للأسبوع الثاني على التوالي يتكرر سيناريو الشغب وإيقاف اللعب في تصفيات دوري كرة القدم، حيث أوقف الحكم اليوم مباراة الحرية والوحدة، بعد التوتر والخوف من حدوث أعمال شغب، بينما انتهت المباراة الثانية بين الطليعة وتشرين بفوز الطليعة بستة أهداف نظيفة.
الحكم يوقف مباراة الحرية والوحدة قبل ربع ساعة من انتهائها
في المباراة التي أقيمت عصر اليوم على ملعب مجدل شمس، أوقف الحكم، أدهم الصباغ، المباراة بينما كان فريق الحرية متقدماً بهدف للاشيء، وذلك قبل ربع ساعة على موعد انتهائها.
المباراة كانت جميلة وقوية من الجانبين في الشوط الأول الذي انتهى بالتعادل السلبي دون أهداف، وشهد منح الحكم بطاقتين صفراوين لوئام الولي من الوحدة وكنان سمارة من الحرية.
مع بداية لشوط الثاني، وبعد دقيقتين من بدئه، سجل الحرية هدفاً رائعاً بقدم لاعبه باسل القضماني، انقلبت بعده أجواء المباراة وبدأ التوتر بين اللاعبين، ليمنح الحكم في الدقيقه 59 بطاقة صفراء للاعب الوحدة جلاء مسعود.
حاول فريق الوحدة معادلة النتيجة، ولكن الأجواء زادت توتراً، فمنح الحكم في الدقيقة 69 بطاقتين حمراوين لكل من نادر البطحيش من الوحدة وسيف أبو جبل من الحرية، وهنا حدث توتر شديد وتوقفت المباراة لمدة 10 دقائق.
استؤنفت المباراة بعد محاولات تهدئة، لكن اللعب لم يستمر اكثر من 6 دقائق، ليعود التوتر بين اللاعبين من جديد ويصل إلى مستوى جعل الحكم معه يقرر وقف المباراة فوراً، خوفاً من خروجها عن السيطرة.
الطليعة يفوز على تشرين 6-0
في المباراة الثانيةالتي أقيمت على ملعب عين قنية، فاز فريق الطليعة على فريق تشرين بستة أهداف للاشيء، ليحافظ الطليعة بذلك على صدارة قائمة الدوري.
سجل أهداف الطليعة كل من: رامي رباح، ثائر أبو جبل، أدهم أبو صالح، عامر أبو جبل، عروة أبو جبل وجواد اسكندر.
.
صور من مباراة الحرية والوحدة:
يا جماعه اني كنت عضو بالاتحاد الرياضي راح اول شي .،يعطيهن العافيه كل شباب بالاتحاد الرياضي الشغله مش سهله فيها تعب بس نصيحه يا شباب في دستور امشو عليه لا تعملوا حساب لاي نادي العقاب افضل شي لتمشي رياضه صح
الحقيقة شي مؤسف نسمع انو كل مرة توقفت اللعبي عشان شغب ، او نسحب الفريق عشان شغب . عيب كلنا 4 قرى والدوري تبعنا بمستوى لا يذكر .
الصراحة اني عبكون متواجد ببعض مباريات وعبلاحظ وجود بعض من اللاعبين من فرقان متعددة اللي عبتفوت تلعب بس عشان توتر اللعب .. مش هيك الرياضة عمي ، لونو في حدا قد حالو بهالفرق كان بيمسك الوضع وبيحسن كل نفسيات اللعيبي ، بيصرش كل واحد فايت يلعب ومع قلة عقلو يعملي فيها عنتر !!!!!!!
الرياضة أخلااااااااق !!!!
انت غلطان مش اللعيبه هلي عبتوتر اللعب وعبتخلق الشغب الا الحكام وعملية تحكيمهم البعيدة كل البعد عن النزاهة ****
ولك يا رجل ليش بتلقي اللوم عالحكام ..
ماني وانت وكلنا عمنكون وعمنشوف ، بحبش احكي بس الحقيقة فريق الوحدة دايماً بيعملو شغب ، تاع لذكرك باللعبي مع الامل حطو الحق عالحكم ، وباللعبي مع تشرين بعين قنية صار في توتر واضح .. واسا مع الحرية نفس الشي !! ، معقول بل 3 مرات “عالاقل” الحق عالحكم ؟!!!؟؟؟ ..
بناش نذكر اسماء لعيبي بس في من كل الفرق لعيبي من هالنوع ، اللي لازم تقعد برا مع كل الاحترام للمستوى الرياضي تبعهن .. بس الأخلاقي تعبان !!!!!
خليك واقعي اهونلك
روحو عملو الملاعب منتزهات اشرفلكن من هالرياضه لانو انعدام الروح الرياضيه عنا عبتأدي لمشاكل
حقيقا سرنا نقرف الفرق الي عبتلعب رياضة عنا بالجولان والله بلا رياضة اريح لانو من اول دوري نعمل بالجولان لحد اليوم بس جابتلنا الرياضة مشاكل وعملت خلاف بين القرا فا بلاها احسن وشكرا وبلا ما تكبر المشاكل خلونا اهل واصحاب ومنحب بعض مش متل اليوم بكرا لا سمح الله بنفقد شب معش في شي بينفع لا شيخ ولا شب نتبهو وشكرن