ظاهرة إغلاق الشوارع في الأعراس ليست جديدة في مجتمعنا، لكن تاثيرها في السنوات الأخيرة لم يعد محمولاً، وأصبحت فعلاً عادة مزعجة، تعطل حياة الناس، بعد اتساع البلدة وزيادة عدد السيارات فيها بصورة هائلة، لذا لم يعد مقبولاً أبداً أن يقوم شخص، من كان، أو مهما كانت ظروفه أو دوافعه، أن يغلق شارعاً عاماً، لأنه بكل بساطة يحتفل بزواج ابنه أو ابنته.
شهدنا خلال الأسبوع الاخير إغلاق عدة شوارع في مجدل شمس، منها شوارع رئيسية وهامة في البلدة، أدى إغلاقها إلى حالة من الفوضى وازدحاماً مرورياً، وصل إلى حد تعطيل حركة السير بصورة شبه كاملة في مركز البلدة والشوارع المتفرعه منه، وأدى ذلك إلى حالة إرباك وصل إلى حد المشادات الكلامية بين السائقين الذين وجدوا نفسهم عالقين وسط هذا الزحام المروري، لكن الأمور مرت على خير هذه المرة.
يوم أمس كانت ثلاثة شوارع مغلقة في البلدة، وكان من شبه المستحيل الانتقال بالسيارة، ومن خرج بسيارته وجد نفسه أمام معضلة كيفية الوصول إلى مقصده أو العودة إلى بيته.
تعاني البلدة من الأساس، وبدون قضية الأعراس، من أزمة سير خانقة نعاني منها جميعاً، خاصة في نهاية الأسبوع، حيث تتشكل طوابير طويلة من السيارات، وأصبح الكثيرون يأبون الخروج من بيوتهم، أو الانتقال بسياراتهم خلال ساعات المساء، إلا في حالات الضرورة.
الحلول لهذه المشكلة موجودة، وهي أن ينقل أصحاب العرس احتفالهم من الشارع إلى مطعم أو قاعة صغيرة، وهي متوفرة بكثرة في البلدة وتكاليفها في متناول اليد، حتى أنها قد تقل عن تكاليف الزينة وباقي الترتيبات التي يقوم بها أصحاب العرس في بيتهم.
الشارع ملك عام.. ليس ملكي ولا ملكك.. ولا يحق لي ولا لك إغلاقه وتعطيل حياة الناس، مهما كانت الأسباب والاعتبارات، ثم أن احترام الناس الذين ندعوهم لمشاركتنا فرحنا، يحتم علينا استقبالهم في مكان محترم وليس على الشارع العام.
اغلاق الشارع لاي سبب هو قلة ذوق واستهتار بالناس . الشارع هو ملك عام وليس قاعة اعراس
مهند الفقير لا يملك اجار قاعه اين سيقيم عرس ابنه
قله الذوق انو ناس تتحمل جيرانها بكل سيئاتها والجيران ميتحملوش تسكير الطريق كوم ساعه بالسهره ليفرحو بابنهن او ينتهن لانو معهنش مصاري يروحو عالقاعات والقاعات مش قبضه شهر وماشي الحال القاعات بدها مبالغ مش هيني بالذات قاعات التاهيل متل الياسمين بيتجوزو 3 بالبيت وعالطريق بسعر جازت واحد
مش حابب اذكر اسمي اما زوجت ابني تدينت مصاري لجبت اكل العالم معنديش قدرت القاعه صار عليي هجوم قاتل
اخ “فقير” هلي مش قدرتو يعمل اكل برايي يعمل نقليه او يحط طاوله عليها فواكه مشكله وحلو مشكل وسدر كنافه وعصير وخلصنا والبدو يفتح بوزو بس يجوز ولادو يغرق بالدين لولد الولد بالفعل بطل حدا يستحي وصارت الناس تاكل بعضها بالحكي والانتقادات وصحاب العرس معندهنشكلمه غير “نرضي الناس”
كل الحق معك اخ نبيه كثير مزعج هاذا لوضع
موضوع مهم جدا ولازم ينحكى في لانو عنجد الموضوع زاد عن حدو
والموسيقى امر اكثر إزعاجا، لا يصح ان يزعجوا الآخرين ، الكل لديه أشغال وأعمال، صوت الموسيقى المرتفع اصبح لا يطاق وكانه محتم عليك ان تغفو على اصوات الدبكة ، اقل حفله لا تنتهي قبل الثانيه صباحا وعلى كل الحاره ان تتحمل صوت الموسيقى ، ليس كذلك فقط ، يضعون مكبرات صوت ضخمه لدرجه انك تشعر بان الموسيقى تخرج من وسط بيتك
بالفعل الاحتفال بقاعه هو امر اكثر تحضرا وأكثر تقديرا لحرية الآخرين ، ولكن لا تقدير لدى الكثيرين ، فقد تجد أطفالا وصبيبه يلعبون حتى ساعه متأخرة في الليل ويصرخون وكانهم في وضح النهار، ما الحل مع هذا الإهمال والاستهتار براحة الآخرين ،كيف يسمح الآباء لا بناءهم التجول في الشارع لوقت متأخر في الليل ، أين هم!!!!
عن جد إنّو الأزم يلاقو حل سريع لهذة في شي من قبل أسبوع بسكرو الطريق
شو رايكم يعملو العرس القمر او في الملعب
تسكير شارع لمناسبه زعجكن اما تسكير حاره بطولها وبعرضها صيف شتاء واذا حد سخن بموت ليفتحولو طريق هاذ صبحان الله مش مزعج الكن . طبعا منحنا مش عالم وبحقلنا نعيش براحه الحاره الغربيه
الحاره الغربيه تعيسه يا ،ريت ساكنه بحاره ومسكر علي أهون من الضجة والإزعاج الموجود بالحاره
طول بالك الخير لقديم
العرس اليوم صار يزعج الناس اما الناس يلي مشتري تركترونات لاولادها كل ليل تحشك وتشفط وتزعج العالم ها مسموح،والناس يلي مربيه كلاب بلبيوت بضل كل ليل تنبح وبتخليش حدا ينام لا كبير ولا صغير كمان ها مسموح يلي بدو يطالب بلتحضر بلبلد بدو يتحضر بكل شي ولازم كل واحد من بيتو بنطلق ويفكر بعدم ازعاج غيرو من جيران من عالم
انا معك بكل كلمه حكيتيها ..
عاداتنا وتقاليدنا اللي تربينا عليها صارت مزعجة وغير مقبول. .كل طائفة بتحتفل ب أفراحها على طريقتها الخاصه ..
صحيح انو الشارع مش ملك حدا بس في لكل شارع اكتر من بديل وبعدين إغلاق الشارع مش عمبكون اكتر من 3 ايام وأحيانا كتير يوم واحد
يا ريت تطلعو على مشاكل اجتماعيه اللي عمبعاني منها بشكل يومي ..
يمكن إستعجلتوا شوي ، الله يعين الناس يلي مش قادره تروح تجوز بالقاعات او تستأجر محلات كرمال الفرح .
خلي الشباب يلي أهاليها بتعبي السيارات بنزين والولاد ما بترجع عالبيت وفي بنزين بالسياره وعالفاضي بدون اي سبب او شغل ، اذا بهاي الشغله ما عاد نتحمّل بعض ، لشو عيشتنا بعد !! بس للإنتقاد … اصحاب المحلات التجاريه ومتحملين هاي الظاهره ، نحنا الشوافريه لازم نتحمّل بعض او نصير نخفف من حركة السير ونطلع مشي على المشاوير القصيره …
يا رجل تكاليف اكبر مطعم او قاعه صغيره طبعا نحنا مش عمنحكي عجار القمر او اليسمين في قاعات متل عين التيني وسهر اليالي وعلبال وغيرها بتكلف لحد 7000 او 8000 شيكل طبعا الحكي بدون اكل لان عرس تسكير الطرقان بيعملوش عشا بيضيفو كبب وسنابيس وهالتكاليف اقل من حق فستان صبيه من خوات العريس والعروس
له يا جماعه والله ظريفي الشغله
لك ما عاد تنطاق ابدا
شي بخلي الواحد يكفر ويسب كل النهار والليل
عملوا قاعات لتحتفل او تتاهل فيها مبارح كان مزعج كتير اهل العريس جايين مسكرين جنب السوق من تحت واهل العروس من الجنب التاني بس بلد بحالها بتمرق بطيارة لتقدر توصل عبيتك او اقتصروا اهل العريس ما يجوا قبل اليوم عم تشكل هالظاهرة كركبة للعروس واهلها وشوارعنا ضيفة من غير شي واليوم عندكن وبكرا عنا وشهرين الصيف ازعاج بازعاج وانشلا الكل بيفرحوا
اولاً تسكير الطريق بوقت العرس ماجاش عن عبث لانو اكيد صحاب البيت اضطرو ليسكو الطريق لان فش عندن محل واسع للعرس ومحل يوسع هالكم الهائل من الناس وثاني شي بيكفي انتقاد اني برأي انو هالشي كثير سخيف وفي امور اكثر اهميه من هالشي ونشالله كل العرسان يتهنو ويتوفقو ويضلن يسكرو طرقان ويضلن وقاعدين ع قلبكن ,, لعما بطل الواحد يتمنى لخير للثاني صار كل شي بينعمل يحطو في توك
السخيف هو انتي مش الموضوع ….انو بلد 10000 نسمي تتسكر موضوع كثير مهم ولازم يلتقالو حل
بالعكس الموضوع مش سخيف بالمره اذا الواحد بيقدرش يوصل عبيتو ها الوضع لا يطلق لازم يطلع قرار من الخلوي يمنع تسكير الطرقات الرئيسي لانو عبيصير في اختناقات مروريه.
شكرا كثير اخ وجدي ,,كمان مره برجع بعيد الطريق تسكر لمناسبه حلوي مش عم عبث
نشالله الجميع يفرح ولازم الناس تتحمل بعض المشكلي مش بلاعراس المشكلي بلسيارات صار عدد السيارات بلبلد اكثر من الناس ويا جماعه ما هو عمال على بطال قسم كبير من الاهل تاركي ولادها سهرانين بلحارات لنص ليل وخوذ على ازعاج
لأ اخ وجدي اني بأيدها , الموضوع كثير سخيف
نسيتوا وين عاملين عروستكن ؟ حابب اتذكر بأي قاعة
الطريق بقا يتسكر نص شهر لحضرتكن بس لما يجي دور غيركون بتبلشوا تنزجعوا .
حاجي تعملوا فيها بلد متقدمي فلقو تشدوا لان صارت الشغلي مزاجيي هلي بيعجبكش بتقول عنو متخلف و هلي بيعجبك بتقعد و انت تمدح فيه كل النهار.
نحنا وين و التقدم وين.
المشكلي مش العرس المشكلي البلد كلها يلي عبسكر الطريق معروف انو عندو مناسبه بس ظاهره التحشيك خميس جمعه هي المشكلي مش اذا واحد عندو فرح بتقومو ضدو والشباب يلي كل يوم تحشيك تاركينن يا بتهتمو بكل المشاكل يا بلا كل هالحكي والاجمل والاغرب انو مش بس شباب الهضبه كمان صار في زوار جداد والوضع كرمالو لورا وشكرا
انشالله الكل بيفرحو مأذيقكن كلا ليلي عبيتسكر هالطريق (بسهرة العروس) ماشي الحال شو بدا تعمل الناس هلي معنداش محل بتطلع علقمر مثلا؟؟
الله يعقلكن كلكن جد لو منلاقي موضوع ثاني نحكي في بيكون افضل كلكن وعيتو عشي ويلي متجوز وحكا عاش هيك شي فبيحقلوش يحكي لان بتصفي انانية انت تسكر طريق لان عندك ذياق ومن حق كل واحد انو يسكر ليستقبل لعالم ولناس للازم تهني ها موضوع كلنا رح نحتك في كنو بلوقت لحاضر او بلمستقبل لقريب فش ولا ايا طريق عنا بلبلد الا مالو طريق فرعي وبيودي لنفس لمحل محدا يقلي مش مجبور يزيد لمسافي ومن هلحكي لان كل ايخر يوم بيزيد وبيحشك مسافة كثير كبيري
وبلنسبي للشخص لعلق عن مشكلت لتركتورونات والتشفيط ولازعاج بتوقع ها لموضوع للازم ينفتح ولا لموضوع للازم ينحطلو حد وها لموضوع لبدو تربية وتوعيي لكلا الشخصين مش بس لاهل
خلي كل شخص ينطلق من نفسو ومن تربايتو
الله يهني هالعرسان اولا وثانيا هالانتقاد اكثرو منشان اليوم لانو كان العرس بالساحه عالشارع الرئيسي هالجماعه متحملين ازعاج السيارات والزمامير والدخان كل عمرن ومابنامو الليل ليش ما حدا بدو يتحملن كم ساعه بعدين في شارع بديل
قاعات ممنوع عنا وتسكير شارع صار ممنوع وين بيعملو لعرس علمريخ؟!!
انو اهل العريس او العروس يسكرو الحاره يوم العرس يا عمي بيطلعلهن ..اما من قبل باسبوع عبسكرو الطريق يعني كمان شي منو
المشكلي مش بلعرس المسكاي بكثرة السيارات اليوم الواحد من كسلو حب على يروح على الحمام بسياره
يسكرو الطريق ليلي مش اهوان من تعليلي خمس ليالي على صوت مكرفون عالي من شان خمس اشخاص يرقصو هاي اسمهه قلت ذوق
فش اجمل من العروسي القديمة وفش اجمل من اغلاق الشوارع قديش كانت الاعراس حلوي كانت التعليلي تظل جمعه واهل البلد مكيفي …حلو عنا صحاب القاعات وبلا هل دووين
اغلاق الشارع وقت الفرح اصبح يزعجكم وباقي الامور (نباح الكلاب ليلا، التركتورونات…) اصبحت مقبولة.
نسبتوا شغله مهمه كثير وهي تسكير الرصيف المخصص للمشاة مشان كل واحد يعمل واجهة لمحله او طاولة وكرستين وبيكون مش عاطي الطريق ولا سم او صافف سيارتوا عالرصيف مشان ياجر محلوا. خلوا الناس تفرح وتسكر الطريق ليله.
الى كل شخص عمرو ليوم فوق ال 30 سني وين كان عرسك لا كان في جار قمر ولا بطيخ بعدين اذا في ظاهرا مزعجه فهو ابنك وابن كل شخص ابنو بضلو تحشيك انت بتعرف قديش بتتأخر سياره الاسعاف بعركه السير واذا بزيحو بكون كثر خيرون ها السياره بتتطلع بتكون مع انسان بوضع مش منيح فا العركه يلي عبتصير مش عبيعطو مجال انو يوصل ها الشخص بلوقت عبحكيك من ناحيه مسعف بينما ظاهر التدخين والمشروب لولد عمرو انجق 11 سنه وبضلو داشر بطرقان ها مش مزعج لهيك اذا بدنا نبني بلد منيح ومش مزعج ضبو ولادكن وعطوهن وقت محدد لرجعه عل بيت مش لسيعه 2 بل اليل بيمرق بل حاره فايت ببدون وحزنان وحاطط اغاني ها الشي المزعج مش عرس يوم ومارق بس في اشخاص مبسوطا بل عرس وخلي هل عرس يضلو اسبوعين بس لبشر مبسوطه وعقبتها للعزبيه وكل شب يلاقي صبيه
كم كنت اتمنى ان تقام قاعه خاصه للبلد وكل من يريد ان يستعمل القاعه ملزم بدفع مبلغ رمزي مثلا في يانوح الوقف بنى قاعه للبلد ومجهزه من كل شيء وكل شخص يريد استعمال القاعه ملزم بدفع مبلغ وقدره 3 الاف شيكل وعليه ارجاع كل شيء كما كان
ليش بعدت يا مزارع لانو ها الشي صار بمسعده
عنجد صار مجتمعنا بضحك صارو يطلعو على الامور التافهه كل موسم العروسه شهرين اذا سكرو الدرب نزعجتو حتى اءا بدها تفرح التاس مش عاجبكن ولا نحنا ممنوع نفرح لازم نظل نسمع صوت ضرب ونشوف قتال ودم بحياتكن بكفي حكي فاضي حتى ولادي بس صارو يسمعو موسيقى وصوت عرس بللبلد تغيرت نفسيتهن ونسو منظر الذبح خلينا نفرح شوي وما يخلي الفرح من بيت حدا يا رب
تخايلو في اجر وبدهن يسكروا الطريق!! الاجر مناسبة والفرح مناسبة خلي البشر تنبسط وفي مليون طريق لكل واحد يوصل لبيتو حتی لو بدو يبرم البرمه كلهن هالشهرين يلي فيهن اعراس تحملو بعض شوي..كيف صايره الناس متل الاجانب محدا خصو بالثاني وبيفكروش غير بنفسهن..شو ذنبهن يلي بيتهن حد طريق رئيسي!؟! يعني بينبسطوش بيفرحوش؟؟ اني من ناحيتي لو اجا اكبر زلمي بس اتجوز بدي سكر قدام بيتي وما حدا خصو ها قدام بيتي باخذش الناس عالقمر
اني معك بس بكون في اجر بنادو صفو باول البلد وتروحوش بسياراتكن وبتطلع الناس عادي مشي. بعدين بعدين فش حاره الا ما الها طريق ثاني توصل الناس عبيوتها.
خففوا من تخشيك شوي بتعدوش تلاقوا مشكلي
اني بعرسي بدي سكر مجدل شمس كلها وهلي عندو مشكلي يقعد ببيتو بعد حرموا ناس تفرح
الله لا يخلي الفرح من دار حدا ويمكن الي عبيحكو بالموضوع ما عاد عندهن شي عرس منشان هيك لقو شغلي يلتو فيها
بلعكس ها الشغلات الي ضلت لتحس انو الناس بعدها لبعض .. وبيوم العرس تاع شارك او لاقيلك طريق بديل ومفش حاجي للتحشيك .. اني مع تسكير الطرقان ..
بس تكون الأسعار بالقاعات مقبولي وعدم الاستغلال الناس سعتها الطرقان بتبطل تتسكر
لحضرة الاخ الكاتب مع التقدير لجهودك الجبارة وبما انك سهران عراحة مواطنين الهضبي فبحب قلك التالي ، اولا اذا كان العرس بلقاعه المشايخ مش عبتشارك وان كان علطريق عبتتذايقوا بعدين طول عمرنا العرس بيكون عالشارع ، وبعدين في الف طريق غير الشارع لمسكر فيهن يستغنو بعد خمس دقايق ويروحو من طريق ثاني ودامت الافراح في دياركم العامره اصدقائي
يعني تسكير الشارع بتحشيك بلا طعمي ابناش نلقيلو حل
اسا تسكيرة الطريق على عرس صارت بتزعج اما عركة السير يلي بتصير كل اسبوع صيف شتا ها مش ازعاج بيمرق الانسان محتاج غرض وبكون مستعجل او عندو ضرف طاريء بلاقي الطريق مسكر ابيقدرش يمرق واذا مرق بضللو ساعتان عبيستنا ليفتح الطريق وعلى شو على تحشيك رايح جاي على وﻻ شي بس هيك تمضاية وقت .بالنهاي الطريق مسكر عارف انو في فرح مش مسكر لانو في تحشيك وزعرني
الفرح حلو والله لا يخليه من بيت حدا طول عمرا بتتسكر الطرقان ما كان في بيت شعب ولا قاعات لازم نستحمل بعضنا البعض مرا علينا ومرا عليك
صحيح انو اذا في عرس وعبيتسكر الطريق لمدة ساعتين او اكثر شوي عبذايق البعض من اهل البلد, بس هي مش مشكلي اذا بدك تشوف وين المشكلي الاساسيي بس طلاع عالطريق وشوف الشباب هالي عبتحشك رايحه جاي وبتمرق الف مره عالطريق بدون سبب وطبعا قنينة البيره بايد والسيكاره بالايد الثاني وموسيقه عالفل هون المشكلي.وهو الشباب بشكلو نسبة 60% من السيارات هالي عالطريق اذا مش اكثر. واذا بدك تتاكد من هالشي, روح يوم الجمعه او السبت بسيارتك عمدخل البلد الغربي بتلاقي الطريق مسكر مع انو فش عرس ولا حتا خطبي بالحاره, منشان هيك بوقعش انو حدا بيزعل اذا بلاقي الطريق مسكر لوقت قصير منشان عرس, طبعا في ناس عبتزودها وعبتسكر الطريق اكثر من يوم ومرات لمدت اسبوع اكيد ها كمان مش مقبول . الطريق نوجد ليخدم كل الناس بغض النضر اذا كان للسيارات ولا للمشي ولا لعرس المهم انو يكون بحدود المنطق ..
يعني صح عبحاولنكون شعب من ارقى الشعوب بس اولا الفرحه بالبيت بتسوا كل شي اسمو قاعات بالعالم مع العلم انو مزعج توصل لطريق وترجع بس اسم الله البلد كبيره ولكل طرريق اكيد في بديل لانو خلي هالناس تفرح لانو الدور بدو يمرق عالكل…..الله يهني الجمع
عنبيلي تسكير لطريف اصعب من هلى عبيصير بسوري عند ناس حرام خلو ناس تفرح
الله يديم الفرح عند الجميع بمسعده وببقعاثا لاقو الحل سهره العروس اذا بطريق فرعي بيتسكر الطريق كوم ساعه وفي الو بديل بس اذا بطريق رئيسي بتكون سهره العروس قدام بيت الشعب عالديشه الكبيري اما العريس السهره والعرس بقاعه بيت الشعب جوا بقي تنحل بمجدل شمس شو رايكن تصير سهره العروس وعشا العرس او النقليه للعريس هلي معوش يدفع للقاعات بالملعب ؟ العروس بتزين وبتقعد هالكوم ساعه عشيي والعريس بجيب اكلاتو طاولاتو وكراسيه عالملعب وهيك لا بتتسكر طرقان ولا محل ذيق ولا محل مسكر ضجه وما ضجه
الله يهني الجميع الطريق تسكر كم ساعه مو مشكله اما يومين متتالين صفت مشكله ..القضيه انه عندما ارجنا حل مشكلة المناسبات بنينا قاعات لخل المشكله هناك من ﻻيحب ان يكون عرسه في الياسمين.ﻻن وجبة الغداء للشخص باتت مكلفه فالذي يريد ان يشارم اهل العرس هو وزوجته نقوطه ﻻيقل عن نقوط قاعة اﻻفراح فاﻻغلب يقتصر الذهاب الى البيت وخاصة قبل بيوم وتاتي ليوم القاعه يكون العرس جدا مقتصر عا اﻻقربا هنا لم نحل المشكله ﻻ ﻻهل العريس وﻻ ﻻهل العروس انما بنينا قاعات فقط للتباهي وللاشخاص الذين لديهم معارف تغطي تكاليف القاعه سواء التاهيل او الفرح ..لم نفكر ابدا بجغرافية المنطقه ..واين وكيف نعمل مناسباتنا باقل تكلفه ممكنه وخاصة ان لم يكن لدينا اماكن ﻻستقبال الضيوف ..وان بعض الناس ﻻتحب المظاهر الكاذبه والفرح بشكل بسيط وراقي هذا لم يفكر فيه اصحاب التاهيل فكروا بنفسهم فقط ودون استقبال من لديه فرح ..اﻻيجوز ان تبنى صاﻻت كبيره مخصصه للفرح تقدر اهل العريس او العروس استقبال ضيوفهم لساعات قليله وبتكلفه رمزيه كما في لبنان وسوريا واﻻردن ..يوجد فيها كراسي فقط كما في البيوت وانت تقدم الضيافه كما تريد …ولكن عندما نفكر ﻻنفكر اﻻ من المصلحه االشخصيه والخاصه لكل فئه من هذا المجتمع
يمكن تسكير الطريق مزعج شوي ..بس لازم نتحمل بعضنا ,, اذا صاحب العرس سكر الطريق كوم سيعة لان فش عندو بديل مش مشكلة كبيرة,,,بس المشكلة الاكبر تصرف شبابنا عالطرقات ..تحشيك عالفاضي وتشفيط وسرعة كبيرة بنص البلد واصوات الموسيقى العالية …مش عمنقدر ننام بالليل ,,الساعة تلاثة واربعة قبل الضو ازعاج وضجيج وصياح…وين اهل هالولاد ؟؟ للاسف فش عنا تربية عدم ازعاج الاخرين..بالعكس كل واحد بيعمل هلي بيريحو وبيبسطو بغض النظر اذا ازعح او ضايق الانسان الاخر
لا قاعه ولاعرس حد البت ولا بقدر اعمل عرس بقاعه الياسمين خليني استنا للجيل الجاي بلكي
لك لك هالحكي الي بيسمعكن بقول شو هالساحات لوساع الي حوالا بيوتنا شو وين منروح بحالنا بيوت لزق ببعضا فش مجال غير تسكير طريق
اهل البلد انتو خرجكن حروبي وجوع لتحسو بقيمة الي انتو في اذا جيرانكن واهل بلدكن بدكنش تتحملوهن ليومين تلاثي ليخلص العرس عندن ؟؟ بعدان اجمل شي بلعرس انو يوم او يومين تتزين هالبيوت ويتسكر قدام البيت وناس وولد تلعب ها لعرس عنا هيك بجنن مش بلاس فيغاس عايشين
ناقص نصير يهود بعد شوي جاري اتقاتل معو لان سكر الطريق وانزعلو فرحتو منشان شو اني امرق بسيارتي
مرحبا للجميع والله يهني الي تزوجو وفرحو ومش لازم ننق عليهم لانه فال غير حسن ..
الحقيقه قرأت معضم التعليقات التي تخص تسكير الطريق في العراس ولكن انا الاحض انه لا احد يسكر طريق امام بيته الا ويكون هناك بديل للدخول الى الحاره المقصوده ورغم ذلك هذه ضاهره غير حضاريه اذا كنا ندور على الحضاره والرقي فيجب على اهل البلد ان تجتمع وتلاقي لكل شيء حل طبعاً وبعد المناقشه . وحسب معلوماتي ان هذه المسأله قد طرحت في الخلوي من فتره قصيره ولا ادري ما هوالحل الذي طرح عقب ذلك . وانا رأيي انه يجب على اهل البلد ان يعملو صندوق تبرعات وبناء مكان للاعراس ويوجد فيه كل مستلزمات العرس وبسعر رمزي اسوة بقاعة الوقف تبع مسعده ولكن رغم كل الضيقه التي نتحدث عنها
ونحن نعرف ان كل بيت يمتلك اكثر من سياره وعندما يأتي وقت العمار يستكثرون لانفسهم ان يتركو مكان ليصفى سيارتهم فيها لذلك اصبح الشارع مزدحم لعدم وجود مكان لركن اي سياره الا على الشارع العام
ا ارجو ان لا اكون قد تطرقت لموضوع آخر .
إغلاق الشارع أوفر من قاعه او مطعم وكفانا ترويج وبهوره كل شخص حر كيف بيتزوج وحسب وضعو المادي
كل انسان أسموا عار عليه وعم يكتب بأسماء مستعارة يروح يغيرو بدنا نعرف مين هلي كاتب لنجاوب مش مهند والمجدل وجولانيه وبنت البلد
صارت الناس تتذايق من تسكير الطريق لان في عرس وكمان بدكون نعمل عرس بي قاعه اي عال لكان المشايخ ما بتحضر عندك بتقول عامل عرسو بقاعه واذا اهلك مشايخ بصير في بعده دينيه لاهلك
طيب ولتركترونات يلي عمتضل لل 1او 2 بليل تحشك هذا مش ازعاج
يلي طالع من ورا عمار وفش اجار قاعه شو بيعمل
يمكن بحقليش ادخل بس كانت هلمشكلي عنا لقبل 3 سنين تقريبا لحتى نفتح بيت الشعب للاعراس وصار بيوسع يعمل فيه اكثر من عرس بليوم مع لتنسيق طبعاا….لان عنجد مشكلي صار في سيارات كثيري وطرق قورانا ضيقاا بس اهم شي نشلا لكل بيتهنى وبيفرح
المشكله مش بس بالاعراس ها الشي كل يوم خميس وجمعه بيصير واسا فتره اعراس حل المشكله مش بكتابه مقالات وها هو
يا جماعه لا صمحللله حدا حتاج طبيب اسعاف اي شي منستنا لتصير مصيبه لندور عحل يعني
اول شي منحاول نقلل من سيارات ونترك مساحات بهلبلد للحركه شباب البلدات المجاوره منطلب منن يكونو ببلدن ويتركونا نعيش حياه طبيعيي
ثاني شي منطلب من المجلس المحلي يبني ملعب تحت بلمرج طرقان اوسع وحركه اخف هلي بدو يشوط ويلعب يظل يركض ليوصل تحت
المجلس المحلي مسؤول بتمنا يحطو بوابات عمداخل البلده وبس الشي الضروري يقدر يفوت بساعات بي 5 لحد ١٢
بعد التحية ..
من كاتب المقال الى كل من علّق او قرأ او مواطن بهالبلد..سؤال..هل تستطيع ان تدعو الى بيتك عشرين شخص مع سيارتهم بدون ان تعرقل السير في اي قرية من قرى الجولان؟ الجواب لا ؟؟والسبب..ليس الفرح او تسكير الطريق من قبل الاهل ..الطريق من اصللو مسكر ..واللي سكرو ..هو شجع وطمع وقلة الذمة والضمير في كل ما يخص الطريق العام ..معظم البيوت المجاورة للطريق العام مبنيه بحيث لم تترك مجال حتى للرصيف والمشاة .. فما بالك بموقف يتسع لسيارات ..المهم ..اذا كان بامكانك سماع التشفيط والتركتورنات بعد منتصف الليل ..واذا كان بامكانك الانتظار ساعتين لعبرو مدخل القرية الغربي وفجأه تتضايق من جارك الذي انتظر العمر ليفرح بابنه ..فهنالك على ما يبدو مشكله اخرى غير مشكله ضيق الطريق ..ودمتم .
ولا مصيبي برب هناس واحد بدو يفرح صار ازمي اما الزعاج والسكر والزعاج ما يخلو حدا ينام وتسشفيط وزمير ها عادي الفرح حد البيت مش غلاط ? يلي بشوف الغلاط وساكت شيطان أخرس …