كمام الزهر
وليد رضا - 02\01\2009
| كمام الزهر عم يسالو الضفي | |
| مطرح ما كنتي كمك تغفي | |
| من بعد ما بعطر الندي تبليه | |
| وفوق الحبق شفة ندي يصفي | |
| كيفو الغصن يلي بهنا عملتيه | |
| مخفى بظلو جسمك تخفي | |
| ومن بعد ما ثوبك تعلق فيه | |
| عالعشب صار بعطرك يصفي | |
| والنهر يوقف تالعطر يسقيه | |
| شفي ويرجع رحلتو يكفي | |
| ستعجل على الشلال تيلاقيه | |
| وقفو سوا يتقاسمو الشفي | |
| وصفصاف فزعان الهوى يأذيه | |
| ويصرخ الك بوراق ملتفي | |
| دخلك لصدر العاج لا تعريه | |
| بخاف الهوى اوراقنا يشفي | |
| وعالنبع قربتي وتتحسيه | |
| فوقو حنيتي قدك بخفي | |
| قبلك خيالك نزل تيدفيه | |
| وخلفو نزلتي تعمدي العفي | |
| وصار الزهر يرقص على سواقيه | |
| وطيور تعمل بالسما زفي | |
| ريتك بعيني جسمك تشوفيه | |
| كنتي بحرير القز بتلفيه | |
|
ومع كل لفي بتحسدي اللفي |
|