    10- كل من لا يتوفر لهم القدره ان يجِدوا لأنفسهم عَمَلاً شريفاً يعتاشون منه ليطعموا أَولادَهُم الرّزق الحــَــلال , ستتكفل خلوة مجدل شمس ان توفر لهم عملاً او مساعدات ماليه/عينيه حسب الحاجة , والامثلة كثيره منها 1- تأمين وظائف للنساء العاملات , 2- تأمين مواصلات للفتيات المتعلمات خارج البلدة , 3- منح تعليمية لطلاب التعليم العالي من العائلات ذوي الدخل المنخفض , مراكز ترفيهيه للجيل المراهق بالاضافة للارشاد والتوجيه , 4- ندوات توجيهيه بكافة المجالات ومنها تداخل الدين مع الحياة المعاصره , والقائمه تطول ……….
    وعقولت المثل يد واحده لا تصفق منشان هيك لازم كلنا نكون ايد وحده

  61. أعطي الحرية يا أخي!! أبواب الخلوات مفتوحة لأهل الدين، صحيح هناك سلبيات قائمة في مجمعاتنا لكن هذا تيار جارف حضاري ينتشر في كل مكان واعتقد يجب إيجاد الحلول الصحيحة للتوعية والابتعاد عن التعصب والغضب،التوعية تكون بالمحاضرات الثقافية التربوية العلمية الفاعلة الداعمة القادرة على توصيل الرسالة السلوكية الصحيحة لشبابنا وشاباتنا دون هذه المنطحات الخارجة عن منطق العقل والحكمة، وهنا أقول: أن مثل هذه القضايا يجب ان تكون بتوافق بين أهل العلم واهل العرفان!! أي بين الشق الديني والشق الاجتماعي ولا أحد يستطيع المزايدة على الاخر فالشق الاجتماعي لا يقل عن الشق الديني ويجب رص الصفوف لمواكبة تحديات العصر وركوب تيار التقدم والنهوض ضمن مبدأ الواقعية الأخلاقية

  62. بدون تشدد او تعصب
    ننظر بعقل..الخمر وغيرو بيغيييب العقل وبيطفي العقل ونحنا بدنا نتطور ونتقدم…
    اللي عبيتعلق بالمنكرات والفواحش..عبيترك طموحاتو وعبيعيش حياة مخربطة وقلة استقرار..
    الطريق الصحيح والمشي صح وبدون ما يغرق الانسان بالرذيلة والخربطة ويخربط جسمو وعقلو..
    كلو هالعمر كوم سنة ..خلينا نستغلو لبناء حياة جيدة وبصراحة اخرة جيدة…اني شب متل كل شباب الهضبة..بس طول عمرنا فخرنا بقيمنا وهي سبب نجاح مجتمعنا بكل شي

التعليقات مغلقة.

+ -
.