يبدو أن تخريب الممتلكات العامة أصبح موضة في منطقتنا، خاصة في غياب أي حساب لمن يقوم بمثل هذه الأعمال.. ألم يحن الوقت لوضع حد لهذه الظاهرة الآخذة بالتفشي.. وهو أمر في متناول اليد؟
يوم أمس تلقينا في موقع “جولاني” اتصالين من جهتين مختلفتين في مجدل شمس، تحدثتا عن عمليات تخريب للمتلكات العامة يقوم بها فتية، الأولى في المدرسة الابتدائية أ، والثانية في إحدى محطات المواصلات العامة قرب “عين القصب”، وبعضهم زودنا بصور وتسجيل فيديو لهؤلاء الفتية وهم يقومون بعمليات التخريب، دون أن يقلق “المخربون” حتى من عملية تصويرهم، بل على العكس، قاموا بسب وشتم من طلب منهم التوقف عن التخريب.
الاتصال الأول وردنا من شاب كان شاهداً على عملية اقتلاع شجرة وعمليات تخريب (فانداليزم) في ساحة المدرسة الابتدائية أ، وقد قام هذا الشاب بتصوير الفتية “المخربين”، لكن هذا لم يردعهم، بل أنهم قاموا بشتمه وتوجيه كلام ناب وحركات مخزية باتجاهه. وفي الفيديو المرفق أدناه يظهر مقطع مما قام به هؤلاء الفتية، الذين لا تزيد اعمارهم عن أحد عشر أو أثنا عشر عاماً.
في الاتصال الثاني، تحدثت سيدة عن أعمال تخريب يقوم بها فتية آخرون في إحدى محطات المواصلات العامة، التي لم يمض سوى يوم واحد على تركيبها، وذلك على الشارع قبالة “عين القصب”.
وقد تحدثت السيدة عن كيف قام هؤلاء باقتلاع حجارة الرصيف وقذفها باتجاه المحطة، ووصفت بمرارة كيف قام هؤلاء بشتمها وتوجيه أقذع الكلام لها، عندما تجرأت على الطلب منهم التوقف.
وتقول السيدة:
“الحمد لله أني لم أكن على الشارع وقريبة منهم، فقد تحدثت معهم من نافذة الشقة التي أسكن فيها في البناية المقابلة، في إحدى الطوابق العليا، وإلا لكان هؤلاء تعرضوا لي بالضرب وسببوا لي الأذية. لم أسمع بحياتي هذا الكلام النابي والشتائم التي وجهها لي هؤلاء الفتية، وهم ربما كانوا في الصف الخامس أو السادس. لا زلت غير مصدقة لما رأيته وسمعته، وكل ذلك لأني طلبت منهم التوقف عن التخريب”.
إن ما نشهدة من عمليات تخريب مماثلة في الآونة الأخيرة، وما سمعناه من الجهتين، إنما يدل على وجود أزمة تربوية خطيرة، فمن يقوم بمثل هذه الأعمال التي تتزايد كل يوم هم أطفال وفتية في هذه الأعمار، وهذا يفرض علينا البحث عن الخلل، الذي إن لم يتم إيجاد حل له، فأي مستقبل ننتظر.
بدون شك هذا الأمر يتطلب جهوداً تربوية تستغرق وقتاً، لكن من الضروري السير أيضاً في المسار الآخر، وهو إنزال العقاب المناسب بمن يقوم بمثل هذه الأعمال، ففي الكثير من الحالات تكون هويتهم معروفة، وهذا يتطلب تركيب المزيد من كاميرات المراقبة في الأماكن العامة، أسوة بما تقوم به المدن والبلدات في جميع أنحاء العالم.
القانون يتيح امكانيه عرض وجوه الفاعلين في هذه الحاله
ارجو عرض صور كامله من اجل تقديم شكوى او تسليم الاسماء ليتم تقديم شكوى خاصه باسم المجتمع
يجب تغريم اهل الاولاد بقيمة الضرر
اني معك انو لازم يتم تغريم اهل الولد بقيمة الضرر بس بدون عرض أسماء الولد او صورهون لأن ممكن يأثر عليهون ( عمنحكي عن ولد عمرو 10 – 12 سني كيف مبين بالفيديو مش عن شباب )
ودخلك شو بدو ياثر عليهن صمللى .. لما مش هاممهن وعبيحكي قدام الكاميرا بكل فتاحيه ووقاحه حكي مقرف مع التاشيرات كمان مشان تكمل .. اني برايي ﻻزم ينعرفو مين هن وﻻزم تغريم الاهل بقيمة الضرر ….
اؤيد كلامك 100%
نسيتوا تحكوا عن اللي عبيشعلوا المزبلة من الغرب ، إذا عايشين بالحارة الغربية بتعرفوا عن شو عبحكي، يعني الغسيل منغسلوا مرتين لأن أول مرة بتضبوه ريحتو دخان، نادرة الليالي اللي ما بيكون فيها الهوا ملوث ، شواريقنا مش عارفة تنظف من الدخان لك حسوا فينا هون نحنا بشر ما خلقناش لنعيش مدخنين وصاخنين على طول نحنا واولادنا واطفالنا ، لك الله لا يوفق المسؤول عن التشعيل يا ريت ينكمش ويتعاقب من عبكرة
كل هالاعمال معروف وواضح شو هدفها وشو بغيتها !!! … ******* !!!…….
برافو للاهالي…
عدم العقاب لهيك افعال عبيزيد هيك ظاهره يا جماعه ولادنا امانه ما توصلوهن لهيك وضع لان الحق الاول والخير على الاهل يلي ما بتراقب ولادها وما بتحطلهن حدود
انا أطالب الموقع على عرض الوجوه ايضاً او تسليم الفيديو لصاحبي المسؤوليه بالمجلس المحلي او المدرسه و اجبار الوالدين بان يدفعو غرامه ماليه بحجم الضرر ليكونو الأولاد عبره لمن يعتبر .
اولا لازم يصير حل مع هالجيل اذا بتحكي معو فش احترام لا كبير ولا صغير بس للاسف اذا بتقولو لاهلو عنو شو عبيتصرف بيقلولك اي خلي يطلع قد حالو بدناش نكسرلو شخصيتو ( الاحترام والتصرف بلباقه والثقه بالنفس هي اجمل شخصيه للولد )
ثانيا ولد صف خامس وسادس عبيتعرضو لولد صف ثالث ويضربو بعنف قوي شو السبب مش معروف بس لانو اصغر منهون وبيوصل عبيتو الدم ملان عوجهو واكل ضربي على ذينتو كمان بتقلولي ها ولد مربى .
الأطفال ضحايا تربية الأهل، وهم لا يتحملون مسؤولية جنائية نظراً لسنهم. وجب في هذه الحالة جبر الضرر بتغريم الأهل.
يا عمي هذول لولاد ضحيه
العمل تبعهون مش صح
بس طولو بالكن عليهون لازم بتقعدو وينحكا معهون وينعرف من وين مصدر هلغضب
أنا شخصيا بعترف اني عملت اشيا مشابها لمن كنت بجيلهن وبتصير
بتخايل انو يجب معالجة المسبب وليس الظاهره
السبب في استمرار هذه الظاهرة انك نجوت من العقاب والفضيحة
لو تم تهديدك مع اهلك او سجنك لما استمر العبث
يمكن بمليون طريقة معالجة هؤلاء ***** ما عدا الدفاع عنهم انهم ضحايا
اولا يجب هرض وجوههم لكي تتعرف عليهم الجهات المختصة .
ثانيا يجب تغريم الاهل بتكاليف تصليح ما خربوه اولادهم….فربما ضرب جيبهم يعلمهم كيفية التربيه الصحيحه….ليس بسبب التخريب فحسب انما بسبب طريقة تحدثهم للعامة.
غريب شو الولد عنا بتكره المدارس لدرجه حب عليهن يكسرو المطارح يكسرو الدنيا الصفوف الكراسي وحياه الله كيف لو الولد مش معزز مكرم بهالمدرسه وعبيتعلم ببلاش ا … اكبر غلط يوعى جيل كامل او بالاحرى جيالات على كلمه “بكره المدرسه” وما منسمع غير هالدعاوي ةهالقنابل والصواريخ والمدري شو للمدرسه كره الولاد للمدرسه اكبر كارثه لانو اذا بيشوف كرسي حب عليه يكسرها وها بالضبط العبيصير بس السؤال شو الحل ؟؟والسؤال الاقوى ليش ولادنا بتخلق من بطن امها ابتسمعنهنش عبيقولو غير بكره المدرسه؟ ؟
ييا هيك التربى يا بلا يصلحلنا اهل الجولان نربي جيالات واعيه عنجد برافو
اولا رد عكل الي عبيحكو انو لازم يتعاقبو والموقع يعرض وجوهن هذا الشي مش قانوني وقانونيا لا يمكن محاسبه طفل بعمر ١٢ سنه وتحت لانو فش عندو (מעשה אדם סביר) يعتبر طفل وبيعرفش شو عبيعمل .
ثانيا اني اكيد مش مع التخريب وهالتصرفات الغير مسؤوله وبتخوب بيئتنا والاملاك العامه الي نحنا بنيناها .
وثالث شي المشكله مش بالاولاد المشكله بالتربيه بالبيت بالمدرسه وبالمجتمع والحل مش انو نعاقبن الحل انو نصلح التربيه بالبيت بالمدرسه وبالمجتمع ككل نصلح فكرنا وطريقت تفكيرنا نفهم ولادنا انو الاملاك العامه النا نبنت بجهدنا وفضلنا وهي ملك لكل واحد فينا لازم نغير نظره ونظره المجتمع لهي الاشياء وهالشي مش عطفل واحد ومش عبيت واحد هالشي لازم يكون بكل مجتمعنا نحنا تربينا غلط وعمنربي ولادنا غلط
(وبقصدش اهانه او اي شي مسيء لاي شخص بكلامي )
قلب موجوع على هيك جيل اذا لا بدو يخاف من يلي خلقو ولا من سيدي النبي شعيب ص ولا من مدير ولا من اهل شو بقي لوين بنا نوصل وجيرنا من الاعظم .
جيل وقح وبلا ادب*****
لازم ينحط قانون لهل موضوع
وين راح الادب
كيف ممكن يطلع جيل واعي وناضج وبيعرف الصح من الغلط اذا وصلنا لوضع يلي فيه صار يشوف **** ****** عبيتصرفو هيك ومرات اكثر ( اصلا اذا عبيشوفن من الاصل ) ..
السبب واضح، التربيه عبتنهار يوم عن يوم والشي يلي كان عيب وغلط زمان اليوم صار عادي!!
ظبو ولادكن وعطوهن من وقتكن ساعة باليوم علموهن فيها الأدب والتصرفات الصحيحة وبناش الكمال بهالبلد بس علأقل الاحترام لكل شي من احترام الآخرين لاحترام الممتلكات العامة !
وليش مغطينلن وجوهن هو لازم ينفضحو وحتى ينقال اسمائن علنا هو اسمن مخربين
تربية الاولاد هي من أصعب الامور التي تقع على كاهل الاهل لذلك نرى اليوم الأهل يريدون التخلص من هذا العبء باللجوء الى ساعات طويلة من العمل ظنا منهم انهم يؤمنون لقمة العيش والمستوى المقبول ونوعا ما من الرفاهية لأبناءهم. يظنون أنهم اذا أخذوهم رحلة كل فترة من الزمن او اشتروا لهم حاسوب او ايبد او هاتف نقال بذلك منحوهم الحب والمسؤولية. لا يا أبناء بلدي هذه ليست تربية، الولد منذ نعومة اظافره يحتاج الى شيء يدعى التربية والحنان والمحبة والأخلاق الحميدة فهذه الاشياء رغم عدم أهميتها بالنسبة للبعض الا أنها تكبر مع الولد ويكبر هو بها. ليست تلبية رغبات ابنك هي تربية. ولا ان تعطيه ما يطلب من النقود هو بالشيء الصحيح. حبوا ابناءكم لكن لا تفرطوا في تلبية مطالبهم وان صح التعبير لا تدلع ابنك.
لماذا يكره الاولاد المدرسة? سؤال طرح مرارا وتكرارا لان ابنك لا يحب المسؤولية والالتزام بالانظمة والقوانين. لماذا? لانه تربى وفي فمه ملعقة من ذهب.
اولادكم زينة الدنيا أحسنوا تربيتهم والا خسرتم.
كلامك مزبوط 100% لكي كل الاحترام