لا عَرْعوري ولا شَبّيْح / عاميّة
بقلم: نواف الحلبي
| لا عَرْعُوري ولا شَبِّيْح | |
| سوري وعَنْ أصلي ما بْزيْح | |
| يا متَّطرّف إسمعْ واوعى | |
| وافهمْ قصدي منيْح منيْح | |
| الشَّغلي طالَتْ وْبَدْها حَلِّيْ | |
| وبدها فعلي مع تسبيْح | |
| نحنا منِرفُض القتل العَمْد | |
| ألله حَرَّم هالتذبيْح | |
| كلنا إخوي في دين ألله | |
| بيكْفِينا قذف وتجريْح | |
| نحنا أهل الدَّرْب الوحدي | |
| بْيكْفِيْنا سَبّ وتقبيْح | |
| يا متّطرف لا تتمادى | |
| ويَلّي بيجي من ألله منيْح | |
| ألله يْآمر بْفَك الأزمي | |
| وِيْعِمّ الخير بْتصليْح | |
| سيدي شعيب والنّبي محمد | |
| وموسى مع سيدي المَسيْح | |
| كُلْهُمْ نادوا بالمحبة | |
| وبالأُخُوّة وبالتصحيْح | |
| يَللا نوقَف وقفة عزّ | |
| بْوِجه المحتَل القبيْح | |
| يَللا نِتْآزَر بالوحدة | |
| وِنْسِدّ الطاقة المِنْها الرِّيْح | |
| ريح الإستعمار الغربي | |
| لازم نْصَفّيهْ ونستريح | |
| حتى يعِمّ الخير بلادي | |
| ونمشي عالدَّرب الصّحيْح!!!... |