انتشرت على شبكة التواصل الاجتماعي (الفيسبوك) خلال اليومين الأخيرين حملة ضد الازعاج الذي تسببه “التراكتورونات” في قرانا، والتي باتت بحق المصدر الأول للإزعاج والخطورة على سلامة المواطنين والسائقين على حد سواء.
وتأتي الحملة على شكل بوستر يظهر فيه سائق “تراكتورون” يقوم بتسييره على عجلتيه الخلفيتين، وهي إحدى الحركات التي يقوم بها سائقو “التراكتورونات”، وقد كتبت بجانبه عبارة “فيك تحشك بالشوارع، بس لازم تعرف: انت مزعج!!”.
لم يعرف من هم القائمون على هذه الحملة، ولكنه من الواضح أن الإزعاج من ممارسات سائقي “التراكتورونات” قد وصل إلى مستويات باتت تتطلب بحق إيجاد حل لها.
ويقول أحد معلمي سياقة السيارات، أن القانون يمنع أصلاً قيادة “التراكتورون” في المناطق المدنية، وإذا ما عدنا إلى تعريف “التراكتورون” لدى وزارة المواصلات، فإنه “مركبة يسمح باستخدامها على الطرق الترابية وفي القرى الزراعية والتعاونية”. وهنا يستغرب الشخص المذكور من عدم ملاحقة الشرطة لسائقي “التراكتورونات” الذين يتجولون بكل راحة وحرية داخل القرى، ويقومون بحركات خطيرة تهدد سلامة المارة والأملاك العامة، بل وسلامتهم الشخصية أيضاً.
وبالعودة إلى حملة شبكة التواصل الاجتماعي، فإن “البوستات” التي وردت على “البوستر” المذكور، تبين مدى التذمر من قبل الأهالي على هذه الظاهرة، ومن قبل جميع فئات المجتمع ومختلف أعمارهم. ومن هذه البوستات نختار هذه المجموعة:
“مش بس مزعج كمان مرعب للاطفال عنجد لازم يعرفوا حالن”
“.. حس بغيرك بحياتك !”
“قمة الإزعاج”
“كثير مزعج مش بس شوي!”
أحد الأهالي كتب هلى صفحته:
“بفهم انو شب باول عمره بدو يسوق تراكتورون.. بس الي مش قادر افهموا ليش اول شغلة انو بيعملها بيركب للتراكتورون مرعيش!!!؟؟؟”، وذلك في إشارة إلى الجهاز الذي يضيفه سائقو “التراكتورونات” إلى العادم، والذي يزيد بأضعاف مضاعفة ضجة “التراكتورون”، إلى درجة أنه يمكن سماعها من بعد مئات الأمتار. ولا يراعي هؤلاء الوقت، فيتجولون بتراكتوروناتهم مساء وليلاً دون أن يعملون أي حساب لراحة الأهالي أو حتى أوقات نومهم.
أب آخر كتب معلقاً على الموضوع، قائلاً:
“الشي الي مش قادر افهمو ليش الاهل بيشترو لابنن تركتورون.. اول شي حقو اكثر من 20 الف شيكل… وفي ناس بتشتري من تبع الخميسن والمية الف.. وكثار منن وضعون المادي ما بيسمح بهيك شي.. ثاني شي حدا بيجيب شغلة البال لحالو؟؟؟ التركتورون شغلة خطيرة وشفنا حوادث شو عملت بالناس”.
مما لا شك فيه أن ظاهرة “التراتكتورونات” باتت تشكل أزمة، وأصبح الأمر يتطلب منا البحث عن مخرج لهذه الأزمة، من خلال الاتفاق على ضوابط وسلوك يجب على سائقي “التراكتورونات” الالتزام بها. فلا مانع أن يقتني أحدهم “تراكتورون”، لكن شرط أن يقوده بطريقة آمنة وسليمة، وأن يكون ذلك في أوقات وأماكن لا تسبب الإزعاج للآخرين، ولا تشكل أي خطورة عليهم.
مش ملاقيين شي تحكو فيه وتكتبو عنو مجتمع عايش عالانتقادات خلص يصطفلو متل ما كل هلبشر عاشت حياتا هالجيل بدو يعيش حياتو…. كل اهل يوعو ولادن ويعلموهن “الادب والاحترام” بالاول يرجعو يناقرو عالاشياء السخيفي
لا نحنا من حب البوزا وشوفه الحال ،نحنا هيك مرتاحين وغيرنا عمرو مرتاح ،هيك نحنا الشعب منفكر ،نحنا اكثر شعب متخلف ،منعمل اللي براسنا وغيرنا مش مهم بياكل هوا وبيسكت ،ولا واحد بيحط الحق غابنو ،خساره نكون ونوصل لهيك .
اذا لم تستح فافعل ما شئت ،انعدام الضوابط الاخلاقيه لمراهق تجعله يظن بانه ملك العالم عندما يقوم بازعاج قذر وخصوصا المرعيش او مراهق يعاني من مرض نفسي قاهر يقوم بالازعاج بصوره اقذر عن طريق التجول بالطقطوقه التي يملكها ليتحف العالم باغاني من عهد سقراط الحكيم .
بدي قول شغلي معكون حق بس في منطق مين انت لتجي تتحكم في وتقلي امشي عطريق او لا نحنا قرا زراعيه وبحقلي امشي عطريق وبحقلي ركب مرعيش والقانون بقول اذا مركبلو مرعيش معك تطلع لحد ساعه 11 والافنوعيم نفس شي ليش بتتذايقوش من الناس يلي عبتحشك وبتقوي الصوت وبتضل لاي ساعه واغلبهن من من البلد من بقعاثا او مسعدي وبشكلو خطر عل ولاد
وبعدين معكن لواحد بيجي مفلس من شغلو ليرتاح بتقومو انتو وبتزيدو لتعب عليي فهام شغلي لبلد لا لامك ولا لبيك لتعمل يلي بدك هو واذا بدك تقلي لا لامي ولا لبيي كمان عريف انو كل لبلد قرفت من اشكالك
تعوا نسال نفسني ليش هالظاهره مش موجوده غير بالقرى العربيه نفس شي ظاهره التحشيك والسياره فيها صوت موسيقى قوي
ليش عني الولد بسن 16 او 18 وحتى بصير عمرو 23 سنه ما بيتحاكيش وما بهيموش غير راحة نفسو
فقدني ادبيات التصرف
اني بيتي حد الطريق الرئيسي والشبيب بحشكو للسيعا 2 و 3 بليل منشين يبينو قديش هني متفضين
كل واحد بيعمل هلي بريحو مش مختلفين عليها بس لمن انت عبتزعج غيرك فا بتبطل فيك تعمل شو بدك لظاهره تبع لتركتورونات صارت مزعجي ولكثير ناس ولازم حل لهل شي لمقرف وثاني شغلي هلي عبيحسكو بل بلد لاشغلي ولا عملي بس تحشيك وتعالية لصوت لازم نوقف لازعاج لانو اني بحكي عن حالي كثير متذايق من شي ولازم يكون في حل باسرع وقت
يا جماعه ليش دايما بنلوم لاهل او لشب وابنلمش رايس هلبلد اني ابني مولع بلتراكترون كثير بنوعي انو مش لمصلحتك وازعاج بقلي هاذ بدمي واهم شي بحياتي شو برايكن لحل بنتصرف كاعداء بلبيت ولا لازم ينعمل شي محل ليفضو طاقتهن فيها بلا ما يزعجوا حدی
مين قال انو مشكلتنا مع التركتورونات ؟؟ علقليلي هو ولاد بلدنا منا وفينا
في شي اهم بلفتره الاخيري مجدل شمس وللاسف صارت عباره عن ملجئ لكل غريب ومكحوت وحرامي …
الفوضى تعم البلد بشكل غريب وكل يوم منسمع انو المخدرات عبتنتشر اكثر واكثر بلبلد ولارجل الغريبي يلي عبتزيد يوم ورا يوم وعبتفوت علبلد ولسيارات يلي عبتجي تحشك بلبلد ولا حدا بيسال ولا حدا بيعرف مين هن ولا حسيب ولا رقيب ،
ناس عبتأجر بيوتها لناس منعرفش قرعة بيها منين حدا سأل ليش قررو يجو يسكنو بلمجدل خص نص ؟؟ ولا المصاري بتعمي عيون الناس ومحدا سأل عن حدا باختصار طاسي ضايعه ..
واخيرا حست الناس بهالازعاج الي مشتري تركترون لابنو مفكر حالو بس هو الي معو مصاري واغلبية الي مشتريين قروضة بنك وغيرو اما كل مصاري الدنيا بتردش الدعاوي الي عم تنزل على ولادن متل زخ المطر بس انك تكون نايم ويمرق هالتركترون وخاصه الي مع مرعيش وهني معروفين يعني منشان هيك خلص يستحو على حالن
اين الشرطة والمجلس المحلي….لماذا لا تتوجه المشايخ إلى الشرطه أو عند ولادهم تركتورونات. ..كفى تخاذل .
هذا لموضوع حكنا بلمجلس المحلي وراح يكون في نهايه للازعاج.. ولناس لغريبه يلي بيجو بيحشكو من صبح لعشيي ونحنا كثار عمنشتغل بلموضوع بمساعدة رئيس المجلس
بس ازعاج
ايا ازعاج.ها نشيد وطني عنا بالهضبي
وعنا بالجليل مش بس نشيد وطني وكمان اوبرا
هذا نشيد الجولان كيف بدك توقفو هههيييووو
التوجه الى اهاليهون او شغله
وبعدين اعذر من انظر
والله ما عمنام
والله او شي هلي معاجبو معاجبو وهلي مش معاجبو ما يعجبو كل الدنيا عنا مصدر ازعاج 1 التركتور وقت الزراعه وقت التفاح مزعج 2الحدادين بنص البلد مزعجين3 الناس هلي بودو لولاد على المدرسي مزعج 4 التحشيك بلبلد وعلى المطاعم والشرب والسهر كمان مزعج 5 وقت ميكون في لعبي على الملعب ومسكرين البلد السيارات هلي عبتحضر لعبي مزعج وال…….. ما بخلص ليوم حكي كل واحد يهتم بحالو وبس وشكرا
التراكتورنات شي غلط من الاساس بس عبتنشرى على اساس انت مش احسن مني, والبي بدوش يزعل ابنو. بس كل شي غلط صح عنا.
هلي مش عبنام ياخذ منوم ههههه
بناش ناخذ حب منوم بنا نيمك بالمستشفى اخر شي لانو الصبر الو حدود
مناش ناخوذ منوم بقا انت نام بكير وتبقاش تزعج لناس
ستنوا شوي بدي جيب trx-450 عن قريب…..
جيب بلكي تنحيتك بتجيب اخرتك
يا جماعه اني فييش غير ماسمع النشيد كل يوم وعن قريب بدي جيب trx
اني راي من راي رامي بس تجي سيارة زبالي وتصرعنا وين بتكونوا لافضل كل واحد يهتم بحالو مش ملاقيين شي تحكوا في بهلبلد بطلعوا عاتفه لامور وكل واحد متفضي لثاني عنجد هلي مش عبيقدر ينام ياخذ منوم
يا جماعه مجتمعنا بخطر ورايح للأسوأ من فوضى فى الشوارع في المدارس فى الخلوى بين رجال الدين والابشع والاخطر انتشار المخدرات بين الشباب والصبايا فى القرى اضف الى ذلك الحرية اللامحدودة لتصرفات نسبة كبيرة من البنات والنساءمن لباس فاضح ومخل لمجتمعنا المحافظ وطلعات مشبوه لهن يعني اصبحت البنت تزور الشب وتطلع معه الى حيث يريدبعلم من أهلهما دون سؤال او رقيب يعني هذا قمة قلة الادب والاخلاق الخ …الحل تشكيل لجان في كل قرية حتى ننقذ البقية من اخلاقنا وعاداتناوناسناالغيورين وشكرا لكم
صاحب الازعاج عم بيدور بالبلد لهدف معين هوي :
1.ليبصبص بعيونوا على من بالشارع .
2. ليفرجي من في الشارع انو انا גיבר.
طيب مين هني الناس يلي عمبيبصبص عليهن في الشارع؟؟؟!
1.البنات *****
2. البنات يلي ****
(((الحل هوي )))):
يروحوا البنات ينضيوا على بيوتهن****** لحتا مع يجي المزعج ويزعج البلد.
فكش تمنع بنت تطلع من بيتا وثاني شي مخصناش فيها اذا بدا تطلع الشغلي كلها متعلقا بالذوق والاخلاق الناس هلي عبتجي تزعج عنا لا ذوق ولا اخلاق ولا تربيه
بعدين فيناش نمنع البنات تروح عمدارسها. لانو مليان شباب بيحبو يحشكو لصبايا المدرسة بالتراكترونات عحلة الولاد من المدارس. هالشي كثير مزعج وليش كل خطر عالولاد الزغار والكبار كمان. بطل يسترجي الواحد يخلي أبنو يروح عالمدرسة مشي لحالو … فهذا مش حل انك تمنع البنات تمشي عالطريق وتقعد ببيوتها منشان الشباب الزعران ينقبرو ينضبو ويستحو عدمن. ومنشان الشخص يلي حكى عن سيارة الزبالة انها مزعجة. بحب قلك سيارة الزبالة كثير ضرورية وفيناش نستغني عنها وكلها دقيقتين بتمرق بتشتغل شغلتها وبتفل. بينماالتراكتورون مزعج وخطير وفش الو لزوم غير اذا حدا احتاجو بالأراضي وبس.
الحق الأول على أهل هؤلاء. يجب أن يعلموا بأنهم **** قبل أولادهم. يجب محاسبتهم اجتماعيا وقانونيا كي يعرفوا أن الله حق.بغياب القانون الادبي والاجتماعي والقانوني تصبح هنالك تربه خصبه للتافهين والمنحطين.الشكر للذين يقومون بهذه الحمله .
يا جماعه طولوا بالكن كلنا ولاد بلد وحدي اني مش ضد هشي وبنفس لوقت مش مع هلشي اما بدل مطلعوا عاصغر لامور في امور اهم بلبلد لازم ينحكا عنها يعني هلي عبيعمل هلازعاج مش شرط يكون من لمجدل لان كل يوم اجر غريبه عمنشوف بلبلد وهلي عبيجوا يستاجروا عنا ومش معروف قرعة بيهن من وين لمهم ناس عنا تاجر وهلي عبيلحقوا ولاد صغارويقلولهن طلعوا معنا دلونا عبيت فلان او عبيت للاجار يعني ها شغلات مهمي بلبلد وهلي عبيجوا يحشكوا متل قرف **** يعني ليش ها شي بتسكتوا عنو وعدا عن لمخدرات ها صايره بلفتره لاخيره وكثير شغلات مع احترامي للكل هلي بدو بحكي يحكي بشي مهم لانو صاير شي لا يطاق
تفكروش انكن ممكن تمنعو التركتورنات كلو فزلكي وحكي فاضي ورجال نيمو بس تشوفو الاشياء الأكبر من سعتا حكو •
مرحبا اول شي وبدي قول كلمه وحده بس لصحابين التراكتورونات وعبيقولو بيحشكو ايمتا بدهون ووين بدهون بحب قلكون في حدا علمهون درس مرتب بيليق فيهون والحاره مرتاحه من ضجتهون وبطلو يعيدوها
هيك ظاهره بدها هيك تعامل لانو بيفهموش غير بالعين الحمرا وشكراا..
لو سمحتو فيكنش تجو بهي طريقه توعو لناس(انت مزعج) لحابب يغير هاذا لوضع لازم تتشكل لجني لتحل كل مشاكل لبلد مشكلي ورا مشكلي بعدين بتحلو مشكلت لتركترونات صح انو في مشاكل اكبر من هيك بس اذا كل واحد بيقول انو في مشاكل اكبر وبيحركش حالو ليحلى فش مش راح نقدر نحل شي
دخل عينو التركتيرون حد مطور قص الحطب اخ يراسي مش عارف يخلصهون للحطبات اخخخخ يراسي