مجهولون يقتحمون البنك في كنيون فريد

4

اقتحم مجهولون فجر اليوم فرع بنك العمال في فريد  مول في مجدل شمس، ويبدو أنهم لم يتمكنوا من سرقة أموال أو أشياء جدية.

ومنذ الصباح الباكر قامت الشرطة بإغلاق المكان، ومنعت الدخول أو الخروج، حتى لموظفي وعمال البنك والمصالح التجارية في الكنيون. إلا أنها عادت لاحقاً وسمحت لجميع المصالح بالعمل بصورة اعتيادية.

وبحسب المعلومات المتوفرة فإن مجهولين اقتحموا الكنيون قرابة الساعة السادسة إلا ربع، من خلال سوبر ماركت شقير، في الطابق السفلي، ثم اقتحموا فرع البنك، وعندما شعر حارس الكنيون بوجودهم، قام بالاتصال بالشرطة، لكن الفاعلين فروا من المكان قبل وصولها.

1

2

3

5

6

7

 

تعليقات

  1. ولله يصلحلنا علوضع الي وصلنالو
    الله يعوض السيد شقير
    وملان في كميرات ومعريخوت وازعكوت
    يعني لازم ينعرف

  2. بنك طول وعرض وباب قزاز؟!!! الله لا يوفق كل انسان مخرب
    نشالله ينعرفو عن قريب وميكنوش منا وفينا لانو بتكون خجالة!

  3. يا اعزائي.
    زمان وضعنا كان احسن من هيك بكثير . تذكرو معي اخر كوم سني قديش صار في احداث ببلدنا شغل عصابات وسرقات وحشيش ودعاره وحتی قتل. قبل مكناش هبك.
    مش عارف شو بدي قلكون اما شكلو עולם תחתון بلش يتغلغل بنفوس شبابنا وشكلها المنطقا رايحا عاوقات مظلمي.
    بتمنی كون غلطان.
    ربي يحمي بلدنا

    1. انت الصياد يلي فعلا صاد المغزى لان هذا هو المنطق الوحيد يلي ببرر هيك فعل وافعال كثير سبقتوا وزادت باخر كم سنه وحطت المجتمع بدائرة الاستهداف والتغلغل لافكار وافعال ما تعودنا عليها بس يلي عم يشتغلو على هالشي عبيشتغلو صح وعبتوصل الافكار بوقتها ومكانها المزبوط للاسف ..
      نشالله كمجتمع نقدر نفيق على هالانذارات قبل فوات الاوان وقبل ما تصير المجدل متل ما صاب كثير من القرى والبلدات والامثله كثيري ..

  4. الرزق السايب بعلم الناس الحرمني لازم ينوضع حد قبل فوات الوقت فينا نحط حارس مشترك للمنطه ونعمل بوابي باخر كل بلد ولما يحس عاي سرقه او اي عمل تخريبي بتتقفل البوابات كلها ففش مجال انو يهرب وبتعرفو منطقتنا سهلي لهيك شي لانا اخر بلد هون ففش مجال لانو يروح صوب الحدود فها الشي بيمحي هي الظاهره وهذا مش اول مرا بتصير قبل اقل من شهر كان في سرقه لمحل عنا بالمجدل

    1. الفكره حلوي مش بطاله بس بدك دعم للبوابات والحمايه متل الكيبوتسات بس المشكله نحنا منطقه سياحيه والدوله والمشترا والمسؤولين عن هي المواضيع مش رح يسمحولنا نسكر بواب حمايه علينا الافضل كل محل بهالبلد يسكر بواباتو ريشت حديد ويحط كاميرات

    2. بيكفي انو يهرب بقلب البلد ليضيع شو شايفنا زقزوقين بلد قد طي الغيم الها اكثر من مدخل رئيسي كيف بدك تحطلها بوابات وحارس للمنطقه ??!!! وبعدين كيف بدو يحس عسرقه اذا الحارس باول البلد والسرقه بنصها بلقمر الاصطناعي ?

    3. الله يوفقك احلا فكره ينحط باب والباب بدو بواب متل بباب الحااره…

  5. اول شي اني بتوقعش انو يكون انسان من لهضبي لانو اهل لهضبي ناس منيحا ومش ممكن يفكرو يسرقو وبيفكروش ينزلو لهيك مستوا…ثاني شي هلشغلي لازم تفتح بواب كثيري لازم نحنا نوعا وندير بالنا على بعض لانو للاسف وصلنا لوضع انحطاط كبير…كنان لازم كل انسان غريب بلهضبي اذا عمال او ناس مستاجري كلهن لازم ينكحتو لانو هو بيجيبو لمشاكل من ايخر لدنيا…ومش ناقصنا وصخ وقرف يلي فينا مكفينا بتامل من لناس لكبيري انو يكون في شغل علموضوع…ولا اجر غريبي تفوت عهلبلاد…وبلاخص للناس يلي عندا شغل حواش…ولكل كبلان عبيجيب لغريب ويشغلو وينيمو بينا…..شكرا

    1. كل الاحترام الك على الكلام الحلو الان بشغلو الغريب وبيتركه اهل اهل البلد

    2. يلي سرق من قلب قلبها للهضبي مثل ما بيقول المثل (دود الخل منو وفيه) اهل الهضبي كانو زمان مناح اليوم ما عاد في منيح يا عيب الشوم عالوضع الي وصلنالو بعد ما شفتو شي كرمالا للاسوأ وعبتزيد لان شبابنا ما عندهم كبير وما بيتصلحو السوس غلغل بعظامهن يا حيف عبلادنا الجنه يسكنها هيك عالم .

  6. الى مجهول..شكرا الك…الى قلب محروق اولةشي سلامت قلبك بعيد.لشر..ثاني شي اذا بدنا نضل نقول انو في منا بيسرقو وفي منا بيعملو مشاكل ومن هلحكي مش راح نحل لمشاكل بلعكس بدنا نزيدها…عنشان هيك لازم ينشغل علموضوع وبلكي نالله راد بتزبط لامور شوي شوي لحمدالله بعد في احترام للمشايخ ولماس لكبيري…صح انو في كوم شب يلي ما حدا بيمون عليهن بس لاكثريي بعدها ناس بتفهم وبتتقبل كل شي…شكرا

  7. الشغلي هي بتصير بكل مكان بالعالم وبتوقعش إنّو واحد من الهضبي لأنو الحمدالله محدا مييت من الجوع

التعليقات مغلقة.

+ -
.