آه يا خيي \ زهرة الجبل

» - 25/12/2013

آه يا خيي
..يلي إمك إمي،وبيّك بيي
..شو مشتاقة إحكي
..إشكيلك همّي وع صدركْ إبكي
..شو مشتاقة ضمّك وتضمني
.. شو مشتاقة غلّ وشمّك.. ونضل ندردش
…تترجّع ع شفافي الضّحكي
…آه يا خيي
…شو مشتاقة تسألني شو بكي،وليش ملبّكي
…شو مضايقك
…بدّي إعرف كل أخباركْ
…شو يلّي صاير فيكي، شو يلي مبكّيكي
…مشتاقة
..لكلمة حنّيي تدب الأمل والقوّي فيّي
…صعبي هالعيشي يا خيي
…إذا كلّ الدّنيا تخلّت عني ..بحياتك لا تقسى عليّي
…بدّي إيّاكْ حدّي
،تمدّلي إيدك ،تساعدني
..ودايمـاً تسأل عنّي وتخافْ عليّي
…مش أني منّك وإنت منّي
!!مش دمّك ع بينبُض جوّا دمّي

آه يــا خيّـي لـو تعرف شو صاير فيّي
! وشو ع بيمرق علـيي؟

علّق على المادة:

لن يتم نشر عنوان بريدك الإلكتروني. الحقول الإلزامية مشار إليها بـ *

* إقرأ شروط التعقيب في الموقع

  • المرسل:  ام ايمار

    رائعه وأكثر من رائعه والله يخلي كل الاخوه

  • جميع الحقوق محفوظة لموقع " جولاني". يمنع إستخدام اي مادة من مواد الموقع دون اذن خطي من إدارة الموقع
      لافضل تصفح للموقع يرجي استعمال Chrome او Firefox او Internet explorer 9 او احدث



    عرض نسخة المحمول