ناطر تجي
وليد رضا - 17\12\2009
| الريح قدام البرد موكب | |
| والبرق عا مواج الرعد مركب | |
| والغيم عميعزف شتي وجروح | |
| غيابك فتحها وما بتتقطب | |
| وصنوبره بغصونها بتلوح | |
| وكروزها مراجيح عمتلعب | |
| متل الكأنو جراس فيها روح | |
| والعتم يسمع صوتها ويطرب | |
| وقاعد عا شباكي بقلب مجروح | |
| متل جرح الغيم المعذب | |
| والفكر شارد والنظر مشلوح | |
| عا درب لفو الليل وتحجب | |
| ناطر تجي والوقت عمبروح | |
| يفتش عليكي بالمدى الارحب | |
| ويرجع يجاوبني بصدى مبحوح | |
| تعبتني وصار المدى يتعب | |
| شو بعمل إن كان البخت مشروح | |
| بفنجان طعمو للشقا اقرب | |
| حظي بعاصفتك سفينة نوح | |
| وعا نوح ما بيقدر حدا يعتب | |
| لكن بقي باب الامل مفتوح | |
| وما زال طير الشوق ما بيغلب | |
| بدو يشوفك ووقتها مسموح | |
| يجبلي من فروعك غصن ونروح | |
|
عا غير ارض وعا غير كوكب |
|