نشرت هذا الأسبوع نتائج تقييم مستوى التعليم في المدارس، والتي تعتمد على امتحانات تقييم الأداء والبيئة التعليمية (الميتساف)، وتظهر في القائمة نتائج هذه الامتحانان في قرى الجولان.
نشير أولاً إلى أن القائمة تظهر نتائج امتحانات التقييم في سنوات مختلفة، وهي المرة الأخيرة التي تقدم فيها طلاب القرية لامتحانات التقييم. ففي الوقت التي تعتمد فيه نتائج التقييم في كل من مجدل شمس وعين قنية على الامتحانات التي أقيمت في العام 2016، فإن نتائج مسعدة والغجر تعتمد على نتائج الامتحانات التي اقيمت في العام 2015، بينما في بقعاثا في العام 2012.
نتائج التقييم تظهر تقدماً ملموسا في مدارس مجدل شمس، التي حصلت على علامة 82%، حيث جاءت نتائج المدارس فيها على النحو التالي:
المدرسة الابتدائية أ مجدل شمس 90%
مدرسة المناهل الابتدائية 63%
إعدادية مجدل شمس 87%
في عين قنية تظهر النتائج أيضاً تقدماً ملموساً في المستوى، حيث حصلت مدرسة الإشراق، وهي المدرسة الوحيدة في القرية، على العلامة 70%، بزيادة قدرها 10 علامات على النتائج السابقة.
في بقعاثا لم يتقدم الطلاب لامتحان 2016، لذا سجلت نتائج امتحان العام 2012، الذي حصلت فيه القرية على علامة 71%، وهو معدل جميع المدارس في القرية.
في مسعدة تظهر النتائج التي تعتمد على امتحانات العام 2015، في مدرستي الأنوار الابتدائية والإعدادية، والتي كان معدلها 61%.
في قرية الغجر أيضاً تظهر نتائج الامتحانت التي قدمت في العام 2015، وجاءت فيها نتيجة القرية 43%.
تجدر الإشارة إلى أن هناك اختلاف في الآراء حول مصداقية امتحانات الـ “ميتساف” ومدى عكسها للصورة الحقيقية لمستوى المدارس، إلا أنها تبقى في الوقت الراهن الطريقة المعتمدة من قبل وزارة التربية لقياس مستوى التعليم في المدارس. مع العلم أن الوزارة قررت تقليص عدد الامتحانات إلى مرة كل ثلاثة أعوام، وتعمل على إيجاد طريقة بديلة لتحديد مستوى المدارس ونجاعة التعليم فيها، بسبب الانتقادات والاعتراضات الكبيرة التي تعرضت لها هذه الطريقة.
حتى لو كانت الامتحانات ذات مصداقية لا ارى فيها سوى قتلا للطفولة, فكيف لطفل في العاشرة من عمره ان يتعلم بشغف ويحب لمدرسة وهو يُستغل عندما ياتي في ايام العطل ويتعلم ساعات فقط لكي “يرفع راس مدرستو”.. اتركوا الاولاد بحالهم وقارنو بين المدارس كيفما تشاؤون
امتحان التقييم لا يخدم الطلاب ،بل يخدم المعلمين والمدارس فقط،لان امتحان واحد لا يقيم مستوى الطالب على مدار السنه ،واحيانآ يكون بوضع غير مستقر نفسيآ او صحيآ بيوم الامتحان ، مما يؤدي الى نتائج غير مرضيه .
اظن ان هذا التقييم لا يخدم الطالب بل بلعكس ولا يعكس مستوى التعليم في المدارس فقط ضغط على الطلاب وتوجدطرق عده للغش في هذا الامتحان بان يتغيب عمدا الطلاب الضعفاء او بتسريب الحلول للطلاب فلا مصداقيه فيه
كنو ابنك بالمدرسه الي علاماتها اقل منشان هيك محموصة؟؟؟؟؟؟؟
هذا التقييم لا يعكس الواقع أبدا. وهذا التعليم التقليدي قتل للأجيال. الطلاب منهكون من حشو المعلومات والرغبة بالتعليم تتراجع سنة بعد أخرى. مفهوم التعلم والتعليم أعلى بكثير من علامة وأرقام….
كل لاحترام عالجهد ومبروك ….بس في شغلي حابب الفت النظر الها ما حدا منتبهلا انو الضغط والدوام الطويل عالولد عبتستنزف الولد كل طاقتها باول ست سنين حرام هيك …مدارس اليهود ولا مدرسي بعد السيعه 1 بتضل وكل يوم في دروس ترفيهيي مع لدروس التعليميي ..فنون رياضه . المهم الولد ورياحتو ..وما يوصل لمرحله يزت كل شي ورا ظهرو …
صحيح عبيبذلو جهد لاساتذي ليوصلو المدرسي لمستوى عالي بس حرام تكون على حساب طاقه الولد … ساعات طويلي ودروس كثيري واذا قللو دوام بينقص القبضا علاساتذي لان قبل عملو اظراب لزيادي ساعات …
الساعات الي بتنزاد تكون ترفيهيي مش تعليميي ….
انا شخصيا طلاب فوجي الي صارو غير مباليين بلمدرسي واغلبيي ما قدمو بغروت ..
منشوف الملف تبعهن من صف اول للسادس كانو اوائل وكانو كل سنه ياخذو كؤوسي على علاماتن العالييي ….وصلو لمرحلي اعداديي وثانويي معش عندن طاقه …
وهذا الشي مش اسا رح تشوفو بولادن بعد اربع او خمس سنين …
لازم نفكر بطاقة وافكار ولادنا قبل كل شي ونحسب لامور باكثر وعي ..
عالقليلي لازم يكون 4 دروس تعليمييي متنوعا وفي درسين من ضمنن ترفيهي
درس رياضه بلاسبوع ..درس فنون وموسيقا واحد بالجمعه …وباقي الجمعه درسين رياضيات درسين عبري درسيت عربي درسين علوم …
كل ها لشو لشو حرام في عقول عبتنهدم مع رغم علامات العاليي
بتمنى من الكل ياخذو هالشي بعين لاعتبار ويتفكر بشي جدي لان لامر اخطر من محدا متوقع الضغط الموجود بها السنين مكنش ولا بسنه …
اني بوافقك الرأي. مش لازم يضغطو الولاد منشان يرفعو مستوى التعليم. الولد عبيقرف حياتو من التعليم ومن كل المدارس من صف اول كيف هالولد بدو يكمل ويصمد لصف 12؟ كيف الو نفس يقدم بچروت ويدخل جامعة وهو قرفان المدرسة ومابيسدق يخلص تعليم ؟. كيف هالطفل بدو يعيش طفولتو وينبسط بحياتو شوي ؟ فش وقت للطفولة. الولد بيخلص دوام عالساعة 3 وربع كل يوم بيجي عالبيت تعبان ونعسان وجعان. والاقطع من ها كلو انو عبيستناه صبور وظائف وتحضير لثاني يوم. هذا كلو غير التحضير للامتحانات اللي متل الكابوس. المنهاج كثير صعب مواد كلها صعبة. من ايمتى ولد بصف اول بيتعلم عبري. وبصف ثاني بيتعلم انچليزي؟! لشو ها كلو ؟! وآلام اللي عندا اكثر من ولد عشو بدها تلحق لتلحق. بيكفيهاش شغل بالبيت واهتمام بالزوج وبالاولاد. كمان ناقصها تحضير لولادها كل الليل؟! وياريت المعلمين بيساعدو الولد شي حبة بالمدرسة. بس شاطرين يلقو الأوامر عالولد : طولو حلو صفحة كدا وورقة عمل كذا. وحضرو بالبيت كذا وكتبو وقرو كذا وكذا. ياريت تعملولكن كوم درس بآلمدرسة تخصصو فيهن وقت للوظائف والتحضير بما انو الدوام طويل. بلكي الولد بيستفيد شي ومنو الولد بيرتاح وبيتنفس شوي بس يوصل عالبيت. والأهل كمان
وكيف لنا ان نصدق ان معدل طبقة كاملة 90 او حتى 80 اين الطلاب الوسط لا يوجد لديكم طلاب ضعفاء من ناحية المستوى التعليمي ؟ هناك شيء غريب في النتائج لأن كل معلم يعرف جيدا أنه لا يوجد امتحان معدل 90 الا اذا كان الممتحنين هم فقط طلاب مميزين في المدرسة .
الله ربك، صفوف الخامس تتقدم لامتحانات ميتساب وامتحانات تحضير للميتساب وامتحانات داخلية ، بنضربهن بعدد المواضيع، بيطلعولهن شي 40 امتحان بالسنة، تضرب هيك قوانين، بعدين بيحكوا عن الميتساب وتحضيراته اكثر ما بيحكوا عن التعليم نفسه. مهزلة.
غريبين انتو يا جماعة !
اذا المدرسة كل هالقد تعيسه ومش عبتعلم الولاد لا تبعثوهن عالمدرسة خلوهن عندكن بالبيت واذا هالمعلمين الي فنو عمرهن بالتعليم ليعلمو ولادكن مش عاجبينكن وشايفين حالكن بتعرفو اكثر منهن علموهن انتو وشو بدكون بالمعلمين ما حدا جابر حدا اليوم في كثير ناس بعلمو ولادن بذاتهن بالبيت وما بيبعثوهن عالمدرسة والشغلة قانونية ميه بالميه
حلو عنا يا اهل اخر زمن
اخوان. الفقير معلم وعايش جو امتحانات الميتساف. ما تفكرو انو المعلمين مبسوطين من التحضير لهاي الامتحانات لأنها حرق اعصاب بشكل رهيب. التفتيش بيطلب علامات وما بيظل غير العمل المجهد للطلاب المساكين وللأهل وللمعلمين. ما تعتبو عالمعلم والمدرسة لأنو بهاي الأيام الله يكون بعون المعلمين على الضغط والطلبات اللي عليهن عدا عن عملهن بالتدريس والسلوكيات.فما بقي غير تبرو ذمتنا وتعذرونا شوي. مع الشكر الجزيل والتمنيات بالنجاح للجميع.
بعد التحية ..انا استغرب جدا بعض التعليقات والردود ..ولنبدأ بان نفترض ان النتائج جائت مخيبة كما في احدى قرى المنطقه؟؟ماذا سيكون موقف الاهالي من هذه النتيجه؟ ثانيا امتحان الميتساف هو الاداة المتبعة اليوم لتقييم المدرسه وبغض النظر عن مصداقيتها فان نتائج المدارس في مجدل شمس تحتديدا هي نتائج جيده واقل الواجب هو شكر الهيئة التدريسيه ؟؟في ما يخص البرنامج التعليمي وعدد الساعات فهذا موضوع اخر لا علاقة له بتقييم المدرسه فكل المدارس تعمل بنفس المنظومة . تحية للمعلمين وتحية لادارة المدرسة التي تقدمت في تحصيلها ونشكر اهتمام البعض الذي نتمنى ان يخرج من تعليق عالنت ليصبح متابعه ورصد في كل ما يدور حول ابناءنا في ال 8 ساعات التي يقضيها بالمدرسة . ودمتم
معك حق، أصلاً المعلمين مضغوطين من المفتشين وطلباتهن ، بيحكوا معهن عن الميتساب اكثر ما بيحكوا عن التعليم، وعلواه حدا فاهم وين الله حاطّو!!
العجب بيعجبكنش يا اهل الهضبي بس السوالف خلينا