إنتي معي
مسعود الجولاني - 30\09\2011
| كل ما بتنزف خابيي قطره | |
| بتنزل خدر تاتطوّل لسهره | |
| وبتغل فيّي نار من كاسات | |
| تبوّس شفافي وبتولد لفكره | |
| إنتي معي بلهفة لخفقات | |
| ولوعة "يا رب بنلتقي بكرا" | |
| إنتي لسحر ولنور ولنظرات | |
| وأجمل ورد بخدودك تمرّى | |
| وتا إنكوي من حرقة لغمرات | |
| نفيني عصدرك بجهنم لحمرا | |
| وخلّي رمادي كحل ولدمعات | |
| تكرج نزول وتعلّم لسفره | |
| هاج لبحر وعليت لموجات | |
| عنغمة "عبشتقلك الف مرّه" | |
| ولقلب ذاب وزادت لدقّات | |
| وشردات فكري ما بقت حرّه | |
| وينك تعي يا أجمل لكلمات | |
| غلّي بعينيها كأنك لخمره | |
| وما تتركيها تاينجلو لعتمات | |
| وتذوب فيي وانتهي فيها | |
|
ونرجع نصلّي تنتلي لجرّه |
|