بعد جهد جهيد نجحت فكرة تحديد شارع في البلدة لتكون حركة السير فيه باتجاه واحد، وبعد عدة أشهر على ذلك لمسنا التزام الأغلبية شبه التامة من الأهالي بذلك، حتى أصبح هذا الشارع نموذجاً يمكن الاحتذاء به في شوارع إضافية في البلدة، الأمر الذي من شأنه حل قسم كبير من مشكلة السير في شوارعنا الضيقة.
ولكن الأمر يصبح غريباً، ومؤسفاً، عندما يقوم واضع القوانين بخرقها.. فيوم أمس التقطت عدسة الكاميرا نائب رئيس المجلس المحلي في مجدل شمس وهو يسير في هذا الشارع في الاتجاه المعاكس، ما أثار الدهشة لدى عدد من الأهالي الذين شاهدوا هذا المنظر.
لقد قام نائب الرئيس أولاً بإقاف سيارته بطريقة فوضوية وسط الطريق، فعطل على حركة السير لمدة تقارب الربع ساعة، حيث دخل إلى أحد المكاتب، ثم عاد بعد هذه الفترة ليركب سيارته ويسير بعكس حركة السير في الشارع المحدد للسير في اتجاه واحد فقط، لكنه بعد أن انتبه إلى أننا نقوم بتصويره، تظاهر بأنه يريد الدخول إلى أحد المحال المجاورة، ثم عاد واستدار بسيارته وسط الطريق، متوجها هذه المرة بالاتجاه الصحيح، مغادراً المكان وهو في حالة ارتباك.. وربما خجل…
يا سيد نائب رئيس المجلس: لا حاجة للارتباك والشعور بالحرج.. التزم بالقوانين التي وضعتها أنت بنفسك للناس، لكي يلتزم الناس بها…
١. حبو بعض يا جماعاا، وبتوقع في شغلات اهم من هيك موقف لازم يكون عليهاا انتقادات واستطلاع عليهاا. ٢. اذا وقف حركه السير لمده ١٥ دقيقا . اني شخصياً بس بدي اطلع جيب شي من السوق بل سيارا ، بدي ٣٠ دقيقا لارجع علبيت من حركه السيررر . يعني بكون ممنونك اذا بتلفت انتباهك للنقطه هي وتوصلهاا الى نائب الرئيس . عشان يلاقو حل .
اول شي بالمره الاسلوب مش حلو انو نتوجه لشخص بهالطريقه يا سيد صاحب الموقع هذا اسمو تشهير بالانسان حتى لو خالف القانون بس اسا هوي بحقلو يعمل اي شي لانك مصور حتى سيارتو بدون ازن منو يعني اخترقت باختصار حقوقو الشخصيي ..وجد انو بكفي تشهير ببعضنا لانو كل واحد بيعرف حالو وجل من لا يخطئ ..
هذا لا يسمى تشهيرا لأن الشخص المذكور هو شخصية تشغل منصباً عاماً , والموقع محمي قانونياً لأنه يملك إثبات على ما قاله ، فالصور المعروضة كافية من الناحية القانونية لذلك.
رايي مش حلوه تحطو الرجل بهيك موقف لان كل شخص معرض يغلط هيك غلطة
يا صاحبي ..فيقق هذه مش غلطه
غلطان حبيبي كثير حلو شي لو شي شب زغير كنتو شرشحتو ومتركتوش تشقعيا الا مشقعتوها
لازم ينحط بهيك موقف وبراي انه لازم يستقيل من منصبه ليكون قدوه لغيره.
تعريف الغلط او الخطأ: “الغَلَطُ أَن تَعْيا بالشيء فلا تَعْرِفَ وجه الصواب فيه”.
عذرا بدي اكتب بالعاميه لانو هيك موقف بدو عاميه !!!!!!اني شخصيا بمرق عهلطريق مرات بالاتجاه المعاكس …حطوا حالكن محلي ….بجي من الشغل وبمرق لاخذ البريد بحاول لاقي محل لوقف “افش” بوصل لقدام الصندوق باخذ البريد وبدي اطلع ما في مجال لدور الكل صافف عجنب بحاول ارجع لورا حتي بيت عصام شمس ما فيي … هوي لقدام صعب نمشي هونيك لانو ملان ولاد علملعب ومنهن ولادي طبعا فبضطر امشي بعكس السير …. اذا صوروني شي مره عرفوا انو يمكن من شين هيك عبخالف السير ونشالله تقضا معنا عكمرة الخال وما تكمشنا شي كمرة بوليص ….وعلى شرشحه مهندس وعبخالف السير… اني شخصيا من الاساس معارض على اتجاه الطريق او ينقلوا البريد لانوا الدخله من الجهه الغربيه حتى نصف الطريق ….يعني طريق بلا مخرج بلا محل التدوير؟شو رايكن؟
زميلي المهندس اسامة :
انت تعمل في كريات شمونه فهل تستطيع هناك ان تسير ولو متر واحد بعكس حركة السير ؟ هل عرفت الان لماذا هناك نظام في كريات شمونه وعندنا لا ؟
وبالنسبة للبريد فهناك الكثير من الحلول : فاما ان تاخذ البريد عندما تكون خارجا من بيتك وانت تسير من الشرق الى الغرب او بكل بساطة بيتك يبعد عن البريد 150 متر فيمكنك انت او زوجتك ان تاتي مشيا على الاقدام لاخذ البريد .
انت مهندس .. ومهندس ناجح .. واعتز بك كزميل .. لكن تعليقك ليس بمكانه .. اعذرني ..
حلو التعليق لازم كل واحد منا يلتزم بلقانون زغير وكبير ليش الزعل
يا لطيف هالجريمه ,واذا نائب الرئيس ممنوع يغلط ?
عندما يشغل الشخص منصباً عاماً , فيما لو كان ذلك رسميا او اجتماعيا رمزيا , فان الحكم على سلوكه يصبح مشروعا لكل الناس . فتبوؤ المناصب العامة لا يحمل في طياته فقط فوائد لصاحبه , بل على العكس تماما . ففي المجتمعات المتحضرة يضعه ذلك تحت عدسة المجهر , وتصبح تصرفاته محسوبة عليه , لكن , وللاسف الشديد , في مجتمعاتنا الشرقية المتخلفة يصبح المنصب العام وسيلة لجني المكاسب والوجاهة , ويعتقد المسؤول انه يحق له ما لا يحق لغيره , ولا يحق لاحد محاسبته على افعاله . ان انتقاد اصحاب المناصب العامة ومحاسبتهم على اغلاطهم هو مقياس لمستوى رقي المجتمع وعدم تفشي الفساد والمحسوبية فيه . وعندما تغيب محاسبة المسؤولين وانتقادهم , فاعلم ان الفساد متفش في هذا المجتمع حتى النخاع .
هذا هو الكلام الصحيح.
صديقي المحامي,
أنا ومع معلوماتي المتواضعه في القانون, أعرف بأن القانون لا يمنع السير بواسطة السياره ألى الخلف “ريفرس” في طريق بأتجاه واحد, والسيد المحترم نائب الرئيس تم تصويره وهو يسافر ريفرس في شارع بأتجاه واحد. حيث الصوره المرفقه لا تظهر بأي أتجاه كانت السياره تسير, ألى الوراء أو الى الخلف.
الخلاصه القانونيه وكما يقال في لغة المحاكم : ” יש לו קייס ” وللمره القادمه عليك تصوير فيلم فيديو يظهر أتجاه حركة السياره .
🙂
صديقي المتابع وشو مع 5 شهود كانو موجودين وشافوا سيادتو عبيسير بالتجاه المعاكس؟؟؟ ما اجت عبالك مو!!! لا وفلهوي كمان …. ومتابع ع ع ع ع ع … ودخل ال קייס تبعك اني
ولماذا تعتقد أننا لا نملك فيديو يوثق ذلك؟
أخ نبيه هل هنالك خطأ أعظم من الشعور بخطأ الآخرين ؟
واللهي يلي مبين انو لا انت ولا النائب المحترم ״יש לכם קייס״ و التبرير عن الخطأ بلغة محامين أو شبه محامين خطأ بحد ذاتو و ما بيمشي حالو.. بيكفي معلم!
الا تملك اشياء اخرى تتكلم عنها؟
انت تحرض ابناء بلدك على بعضها بعضا
يكغي كراهية
انت تذكرني بأولاد جارني عندما كنا صغارا
استعملنا كلمة (حندقك) وانت تفعل ذات الشيء
سيد عمرو معذور تحكي هيك حكي لانو اذا ماحكيت بشلحوك الرخصه تبع مساخ الدعايات عالدوار
اني حسب رايي ها مش غلطه كثير مهمي ومش مستاهلي كل هالشوشره لو هالشهود قد حالون كانو وقفو وقلولو ليش هيك عبتعمل بس هن خافو بكرا شي يوم يعتازو منو شي شغلي لمصلحتون وما يساعدهون
خذو اسا عتمسيح جوخ
كل واحد بخالف لازم يتحاسب لعما بقلبكن شو بتعملو حالكن رايقين
بدهاش تفكير **** ,, اسا لونو شي شب كنتو مسحتو كرامتو بالارض منكثر التشاقيع
برأيي هذا خبر بمحلو ولا يعتبر تشهير بانسان، كل واحد كتب تعليق ضد الخبر في اكثر من احتمال:1. الاشخاص نفسهن بتربطهن صلة قرابة بالنائب (او النائب نفسو)
2. هلناس بتسير بعكس السير وبدها تبرئ موقفها.. شكرا على تنزيل الخبر المهم والي بدل على التعالي والفساد الموجود لدى بعض الاشخاص بالمجلس المحلي وعدم الاكتراث للمصلحه العامة بل للمصلحه الشخصية فقط
لو كل انسان فينا انطلق من بيتو ما كان في عنا فوضى . وعنجد كان وضعنا احسن من هيك بكثير .و كل واحد بيقول يلا ما بنكدش مش راح تخرب الدنيا . وحسب رايي لحتى يستقيم مجتمعنا ويبطل عوج ومحسوبيات لازم عطول ننتقد يلي بيعمل مشاكل . وبقترح على موقع جولاني يعمل صفحة يسميها وين الغلط . وبين قوسين مش هذيك الجريمي يلي ارتكبها بس لازم يكون قدوي للاخرين لحتى الناس تتعلم منو ويقولو شو هل النائب الراقي يلي عنجد بيحترم القوانين يلي سنها.
الانسان بتجية سيعة كل 24 سيعة بيكون مخو مقفل فيها . نيال يلي
بيكون نايم بهل سيعة .
وبلا طولة سيرية كتبولنا على موضوع اهم من قطع الشارع بل عكس .
لا يا سيد يا مسؤول عن الموقع أستمحيك عذراً.. فتقريرك ليس بمكانه و هو يدعي للتحريض و هو مدعوم و برعاية المنطق الغير معترف عليه ببلدتنا.
فيسمح للمسؤول العربي المدعوم يا سيد بما لا يسمح به لي و لك فهو مسؤول و ناااائب رئيس مجلس محلي! ربما كان بطريقه إلى حاله طارئه في المجلس و هنا غايته تبرر الوسيلة النكراء، الم يخطر هذا ببالك؟!
المحامي و المهندس و المواطن العادي يدافعون عنه و عن فكرة الفوضى بشكل أو بآخر، فمن انت كي تتهم السيد نااائب رئيس المجلس المحلي بالخطأ!!؟؟ فقط اشكر باريك بأنه ليس نائب رئيس مجلس إقليمي.. استيقظ يا سيد!!
و أخيراً إياك و أن تذكر موضوع طلب اعتذار منه ****، فهو ليس مدين لي ولك بذلك، لماذا؟ لأنه مسؤول و يحق لهم الغوالي!
-ليش مسمينها غلطه هذه مخالفه سير وليست غلطه ٠ ٢- التوقف لمده ١٥ دقيقه
افضل ان ياخذ هذا الموضوع كميه كبيره من الاهتمام ليكون عبره ٠
ارجو من مدارسنا ان تخصص حصه لتعليم قوانين واداب السير (انا بعرف نو ما راح يلتزمو بس مع الوقت والتكرار بسيرو يلتزمو شوي )
ملاحضه في شي اكثر من ٢٢ تعليق قراتهم وصاحب العلاقه ما تنازل واعتذر على المخالفه وبالاخص لاانه شخصيه عامه لازم يعتذر علني ٠ ويلي عبدافع عن هاي القضيه ارجوه ان يلتزم بقوانين السير لانه بتلاقيه بشوارع تل ابيب بيمشي على العجين ابلخبطوش ٠
ليش من انتو لحتى يعتذر منكن…..
بعد التحية ..برأيي المشكلة الكبيره ليست بنائب الرئيس ..فالكل يخطئ ..مع انه بواقع عملة علية الالتزام بالقوانين التي هو نفسه فرضها ..ما علينا ..المشكلة او المصيبة الاكبر هي بهؤلاءك الذين يدافعون عن الخطأ .ولهم نقول …قل قولا حسنا او اصمت يا رعاك الله . دمتم .
اتوقع يااصدقائي هنالك امور اهم بكثير من هذه المقاله التي علينا مناقشتها …. ليست فقط تعدي قوانين سير بمجدل شمس ان كان النائب او الرئيس او ……اصحاب ذو شأن
ابناء بلدي الاحباء اصحو واوعو هنالك الكثير من الامور التي تنامون عليها وشغلكم الشاغل النائب يخالف قوانين السير
تأكد يا صيديقي (المنطق ) أنو الأمور هلي منعتبرها صغيرة أو سخيفة أهم بكثييييير من الأخطاء الكبيرة لأنو نقطة ورا نقطة بيصير عنا بحر ومنغرق فيه … فلازم نحاسب على الغلطة الصغيرة قبل الكبيرة …
للفت انتباه المتابعين 🙂
ليش بالذات ركزتو على نائب الرئيس يعني ؟ اذا بتدققوا بالصور بعد مره بتلاقوا انو في عالاقل 3 سيارات موقفات بالاتجاه المعاكس …
تعو نسأل انفسنا سؤال كالتالي : كيف باقي السيارات موقفين بالاتجاه المعاكس ..؟
رحموا بعضكن .. ربنا بيرحمكن..
عشان ميصرش بلبله .. تعو نقول انو الاسم “متابع اخر ” ومش متابع
يا زلمي بدك تطعمينا بعقلنا حلاوة فش بالصور ولا سيارة موقفه بعكس السير العما لولا شوي صدقت
يا جماعه اني بعذرو لهلزلمي بحاله وحدي بس اذا كان جاي من جهة الغرب والدوار مسكر متل العادي لان بتطلع روحو الانسان لحتى يمشي مترين قد مافي زركي فبيضطر يعمل السبعه وذمتها ليطلع من الزركي مش بس يمشي بعكس السير
غريب.. الناس عمتعمل تبرير لخرق القانون و**** و بدها هالبلد تتقدم!