اتهم شهود عيان على حادثة المرحوم توفيق عواد طاقم الإسعاف بالإهمال والتقصير في تقديم الإسعاف الأولي له بعد الحادث.
جاء ذلك في حديث مصور قاله لموقع “بورتال الكرمل” الشاب جلال منصور من قرية عسفيا، الذي كان شاهدا على الحادث الذي وقع يوم الخميس الماضي في عسفيا، وراح ضحيته الشاب توفيق عواد من مجدل شمس.
وقال جلال في حديثه، كما ورد في الموقع المذكور، أنه كان مع عماله أول الواصلين لمكان الحادث، وشاهد أن طاقم الإسعاف “لم يهتم بالمصاب بطريقة مهنية وكما يليق الأمر الذي تسبب بموت المصاب على مرأى بناته وأخيه”.
وأضاف جلال أن “طاقم الإسعاف وصل متأخراً لمكان الحادث، مع العلم أنه وصل من عسفيا، ووضعوا حامي للرقبة (צווארון) للمصاب الأساسي فقط ولم يقدموا له الأكسجين ولم يقدموا له الإسعاف الأولي المطلوب”.
وقال أيضاً:
“أنا غاضب جداً، فلا يعقل أن يسيل الدم من كل أنحاء جسم المصاب، ووضعه صعب جداً، وطاقم نجمة داوود الحمراء يتعامل مع الأمر بخفة، يحمّله مثل كيس إلى سيارة الإسعاف، وينتظر قدوم سيارة الإسعاف العناية المكثفة. هذا غير معقول. هذا بالإضافة إلى الأشخاص الذين وصلوا إلى المكان وبدؤوا بالتقاط الصور بدل أن يقدموا المساعدة للمصابين. انا وسليمان الحلبي فقط كنا الأوائل ممن قدمنا المساعدة للمصابين”.
موقع جولاني حاول الاتصال بالناطق بلسان نجمة داوود الحمراء للحصول على رده على هذه الاتهامات، لكن الناطق طلب الاتصال به في وقت آخر. سنقوم بنشر الرد في حال الحصول عليه.
الفيديو من موقع “بورتال الكرمل“:
الله بيهونها يلي مكتوب ما في الو مهروب.. كلنا بهلطريق .. الله يرحمك يا اغلى انسان بلدنيا كلها صورتك مش راح ننساها .. وعشان الاسعاف لازم كل انسان يشتغل هالشغلي مش حيالله انسان بينجحو بلامتحانات وبيعطو شهادي وهو بيعرفش يفرق بين انسان مصاب وانسان عادي حتى انعاش ما قدمولو .. بتمنى انو ها الشي ينحكى فيهو
اول شي الرحمه لفقيدنا . اني مكنتش عالحادث بس حسب الوصف تبع الشهود الحديث يدور عن اصابه بالغه بالراس (سيلان دم من الاذنين – كسر بقاعده الجمجمه؟ ) وفقدان للوعي . اني مش عبدافع عن المسعفين بس يلي مبين انو الشخص كان تقريبا متوفي ومهما عملنا مش راح ينفع ( لا الاوكسجين ولا نحطلو مصل ! لانو الاصابه كبيره). برايي بهيك حاله حتى لو عاش كان راح يكون مع اذيه/اصابه عصبيه دائمه !!!! اخيرا اقول الكلام بهذا الموضوع خاصه بوسائل الاعلام لا يفيد شيئا بل بالعكس يمكن راح يعقد الامور عند عائله المرحوم ويصعب عليهن استيعاب فكره الموت (القاء اللوم بانو كان بالامكان عمل شي !!! وشو هو هذا الشيء؟ اخواني اسهل الامور بالحياه هي القاء اللوم على الاخرين ). اخيرا بقول الله يرحمو ولازم نفهم انو هذه اراده ربانيه ، هذا قدرو وهذا عمرو لحد هون .. وخلونا ندعي لاهلو بالصبر ….
مع احترامي لالك يا طييب الزلمي عبيحكي انو شافن كيف تصرفو في فرق من السما للارض بين انو عبيزت اللوم عالاسعاف وبين انو هو شافن كيف تصرفو وكيف بهدلو الموضوع ،،، حتى لو كان الزلمي مصاب اصابات قويي لازم يعطو كل يلي فيهن يعملو بعتقد هي وظيفتهن عكل حال الله يرحمك عمي توفيق رح نشتقلك ونفقدك كثير
كمان مرة اني مش عبدافع عحدا ..خلينا نفصل بين المشاعر وبين الشي المنطقي بهيك حالات.
السوال هل الاشخاص اللي عبيحكو هن مسعفين فعلا وبيعرفو شو لازم ينعمل بهيك حالة؟ فهمت وحسيت بلهفتهن بس ما حسيتن بيعرفوا شو لازم ينعمل !!
برأيي اذا فعلا في اهمال لازم ينعمل لجنة فيها اشخاص من الوسط الطبي (عن طريق شكوى او اي شي ) وينفحص هل المسعفين عملو متل ما بيسوى او لا . عشان هيك قلتلك انو ها الموضوع لنقاش بين طاقم طبي ومش لنقاش عمومي بمواقع الانترنت عنوانو فقط اللوم على جهة معينة وفش منو فائدة غير انو يصعب الامور عاهل الفقيد !!!!!
اللة يرحمو..
اولاً بحترم يلي عبتقولو ويمكن يلي عبيحكو بيعرفوش شي عن الاسعاف الاولي وشو لازم ينعمل بهيك موقف وحالة حرجه بس الشب محكاش عن عبث ومن المفروض كل واحد متعلم اسعاف اولي يكون حامل شهاده بهالشي ويكون قد المسؤوليه وبغض النظر عن شو الديانه وبعيدا عن العنصريه ،،، وبالنسبة انو الموضوع لازم يكون بين طاقم طبي ومش عمواقع الانترنت تفضل اخي الطبيب عمال اجتماع وناقش الموضوع مع الاطباء العظماء ،، وسدقني كلمة طبيب ثقيلة كثير ع بعض الاشخاص المتزعمين انن اطباء بالبلد ،، شكرا ع مجهودك
الله يرحمو ويصبر اهلو.بس لازم الاسعاف كان يحاول يسعدو مش يوقف يتفرج .نحن بنامن بلقضاء والقدر. بس لشو البهدلي ولستخفف بحياه الناس ومشاعرهم لانو موقف صعب انك تشوف اغلى انسان عندك عبيموت قدم عيونك وانت مش قادر تعملو شي .
بسم الله الرحمن الرحيم .الحمد لله الذي هدانا الى حكمته وشملنابرحمته ونعمته. فبمشيئته الحياة والوجود وبأمره الفناء لكل موجود. يحيي ويميت وهو على كل شيء قدير واليه المرجع والمصير . قيل : مشيناها خطى كتبت علينا ومن كتبت عليه خطى مشاها . ومن كانت منيته بأرض فليس يموت بأرض سواها . بأسمي وبأسم آل حرب نتقدم بخالص عزاؤنا بفقدان الغالي توفيق عزاؤنا بذكراك الطيبه وأعمالك الصالحه وسيرتك الحسنه رحمك الله ولتكن الجنه مسكنا لروحك الطاهره لا اراكم الله مكروها بعزيز أن لله وأن اليه لراجعون .الله يرحمك .