سأطرح في هذا المقال بعض الملاحظات فيما يخص أعراسنا التي أصبحت حملًا يثقل كاهل الدّاعي والمدعوّ، لا أعني ولا أقصد أَحدًا بعينه لا من قريب ولا من بعيد وهدفي الوحيد هو الإصلاح والابتعاد عن البذخ والتبذير والإزعاج كي لا تنزلق إلى أماكن لا تحمد نتائجها.
الدعوات للأعراس
يقال إنّ عدد سكان كفركنا عام 1948 كان لا يتعدى الألفي نسمة ومنذ ذلك الحين تكاثر عدد السكان أكثر من عشرة أضعاف، وعليه فقد كانت الأعراس قليلة وكانت مناسبة سعيدة يجتمع بها الأقارب وأبناء البلد الواحد على مائدة الطعام وكلٌّ يساهم في تكاليف الفرح حسب قدرته.
اليوم ومع تغيّر الظروف الحياتيّة والاجتماعيّة وزيادة عدد السكان في البلد فلا بدَّ أن نتوقف ونتساءل هل ما كان صحيحًا قبل ثلاثين عامًا يصحَّ في أيّامنا هذه؟ والجواب طبعًا لا.
لقد كانت الأفراح في حينه في ساحات البيوت أو في الشّارع بين البيوت وكانت تكفي وتزيد، واليوم حتى القاعات المفتوحة المقامة على آلاف الأمتار المربعة أصبحت تختنق بالمشاركين وسيّاراتهم.
لا أريد أن أخوض في عنصر التشبّه والمنافسة بين بعضنا البعض (ليس الكل) حول من كان عنده عددًا أكبر من الضيوف.
بالسطر الأخير ما أريد أن أقوله إنّ الدَّعوات يجب أن يحكمها معيار معيَّن وهو أنّ والد العريس يقوم بدعوة أقاربه، جيرانه، أصدقائه ومن تربطه بهم علاقة اجتماعيّة أو علاقة عمل قويّة، حيث لا يعقل أن توزع الدعوات على اليمين وعلى اليسار لأن فلان وعلان يشارك بالأعراس دون أن تربطه به سوى الحد الأدنى من العلاقة الأدبيّة والتحيّة في المناسبات أو في الشارع.
بناءًا على ما تقدَّم أتمنى أن نعيد النظر باختيار المدعوّين إلى أفراحنا ونلطف ببعضنا البعض لأنّه بصراحة كل شيء زاد عن حدّه انقلب إلى عكسه وبصراحة كما قالت العرب: بلغ السيل الزبى.
النقوط:
كما ذكرت سابقًا، كانت الأعراس في الماضي قليلة، ولذلك كان لها طعم خاص واليوم مع استلام شلال من الدَّعوات إلى الأعراس أصبحت الأعراس حِملًا ثقيلًا من النّاحية الماليّة بحيث إنها أصبحت عبئًا على أصحاب الدخل المحدود.
وفي هذا السياق، أؤكّد بأنّه من الأولى دينيًّا واجتماعيًّا وأخلاقيًّا أن يصرف مدخول الإنسان على لقمة العيش لأهل بيته وتربية أولاده وتعليمهم، ولا ننسى أن من يقدم السبت سينتظر الأحد بمعنى أن والد العريس الذي يتلقى التهاني والمباركات اليوم ينتظره التزام ثقيل وطويل في المستقبل للقيام بالواجب تجاه الناس الذين شاركوه.
لذلك وعلى ضوء ما ذكر سابقًا أعتقد أنّه يجب التقيّد بمبلغ متواضع من النقوط يستطيع الضيف احتماله ولا يثقل على والد العريس في المستقبل والجميع أحرار.
القبلات جميلة ولكن ليس في الأعراس:
إنّ العلاقات بين الناس هي على درجات متفاوتة من القرب والمودَّة والمحبّة وهذا شيء طبيعي وأنا، كغيري، أحب الخير لكل الناس ولكل منا دائرة علاقاته وصداقاته الخاصة. المعانقة والقبلة بين شخصين عادة هي ترجمة وتعبير عن مدى المحبة والاشتياق التي يكنها كل منهما إلى الآخر.
هنالك قانون في الاقتصاد مفاده انه إذا زاد العرض على سلعة معينة والطلب ثابت لم يتغير فإنّ ثمن هذه السلعة حتمًا سيتراجع وأترك لكم حرية التفسير.
لا أريد أن أطيل في هذا الشّق ولكن اكتفي بأن أقول بأنّ هذه العادة التي تلزم العريس ووالده بتبادل المعانقة والقبلات مع آلاف الضيوف لهي عادة غير مستحبة. المعانقة والقبلة تعيق دخول المشاركين بالفرح، ثقيلة ومضنية للعريس ولوالده ولمن يقفون إلى جانبهم وغير مستحبة صحيًا.
إذا لم أعانق وأقبل العريس ووالدة فذلك لا يعني أنّي لا أحبهم أو أنّي لست فرحًا لفرحهم، وإذا قبلتهم فذلك لا يعني بالضرورة أني أهيم بهم. وبناءًا على ما تقدّم، حبذا لو تمّ الابتعاد عن هذه العادة غير المستحبّة منطقيًّا واجتماعيًّا وصحيًّا.
الفرح نعم، الإزعاج لا وألف لا:
الجانب الأخير في ملاحظاتي عن برامج الأعراس والأفراح في مجتمعنا هو ضجيج السّماعات. أنا لا أنكر لا سمح الله حق أيّ شخص في هذا البلد أن يفرح كما يشاء بالطريقة التي يراها مناسبة وكيفما شاء، ولكن حقّه هذا ينتهي عندما يتم الاعتداء بشكل صارخ على حرّيّات وراحة بقيّة المواطنين في البلدة.
باختصار شديد، المقصود هو صوت السماعات للذي يدوي عاليًا حتّى ساعات بعد منتصف الليل.
وهنا أتوجه لإدارة المجلس المحلي بأخذ المبادرة عن طريق سن قانون مساعد يخوّل المجلس المحلي بالتدخّل في الحالات التي يتم بها إزعاج المواطنين دون حسيبٍ ولا رقيب.
فما ذنب الأولاد والأطفال الذين سيذهبون إلى مدارسهم وما ذنب العمال الذين سيذهبون إلى أعمالهم فجر اليوم التالي؟ ألا يستحقّون أن يشعروا بالرّاحة التّامّة في بيوتهم وأن يخلدوا إلى النوم كما يحلوا لهم.
كفانا مجاملةً لبعضنا البعض على حساب راحتنا وراحة أولادنا. فكلّ ما نطلبه خفض صوت السّماعات وعدم إلزام الآخرين بالمشاركة بالسهرة من بيوتهم رغم أنوفهم.
أرحمونا يرحمكم الله.
لك عتقونا حتى الافراح بدكن تضلو تنتقدو فيها وتروحولا بهجتا
مالانسان بينبسط قد شو بفرحة ابنو وبينبسط بلمة الناس حواليه
الي متذايق ميشاركش محدا بيغصب حدا عشي
ناقص نقعد ببيوتنا ويتحول العرس لخطيفي هيك اهونلكن واخف لبكي
مالحلو بلعرس عجقتووو وتعبووو
امثالك من الأحرار الحكي مش الهن الحكي للناس الطبيعية الي عبتسد نقوط من ورا لعرس احيانا بﻻسبوع 500 ش ( اابكنة والابن وﻻم ولبي ولاخت او لخي ) طبيعي كل انسان 100 ش غير ديون لعرس ولبيت لعمار
موضوع مهم ولزم الهلي يفكرو في لنو ليوم لعرس بكلف مبيلغ كبيري ولعريس عبضل مديون سنين وني عبحكي عن تجربتي ونشلا تضل ايمكن فرح
من خلال متابعتي للتعليقات الي عبتنزل عالمقالات الي بتخص الاعراس شايف انو كم ولد مش عارفين حالون وين ومش عبيدفعو من جيبتهن ليفهمو انو الاعراس بشكلها الحالي صارت عبء وعم تستنزف اموال الناس بصورة مقلقة والها ابعاد اقتصادية خطيرة للمستقبل .
ما حدا مانع حدا يفرح انشالله الكل بيفرحو بس لحتى تفرح حصرتك مش ضروري تفضي جيب الناس وتقلقلها راحتها !!!!! والاهم ضروري تركب عحالك وعاهلك عبء ترجيع الواجب للناس الي اجو لعند حضرتك.
بدي شوفك بكرا انت وعبنرد الواجب للناس الي اجو لعندك.. هذا اذا كنت من الي بيردو الواجب. . ساعتها بدنا نشوفك شو بدك تقول.. والله غير تصير ****
بعتقد انو موضوع مش لازم ينحكى في كل واحد حر بعرسو وفرحو ويلي متضايق من العزيمي بيقدر ميرحش عالعرس لانو مش فاتوره لازم تدفعا ويلي عبيتكلف بالعرس بيقدر يعمل عرس عقدو ويلي مش عبيقدر ينام بالليل من الموسيقى الله بعينك ليله وبتمرق
موضوع مهم للنقاش
ان المشاركه في الافراح لا تنحصر فقط في مجتمعنا الشرقي
كذلك الافراح والمناسبات السعيده في المجتمع الغربي تتم بها المشاركه لكن ضمن اطار المعقول والمحدد جدا جدا
فلماذا لا نقتدي بذلك وان لم نستطع لان الجذور العاءلي عندنا له امتدادطويل مثلا العريس عليه دعوة ( اقارب ست ست ستو )
الحل الوحيد الذي يمكن ان يخفف بعض الشئ هو توحيد المبلغ النقوط الى 50 ش للغني والفقير وبدون (بهوره على حساب מינוס )
يا صاحب المقال وغيرو نحنا مش متل كفر كنا نحنا عنا عوايدنا وهي المشاركي بلفرح ولطرح… وكل واحد بيفرح حب عليه لناس تشاركو ومش مطلوب من حدا يعمل شي زيادي عن قدرتو …..يعني حتى لسلام (بوس) صار يذايق هاذ حريي شخصيي وكل واحد بيعمل واجبو
يا جماعه كل صيفيي ونحنا مصيفين ففي كل صيفية اعراس من السنه يصرف من المال في الأعراس بين 2 مليون و 5 مليون شيقل جديد وفي 8 سنوات يصرف حوالي 6 مليون دولار وفي 10 سنوات يصرف حوالي 8 مليون يورو وفي 15 سنه يصرف حوالي 30 مليون دينار وهلم علی ما جرا يعني خلال 5 سنوات ممكن نبني متحف متل اللوفر أو نعمل مطار مثلاً ونشتري طيارتين وسلم للطلعه علی الطياره ونطير علی بوركينا فاسو أو مثلا متل ما عملو دول ال 5 وواحد باليد انو نعمل مركبة فضائية ونروح علی القمر نجيب تراب ونشوف اذا صالح للمعيشه لأن الأرض ما عاد وسعتنا كل هذا العمل بصير ب 10 سنوات بديلا عن أكل الكبه والكنافه وإحضار ***** يغني لفيروز لأن هذا لوحدو بيصرف بالسنه المجدلانيه 100 مليون اغوره جديده نسبياً بخلال 3ساعات من الطنب …أرجو فهم التعليق كدعابه للافراح
وين الدعابه بالموضوع ووين المفيد بالتعليق انك بتعرف اسماء العملات مثلا
يا عمي يلي عبيصير عندو مشاركي كثير عبيجمع نقوط بكفي لعرس وزيادي
كل الاحترام مقال كثير حلو وصح.اما عنجد تعودنا على هالشي وبتوقعش يصير في تغيير صار كل عرس هيك وتعود. كل التعاليق معن حق وخصا رقم 1 العرس حلو بعجقتوو وبتعبوو وبظلو ذكرى ليصيروا العرسان ختياريي.والفرح أو العرس يوم بالحياة. ال شغلي يلي لازم تنذكر بالمقال ولازملا حل هي تسكير الطرقان وبسس
اخفلك اريحلك انظفلك
مقال حلو كثيررر بس ما حدا راح يرد كل واحد بدو يكون عرسو مثالي وَيَا ويللي على بهورة هلي عّم تصير توزيع ورد كل وحدي بتخذ وردي اخر شي بتلاقيها على ارض مكبوبي مَش حرام هل مزودات هذة وغيررر نقل انواع وأصناف زيتون وجبن شي مضحك صايرة عروسي عنا بس كثرر خير بنك هلي عّم خليهن يعملو هيك
يا جماعة كل واحد يعمل عرسو عقدو ويعزم بس يلي بيعرفهن مش يمسك قائمة اسماء البلد ويعزم يلي بيعرفو ويلي بيعرفوش..ومن ناحية ثانيه كل واحد ينبسط واني من الناس يلي بنعزم بس عيلي بيخضني ويلي بعرفهن وغير هيك بنعزمش وبرحش فمنشان هيك الموضوع مش مضايقني ولا ماثر عليي..صح في اعراس كثير بس البلد عبتكبر وبعدنا قرية والناس بتعرف بعض ..كل واحد مش حابب يروح ععرس ميرحش بس من واجب صاحب العرس يعزم وها الشي بيرجع للشخص وامكانياته وقراره.
حسب رأي تعليق صبيه من المجدل هو اقرب للواقع اي ان منطقتنا في الجولان زادت كثير في عدد السكان وأغلب الناس بتعرف بعضها لا كن مش ضروري كل إنسان قلك مرحبه أصبحت مجبر انك تشاركو في أفراحه لذلك يستطيع كل شخص ان يختار من يريد مشاركته حسب ما يراه مناسب اما بالنسبه للعزيمه فجميع الناس مجبوره تعزم بشكل اجمالي لان بعد العرس تبدأ المعاتبه ويمكن هوا ما بدو يشاركك ولكن إجت لإدو ليطلع عليك بالعالي لذلك العزيمه تكون بشكل شامل وأنت تقرر اذا تشارك او. لا
الدعوات للأعراس : ألدعوة مش فاتورة ومحدا غاصب حدا يروح … بس اللي بتوصلوش عزيمي بيرحل اهل العرس .. ليك بدي قلك سر .. كرت العزيمي بتمضيش بس تستلموا .. بدكش تروح .. خزقو وقلن موصلكش
النقوط: لا يوجد منطق في العالم يحدد هذا المبلغ .. العريس المديون .. لانو سافر بنقوط العرس بدل ميسد ديونو .. كل حدا بينقط قديش بدو كمان مش فاتورة للدفع .. والعريس اللي عبيحس عبيثقلو علي .. يحطن بمطموره .. ويرجعن للناس
القبلات جميلة ولكن ليس في الأعراس: أوأيد هذه النقطه .. وخاصة بعد وجبة غداء دسمة لجمع المحتفلين وقبلات مع كافة انواع الطعام والحلويات
الفرح نعم، الإزعاج لا وألف لا: يوجد قانون يمنع الازعاج في ساعات المساء .. اذا كنت كثير متذايق تلفن للشرطه وقلن انك مزعوج من الجيران .. اني بقترح تنزل تدبك مع جيرانك .. بس سطفل
الناس عنا خليهن للانتقادات وبس وكل شغلي بدن يعملو منا شغلي كبيري وهي بتستاهلش كل هشي خلو هناس تفرح والناس يلي تزوجة مش معجبا كمان بصرش ناس اجو حضرو بعرسك وانت مترحش وها بيرجع الك .خلص بكفي انتقادات وبس بدكن شي موضوع تحكو في يلي بينعزم في ميرحش والقرار الو محدا جابرو يروح خلو هناس تفرح الواحد بيتزوج مره بيطلعلو ينبسط
كثير حلو لاكن كل شخص حر في بيته . مثلا” اليوم افكر عندما اريد تجويز احد اولادي قررت ان اعزم من 50 الى 70 زوج فقط وحضور من دون تكليف يعني مش راح يكون هناك صندوق للنقوط ومش راح اقبل نقوط من اي شخص العزيمه راح تكون على الشكل التالي اخوتي من دون اولادهم اهل العروس كذلك اللمر وشي 10 اشخاص من العيله . صديقي من الساحل عملها وقلي كثير مرتاح
100 % בעיניי אתה צודק , וזו דעתי האישית גם שתומכת בדעתך
مساء الخير وانشالله الكل بيفرح. قرات المقال الكاتب حسب ما قرات ما عميلزم احد ان يلتزم بالمكتوب بس المقاله فيها وجهت نضر وانا شخصيا بحياتي ما شاركت بي فرح لان صاحبو هو فلان .
العريس واهلو بتوسعهنش الدنيا من الفرحه يوم العرس حتا لو في شغل العرس حلو بلمشاركي بتشوف الناس عبيشاركوك فرحك صح الافراح صارت بتكلف كثير اما كل انسان حر بعرس ابنو والنقوط قد ما بتنقط بيرجعلك قدن مش ازود لهيك خلي الناس تفرح بيكفي اغلب ايام السني هموم ومسوئوليات لان الانسان ما بيسدق ايمتا يجوز ابنو ليفرح
تتوقف حرية الفرد عندما تبدأ حرية الاخرين- هذا النص موجود في دستور الولايات المتحدة.
نعم هذا صحيح في امريكا وعند الشعوب الراقية اما عندنا نحن العرب فالعكس صحيح تماما.
من خلال التعليقات حسيت انو عنا ناس بالفعل بهمها تغير الامور من الجذور بس السؤال ليش بس منعلق عالمقال ومنكتب ومننشر ومنحكي ليش منبلشش نفعل خلونا نعمل خطوه جديده نقترح اي شي لنحاول نوفر مصاريف العرس للمعقول والمحدود لا يكون شحيح ولا بطر وثقيل عاهل العرس وعالمدعوين …اذا بالفعل حابين نغير للاحسن لانو المنشتغلو بالشتا عمنحطو بالصيف لنجوز حدا من قرابتنا ونتبهور طبعا(مش كل الناس )
يا جماعه مبارح كنت بعرس بالفعل شي بتر عالحل بترر…قعدنا شي نص ساعه شفنا اكثر من 1000 نوع حلو وفواكه طبعا قبل ميجو اهل العريس بس وصلو اهل العريييييس بلشت التضيفات انواع حلو غريبه عجيبه كيك كاتو فواكه كمان شي 500 نوع زياده وصدفه عبيحكو انو زينت العروس وعاملنلها معرض صور من وهي صغيره لكبرت وموسيقى واشي فاخر عالاخر قال الزينه كلفتها بسسس 12000 يا بلاش وحاله الجماعه عقدها مش ملوك السعوديه وقاعدين ع بنك …..سؤال حسب رايكن ها هو العرس او سهره العروس هيك لازم يكون بتر ولا ها عادي غير هيك بيحكو علينا؟ طب المش قدرتها تعمل كل هالشي وعملت سهره عالخفيف وزينه خفيفه ومرتبه وتضيفات عاديه بدون مزاودات ليش بس نفل من العرس منقول العما هالضيفه شو مانشحه وليش هالبخل وليش هالزينه خفيفيشو كل يوم بدها تتجوز وبالمختصر منمليها حكي ؟ ؟ ومحدا يقول اني بحكيش لانو كلو متل بعضو كلو بس يدير ضهرو صعب يضل ساكت بدو يحكي…….شفتو ليش الناس عبتعمل كل عرس ازود من القبلو مش لانهن قاعدين ع بنوك مصاري مش عارفين وين بدهن يبعزقوهن لانو الناس عنا بتشرشحهن اذا في شي قليل يعني حاجتكن انتقادات عاد وكل واحد يعمل البيريحو والمش معاجبو العروسه الخفيفه يضل بالقاعات مع الناس الهاي لايف البهواره ويدفع مافوقووتحتو يوم عرسو ويغرق بالديون
يا اخواني وخواتي لايمتا بنا نظل ناقش اشياء تافها وكل سني بنا نعلق عشغلي كيف وليش صارت وبل اخر كل واحد بيعمل يلي بيريحو لازم نحترم اراء الغير في اشياء اهم من هيك لازم نهتم فيها
الحل كثير بسيط
واني بلشت فيي
ما ترحش غير عالعرس هلي ملزوم في
وبس تتجوز عزيم بس القرايب والاصدقاء اللزم وما تردش على حدا
خلص عاد طلعو من هالراس
كل واحد بدو يعمل قاعه على حساب الناس ويتفشخر
بدي شوف كم واحد بيقدر يعمل قاعه لو بيصير متل النذر بدون تكليف
او العرس بدون نقوط
بيصير الواحد بيصير بني ادم طبيعي وبيعزم بس الملزوم فيهون
ليكو كل العالم بتعزم كم شخص مرات ٥٠-٦٠ شخص وهلي بدو يكثر ١٠٠-٢٠٠ وبيعملو عرس عالذيق لا بيزعجو حدا ولا بيسكروا على حدا
بس نحنا والعربوتشيم بعدنا ماسكين هالراس ومكيفين
لك حتى عند اليهود هلي حاسبين حالنا احسن منون بعد ال ١٠ بيجيبو الشرطه للي عبيزعج ويعمل حفله
صحيح انو كل واحد حر بحالو. بس عنجد الناس عنا زودوها كثير بالبهورة والصرف على الأعراس. يعني الواحد يلي بدو يجوز أبنو بدو يبلش يجمع مصاري ويعمل حساباتو للعرس من قبل العرس بسنة وسنتين.مش حرام هالشي كلو ؟! وبالاخير منشان يرضي آراء الناس ومنشان ما حدا ينتقدو على عرس أبنو او بنتو؟! اكبر سبب للفشل بحياة الانسان هو محاولة إرضاء الآخرين. اني اذا بدي ظلني فكر كيف ارضي فلان وكيف ينبسط مني فلان بحياتي مش رح انجح ولا حقق شي من أهدافي ورح ظل إنسان فاشل. واذا ملاحظين صار قسم من الناس اليوم يخفف من المظاهر شوي شوي ولحالن. يعني سهرة العروس قبل بيوم من العرس. قليل جدًا من الناس اليوم يلي بيروحو( اهل العريس) لعند العروس قبل العرس بيوم. والبوفيهات تبع العروس صارت نادرة .. يعني الناس صارت تحس عحالها شوي وتخفف من هالمظاهر التافهة ويلي بتوجع الرأس وبتفضي الجيبة. اني مش ضروري اشحذ عالطرقان وصير عوي منشان جوز ابني او بنتي. بعدين بما انو الشعب عنا بيحب يقلد الأجانب بلبسن وبقرفن يتفضل يقلدن بشي حلو. عندن الواحد بيقرر يتزوج بين يوم وليلة وبيعزم اصحابو واقرباؤو بناش نقول عشرين واحد ياعمي يعزم خمسين او مية منيح ويعمللن حفلة زغيرة بشي مطعم عقدو مع عشا خفيف وهي كانت. وهذا أحلى عرس. وخلصنا. ولا نحنا بس شاطرين نقلد الأجانب بأشياء مقرفة لدرجة انو نسينا انو نحنا دروز ؟! تفضلو قلدوهن بشي عادة حلوة ومنيحة !
تعليق كثير حلو وبمحلو تماما …بوافقك الراي ….فسرتي مجتمعنا بكوم كلمه …بالفعل ها نحنا وهيك عايشين وها مجتمعنا وبدي زيد نقطه عالتعقيب اذا في عرس لقرايبنا لازم نكون اهم من العروس نلبس فستان وموديل ومكياج مش اقل من 1000 شيكل والضربه اذا عنا 5 او 6 عروسه بالشهرين الاعراس لقرايبنا او صحابنا او حدا تبعنا متل ما بيقلوها …كمان. ها صرف وبتر ومزاوده لانو نص المعازيم الصبايا بيكونو مغطيين عالعروس باللبس والمكياج والشعر بتبطلي تعرفي اياها العروس بالضبط
يعني يا عمي رافع اماره كثير ميت الف خيرك انك نزلت هيك مقال .. ولله يا اخواان نحنا عنا بلهضبي شعب بيعرفش الله ان كان هلي بدو يتجووز او هلي بدو يشارك بلفرح او العرس او غيروو … العريس صار متل المجبوور يحط الي فوقو والي تحتو ليتجووز وعاساس “ينبسط” فعليا مشان يبسط هل بشر مشان شو .. محدا يقوول عنو اي شو كان عرسو بخس وفي ونفش ومن هل حكي .. والمعازيم والي هن حيايا من تحت تبن اي بيشرشحو عل
يلتوو للمعثر العريس اذا ابيتمنفخش وابعملش عرس متل ما فلان عمل وعلان ساوا .. ولك يا عمي خلص عااد وعااو عاحلكن وعلى الي حوليكن وعااو .. ان كان عرسان او معازيم .. بشكل عام الواحد بس يتجووز بيتجووز لينتقل من العزوبيه للعيش مع نصو الثاني يعني مرتوو وينبسط هو وياهيا ويروحو ويجو ويتعرفو عل حيات شوي شوي بينما عنا بيتجوز الواحد لحتى يتفاخر ويعمل عرس قد ما هوو ويضلو 4 او 5 سنين الله خير اذا مش اكثر ليسد حق الي بذرو بعرسو ولا بيتهنا بجيزتو وطول الوقت ديون وفش مصاري وطاخ طيخ لالله يفرجها .. عتقونا عاد بيكفي فزلكي وحكي فاضي .. العرس فش اجمل منو لما يشاركوك فيه الناس الي حوليك ومين الك مش كل كل القريه بيت بيت ما كمان بيصير الشي مش منطقي .. اني شخصيا بعرسي بدي اعزم قرايبي وصحابي وجيراني علي الي وجه عليهن واهل وقرايب ومرتي وصحباتها ومين الها عن قريب وها هوو نعمي وللمنفخه باواعي البيت بدي اتجووز مشاان صير حديث كل اهل الهضبي والجليل كمان كيف تجوزت باوعي البيت …. لشوو البعزقه وقله العقل اي شو اني اول واخر واحد بدو يتجوز او هيي .. خليك بسيط بتنبسط وشكرا
حسبو معي لبدله عيب تكون ب ٣٠٠٠ صار لازم تكون ب١٢٠٠٠ وطبعا هي بدلة اول يوم ويلي هو النوف اما بدلة السهره وبدلت لعرس كمان شي ١٥٠٠٠ هو ٢٧٠٠٠ هو بدلات لعروس بدلات لعريس يحرام لانو مشحر وتعبان بقرشو بيرضا بثنتين وعسا يكلفو ٧٠٠٠ تزيين السياره شي٥٠٠ واكل لعرس والحلو وها غير القاعه واثات البيت ولبيت ذاتو …….. الخخخ عنجد حرام الله شفقان علبشر بس البشر مش عارفي تشفق عحالها عنجد حرام وبعد لعرس بسنة منصير نفكر كيف بنا نوفي ذمتنا اذا كان في ذمي واذا كان في مصاري مش ضروري اتبهور وارجع اشحذ عشان سد نقوطي هي لشغلي بايدانا يا خواتي واخواني كل يلي نذكر فينا نختصر منو ونوفر عحالنا هي صح اجمل ليله بلعمر بس فش حاجه منشان هليله ضل لاعن الساعه يلي تجوزت فيها ….. والحكي بهيك موضوع ما بيخلص وبنفس الوقت ما بيشمل لكل لان في ناس بتخاف الله والرحمه والشفقه موجوده عندها بتمنا غدا نرتقي